مشوار تعديل لادا هاتش باك 2104 بالتفصيل الممل

السلام عليكم ورحمه الله و بركاته

هنا هاكتب مشواري مع تعديل الادا 2104 هاتش باك

معلش انا مستوايا مش حلو اوي في العربيات بس اديني بتعلم
قبل اي كلام العربيه دي محتاجه عربيه تانيه جديده تركب فيها ههههههههه

اولا المواصفات

موديل 87 روسي
الموتور 1500 سي سي و بايظ تماما
الصاج فيه برومه طبعا بس مش كتير
العفشه شغاله بس محتاجه تتضبط شويه لانها ماتغيرتش من زمان
الفوانيس الاماميه رديئه للغايه و لونها مش ابيض اسود
الفوانيس الخلفيه ممتازه
المساحات لاتعمل ولا اماميه ولا خلفيه ولا توجد خراطيم ولا قربه ماء للمساحه
الجنوط ممتازه و كوتشاتها 3 تيوبلس و 2 شمبر
مقاس الجنط 13
الشكمان ممتاز جديد ماكملش سنتين
البطاريه باظت طبعا لان العربيه كانت مركونه شهور و تم شراء بطاريه جديده هذكر سعرها لما اجي لفقره الاسعار
علبه الفيوز بتلمس و من زمااااااااااااااااااان يعني الكلس مره يشتغل و مره لا و ههكذا النور و الخ
الراديتير مش عارف هيا كانت بتسخن ولعه و تضرب جوان كل شويه بس ماعتقدش ان الراديتي له دخل
لان هيا بعد ما عملت عمره بقت بتسخن كل شويه و تضرب جوان
ف تقريبا مكان وش السلندر مش مخروط كويس و الله اعلم
بس الراديتير بحاله جيده
الاكصدامات بحاله معقوله بس محتاجين شويه سمكره و يتضبطوا
نيجي للابواب العربيه
مليانين مشاكل الاوكر تقيله جداااا و المسوجر صعب جداااااا
مفيش اطفال يقدرو يفتحوا ههههههه اهوا مانع اطفال و خلاص
طبعا ده وصف بسيط

لانها مليانه مشاكل
منها انها بتاكل بنزين كتير و طبعا شغاله بالميه ههههههههه
مش بتحط زيت خالص
المهم و بعد ما اتركنت طويلا و اكيد الموتور اكله الصدأ

جالها بيعه ب 12 الف فقلت

انا اصلحها احسن ما اشتري عربيه مستعمله مش عارف ايه اللي فيها

طب دي انا عارف كل اللي فيها ده اضمن

ف توكلت على الله بعد ما صليت استخاره طبعا اكتر من مره لآني كنت متردد جدااااا
و بدات من اسبوعين

اولا مش راضيه تدور و الكاوتشات نايمه

اشتريت بطاريه الموتور المائي هههههههه دار و زي الفل زي زمان

بس احترم نفسه و بطل يصفر تصفيره الصدا عشان لقى البطاريه جديده

البطاريه ب 390 جافه و القديمه بعتها ب 50 ج

و بعد كده اشتريت زيت باكم 12 ج و فلتر بنزين ب 5 ج

و بدانا بقى المصاريف اللي زي الولعه 500 جنيه فرش الارضيه بعد تخليع الكراسي

و 1700 جنيه سمكره و دهان و 1000 ج فايبر و 240 اربع مساعدات

و 80 جنيه طقم فبر اللي هوا جوا الرفرف

ك حمايه من الصدأ و الحليه اللي على الرفرف السمرا دي الطقم ب 53 ج

و قنطره راديتي ب 45 ج و ستاره اماميه ب مش فاكر بكام مرايات جانبيه ب 95 ج

14 متر جلد اللي هيا بتغطي الابواب و لسه جاري البحث عن موتور

و هيا الان في السمكره و الدهان بس محتار اجيب الموتور من بورسعيد ولا مش مضمون ولا اعمل ايه

للموضوع بقيه و اتمنى اني افيد الجميع

500جم فرش ارضيه بالعزل افتكر كتير لان الدا المساحه الداخليه بتاخد 2.5 متر جلد سعر المتر 20جم وكمان السعر غالى العزل سعر المتر 12جم ف2.5 فرش عازل الحراره 12فى2.5 ولا تقصد كمان فرش الكراسى معاه ؟؟
1000جنيه فيبر ده يركب فين نرجو اليضاح حتى نكون معاك والى عنده معلومه يكتبهالك

اقتباس:

---

المشاركة الأصلية كتبت بواسطة mekawy2000

500جم فرش ارضيه بالعزل افتكر كتير لان الدا المساحه الداخليه بتاخد 2.5 متر جلد سعر المتر 20جم وكمان السعر غالى العزل سعر المتر 12جم ف2.5 فرش عازل الحراره 12فى2.5 ولا تقصد كمان فرش الكراسى معاه ؟؟
1000جنيه فيبر ده يركب فين نرجو اليضاح حتى نكون معاك والى عنده معلومه يكتبهالك

---

اشكرك ع التنبيه و انا كده هسأل عن سروجي تاني و بجد واضح ان المعارف اكتر حاجه الواحد بيتخم فيها

حتى كمان الموتور واحد معرفه قالي موتور انجكشن 1600 ب الفتيس ب 3500

بصراحه كتير عليا فقلت اسأل في مكان تاني سألت لقيت ب 2700 كاربراتير و برضه ب الفتيس

ف بصراحه الواحد ماعدش يثق في حد كده خالص و خاصه المعارف

بس حضرتك متأكد

اصل 350 فرش الارضيه اما بقيه الصالون لسه مش ماعملتوش

هيا 500 ب الحل و التركيب و تصليح الكرسي الامامي محتاج لحام و ركبه لانه مكسور جامد

بس انا كده كده شكلي مش مكمل معاه لان اسعاره غاليه

..............

بالنسبه للفيبر يا غالي ده في طنطا مش ف القاهره

الفايبر اللي هيركب عباره عن عتب و اصدامات قدام و ورا مع كساحات

بس ربنا يستر و تطلع شكلها كويس

على فكره انا مش خبره اوي ف العربيات و بجد محتاج مساعده انا ببذل مجهود جامد و الله عشان

ما حدش يخمني او يضحك عليا في الاسعار

موديل 87 روسي
الموتور 1500 سي سي و بايظ تماما
http://www.carswalk.com/lada/lada%20...ombi-1-5-1.jpg

اولا دا صورة العربية لانى مكنتش فاكرها وبما انك هترجعلها وانا معاك فى الراى فربنا يديك خيرها
ويكفيك شرها
وبنى وبينك تربيت العبد احسن من شراه

وبما ان الموتور دا مع البطارية الامانى دا حاجة كويسة واطمن على الدينمو كمان بالمرة عشان البطارية الجديدة ما تروحش فى البى باى

بعد كده اشتريت زيت باكم 12 ج و فلتر بنزين ب 5 ج
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
تمام وياريت بالمرة فلتر هوا


و بدانا بقى المصاريف اللي زي الولعه 500 جنيه فرش الارضيه بعد تخليع الكراسي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ

500ج كتير شوية /الكراسى لو بترجع وار وتطلع قدام اشترى مكن يابانى وركبة هيعمل حوالى 80 ج
قبل ما تلحم الكراسى وتقفل وضعها


و 1700 جنيه سمكره و دهان

ـــــــــــــــــــــــــ ـــــــــــــــــــــــــ ــــــــــــــ

غلى شوية -الدهان هيعمل بالكتير 1000جنية -

سمكرة فى اى فى العربية يحتاج سمكرة
يستحسن انك تخلى السمكرى لوحدة والبوهياجى لوحدة



و 1000 ج فايبر
_________________________________

عتب 250جنية واقل كمان

اكصدام ممكن تجيب حاجة اسمها كساحة تركب امامى وخلفى
ودى تعمل 50ج لجوزا وشكلها حلو ولو اكسرت متزعلش عليها -وكمان تحت الاكصدام عشان الاكصدام فى الادا مهم

الا بقى لو هتخليها كدة
http://www.todoautos.com.pe/attachme...a_2104-web.jpg

http://www.todoautos.com.pe/attachme...104-2b-web.jpg
هنا هو محافظ على العربية مع تركيب 2 عتب خفيف اوى فوق عتب العربية
ومركب كساحة قدم مع الاحتفاظ باكصدام السيارة وانا شايف دا احسن من الا جاى



http://images.forum-auto.com/mesimag...ningorange.jpg

http://images.forum-auto.com/mesimag...ngorange02.jpg

شغل حلو مع التحفظ على الون ولكن اغلب الفيبر عندنا فستك عربية ريحت عليك شكر كدة
والشكل الى جاى كلاسيكى ومقبول
http://degriottier.free.fr/lada_2104...ympe_93lat.jpg



ولو هتهبط مساعدين مع انى اختلف معاك فى التهبيط عشان مشكلة كتير فى بلدنا يبقى كدة
http://www.autemo.com/dc/users/3/ZCT...04_by_MAXI.jpg



و 240 اربع مساعدات
ـــــــــــــــــــــــــ ـــــــــــــــــ
سعرهما كويس



و 80 جنيه طقم فبر اللي هوا جوا الرفرف
ـــــــــــــــــــــــــ ـــــــــــــــــــــــــ ـــــــــــ
قصدك دا

http://img8.imageshack.us/img8/6665/...9399105234.jpg


اسمها كرتيرة ودا مهم عشان الطين والبرومة

ك حمايه من الصدأ و الحليه اللي على الرفرف السمرا دي الطقم ب 53 ج

سعرها كويس فى مصر 65 ج وانا شايف سعرها فى مصر غالى وكل مكلم واحد يقول يابية دا الصباح ههههههههه(الماركة مع الاحترام ل الماركة عشان بجدا دى نظيفة )



و قنطره راديتي ب 45 ج

مش فاهم يعنى اية قنطرة رداتير

و ستاره اماميه ب مش فاكر بكام مرايات جانبيه ب 95 ج

المريات سعرها كويس عند حمدى لادا 150ج الروسى -والى موجود فى السوق من اول 60ج وانظف حاجة شفتها كانت 95 ج
على فكرة الروسى على قد ما سعرها غالى ولكن متينة وماية المرايا حلو
الخلاصة -سعر كويس واتوكل


14 متر جلد اللي هيا بتغطي الابواب
فرش الابواب جاهز ب 50 جنية ام لو هيعمللك حاجة تانية نظيفة وشكلها حلو يبقى تمام


و لسه جاري البحث عن موتور

مالوة الموتور -لو مشكلة السخون -طيب ما تودى وش السلندر عند الخراط ويزبطة
وياريت تخلى ميكانيكى نظيف يبص علية
عموما هو الموتور عند حمدى لادا يعمل 3500جنية -جديد -لوحدة من غير الفتيس
الفتيس اتذكر 2700جنية -جديد برضة
الموتور فى التوفيقية 2700جنية -وفى الموتور يرجى التاكد من النوع

الاستيراد موتور وفتيس اسعار متفاوتة تبدى من 2000جنية الاتنين معا الى 3500
وطبعا المتور الاستيراد بطيخة وكدة كدة لازم يتفك ويتعمل لية طقم شنبر
فارجوا التاكدة اول من المتور الى معالك
اغلب الموتير الاستيراد موجودة فى بورسعيد واعتقدا موضوع الاثبات على الرخصة بياخد حوالى شهرين
دا على حد علمى ولو فى حد من الاخوة جابة اعتقد يفيدك اكثر منى
ارجوا ان يكون الشرح فادك
احمد جمال

السلام عليكم و رحمه الله وبركاته

اولا اشكرك بجد يا استاذ احمد جمال

بص يا باشا ب النسبه لموضوع الفبر انا فعلا ناوي اعملها زي اللي في الصوره

ده + فتحات ف الكبوت

و ده

كمان ملف انا نزلته بكل التعديلات اللي ممكن اعملها

http://www.4shared.com/rar/EU3gSjfj/lada_tuning.html

اما ب النسبه لفرش الارضيه كده مش هكمل معاه

هاشوف حد غيره لاني دفعت عربون و ما بدأناش شغل لسه

و المكن الياباني اللي تقصده ده ايه كهرباء ولا ايه ؟؟؟؟؟ ارجو التوضيح


قنطره الراديتير هيا صفيحه كده تحت الراديتير علطو بس عندي ف العربيه البرومه واكلها اوي اوي

و الستاره اللي هيا ورا الاكصدام علطول هتلاقيها في ملف الصور في ناس معدله شايله الاكصدام بس



انا اتصلت من شويه ب حمدي لادا قالي الموتور الجديد ب 6800 جنيه كتير اوي

ف هاجيب استيراد و خلاص و ربنا يستر بقى

اما عن الموتور القديم ف احكي لحضرتك قصته

هوا اتعمل له عمره و اتغير وش السلندر كمان

ف بعدها كل شويه يضرب جوان و الزيت يدخل ع الميه و مشيت ع الحال ده شويه لغايه ما الموتور كان بيعمل صوت صفاره من كتر الصدا طبعا مش انا اللي كنت بستعملها

انا استعمالي نضيف خالص و مارضاش امشي ب العربيه كده

و بعد كده اتركنت كتير حوالي سنه ف اعتقد ان الموتور ده زمانه صدا

ده توقعي لكن هاجرب افتحه و نشوف هيتكلم كام عمره لو لقيتها غاليه هجيب موتور اريح

اما الديمنو ف تقريبا بايظ بس مش متأكد لانه مؤشر الكهرباء بيتحرك مع الاشارات و بيزيد و ينقص عن 12 حسب سرعه العربيه

سالت الدينمو الجديد بكام طلع 450 جنيه

و منتظر مساعداتكم

اقتباس:

---

المشاركة الأصلية كتبت بواسطة doctormorsy

السلام عليكم و رحمه الله وبركاته

اولا اشكرك بجد يا استاذ احمد جمال

بص يا باشا ب النسبه لموضوع الفبر انا فعلا ناوي اعملها زي اللي في الصوره

ده + فتحات ف الكبوت

و ده

كمان ملف انا نزلته بكل التعديلات اللي ممكن اعملها

http://www.4shared.com/rar/eu3gsjfj/lada_tuning.html

اما ب النسبه لفرش الارضيه كده مش هكمل معاه

هاشوف حد غيره لاني دفعت عربون و ما بدأناش شغل لسه

و المكن الياباني اللي تقصده ده ايه كهرباء ولا ايه ؟؟؟؟؟ ارجو التوضيح


قنطره الراديتير هيا صفيحه كده تحت الراديتير علطو بس عندي ف العربيه البرومه واكلها اوي اوي

و الستاره اللي هيا ورا الاكصدام علطول هتلاقيها في ملف الصور في ناس معدله شايله الاكصدام بس



انا اتصلت من شويه ب حمدي لادا قالي الموتور الجديد ب 6800 جنيه كتير اوي

ف هاجيب استيراد و خلاص و ربنا يستر بقى

اما عن الموتور القديم ف احكي لحضرتك قصته

هوا اتعمل له عمره و اتغير وش السلندر كمان

ف بعدها كل شويه يضرب جوان و الزيت يدخل ع الميه و مشيت ع الحال ده شويه لغايه ما الموتور كان بيعمل صوت صفاره من كتر الصدا طبعا مش انا اللي كنت بستعملها

انا استعمالي نضيف خالص و مارضاش امشي ب العربيه كده

و بعد كده اتركنت كتير حوالي سنه ف اعتقد ان الموتور ده زمانه صدا

ده توقعي لكن هاجرب افتحه و نشوف هيتكلم كام عمره لو لقيتها غاليه هجيب موتور اريح

اما الديمنو ف تقريبا بايظ بس مش متأكد لانه مؤشر الكهرباء بيتحرك مع الاشارات و بيزيد و ينقص عن 12 حسب سرعه العربيه

سالت الدينمو الجديد بكام طلع 450 جنيه

و منتظر مساعداتكم

---

الدينمو بيعرش عندى برضة ساعات مع الاشارات واعتقد دى مش مشكلة فية
شحن بيعل ويوطى مع السرعات اعتقد دا مشكلة سير دينمو اظبطة وشدة او لو الكهربائى قاللك على مقاس اقل وما يخلعش فى المشى من الطنبورة اتوكل
قبل ما تغير
انا بصراحة احترم موضوع الدينمو الجديد لانة اضمن من الاستيراد
ولكن اسمع عن بعض عيوب لدينمو الادا ف لو امكن دينمو شاهين يكون احسن
وبرضة مش دلوقتى خلى كهربائى نضيف يبص علية

واعتقد تشوف موضوع المتور دا عند حد بيفهم
والسعر دا انا سالت علية بنفسى من قرابة السنة واستغربت جدا من السعر الجديد


بجدا الفايل اكثر من رائع وحببنى فى الادا اكتر من كنت بحبها الاول واكتر
ياريت لو هتعمل حاجة من الشغل دا تورينى النهاية اية
والاحسن تصور الشغل حتة حتة لحد النهاية
وان شاء الله هتعمل حاجة جمدة بجدا

متابع بس راجع نفسك الاول لن كده الشغل هيعدى معاك اوى ده كده نقول تاسيس سياره من أ الى ئ احسبه كويس تمن السياره كام والتكلفه كام واجمالى المبلغ كام وراحه الدماغ كام وشوف سياره حيه شويه ولو نفسك فى الادا2104 الاستشن امامى واحده ممكن اسالك على سعرها ولو حبيت تصرف عليها شئ زياده انت وراحتك

ههههههههههههه
المهم النتيجة

اقتباس:

---

المشاركة الأصلية كتبت بواسطة ahmed_gamal777

الدينمو بيعرش عندى برضة ساعات مع الاشارات واعتقد دى مش مشكلة فية

شحن بيعل ويوطى مع السرعات اعتقد دا مشكلة سير دينمو اظبطة وشدة او لو الكهربائى قاللك على مقاس اقل وما يخلعش فى المشى من الطنبورة اتوكل
قبل ما تغير
انا بصراحة احترم موضوع الدينمو الجديد لانة اضمن من الاستيراد
ولكن اسمع عن بعض عيوب لدينمو الادا ف لو امكن دينمو شاهين يكون احسن
وبرضة مش دلوقتى خلى كهربائى نضيف يبص علية

واعتقد تشوف موضوع المتور دا عند حد بيفهم
والسعر دا انا سالت علية بنفسى من قرابة السنة واستغربت جدا من السعر الجديد

بجدا الفايل اكثر من رائع وحببنى فى الادا اكتر من كنت بحبها الاول واكتر
ياريت لو هتعمل حاجة من الشغل دا تورينى النهاية اية
والاحسن تصور الشغل حتة حتة لحد النهاية
وان شاء الله هتعمل حاجة جمدة بجدا

---

تمام يا ابو حميد و ان شاء الله هصور و ابعت لك ان شاء الله

اقتباس:

---

المشاركة الأصلية كتبت بواسطة mekawy2000

متابع بس راجع نفسك الاول لن كده الشغل هيعدى معاك اوى ده كده نقول تاسيس سياره من أ الى ئ احسبه كويس تمن السياره كام والتكلفه كام واجمالى المبلغ كام وراحه الدماغ كام وشوف سياره حيه شويه ولو نفسك فى الادا2104 الاستشن امامى واحده ممكن اسالك على سعرها ولو حبيت تصرف عليها شئ زياده انت وراحتك

---

مش هيعدي اوي

ولو فرضا عدى هيبقى كام يعني هيوصل كام يعني ....... 10 الاف ماعتقدش

ده تمن عربيه مستعمله و هصرف عليها كمان

طب دي انا عارف ايه اللي فيها

و عامه ربك المعين و هيا هتاخد وقت و مصاريف