تسعير ماتريكس

**theangel** · 10-03-2012 01:53 PM

ياجماعه انا معايا ماتريكس 2005 فتحة سقف
لمبات قراءة
والعداد بيقرا حزام الأمان
حامل ف الكرسي لليد
مساحات خلفيه
اوتوماتيك فبريكه بالكامل
زينون شبوره
طقم نيكل اكصادمات يعني للحمايه خلفي وامامي واعتاب
وجنوط
عايز اعرف تعمل كام اللون اسود ؟
وهل الضغط علي دواسة البنزين ف الأوتوماتييك بشكل غير تدريجي مفاجئ يعني ده غلط ولا عادي ؟ وهل في مراكز صيانه مخصصه لعمل ترصيص ولا ممكن اعملها عند اي حد بتاع كوتش عادي ؟

**ahmedasfory** · 10-03-2012 04:28 PM

حضرتك ممكن تعرض مواصفات السيارة على الاستاذ شريف وهبة فى الموضوع ده واكيد هو هيفيدك كتير ‫تسعير السيارات المستعملة شريف وهبه | Facebook‬

**Kareem Fawzy** · 10-03-2012 08:30 PM

حضرتك سيب مشاركة فى الموضوع دة للاستاذ شريف وهبة استشارى تسعير السيارات فى مصر
وهو هيديك السعر مظبوط ان شاء الله بس ياريت تقوله على حالة العربية بالكامل
الموتور والدهان داخلى وخارجى
وكمان لو محتاجة تغير اى قطع غيار علشان يديك السعر المظبوط اللى هتعرض العربية عليه ان شاء الله

تسعيير السيا رات المستعملة الجزء الرابع

بخصوص الدوسة على البنزين
انتا كدة بتعمل Kick Down فى العربية ودة مفيهوش اى عيب بس على المدى البعيد بيأثر على حالة الموتور
بلاش تعملها عمال على بطال
اعملها لما تحتاجها بس مش كل شوية تعملها
بالتوفيق ان شاء الله

**عصام غنايم** · 18-03-2012 04:35 AM

انا اخوك عصام غنايم من قسم الدايو

كنت عايز اعرف منك شوية حاجات لو بتبيع عربيتك

1 ماشيه كام كيلو
2 رشه ايه ؟
3 حالة الكاوتش ايه ؟
4 الحاله العامه ليها ايه ؟
5 محتاجه ايه مصروف ؟

ده طبعاٌ بعد اذنك

لأنى بعت عربيتى وبفكر اجيب عربيه ماتريكس

ولما لقيت حضرتك بتسأل على سعرها قولت يمكن بتبيع فنبقى اولى ببعض

اولاٌ علشان زمالة المنتدى
ثانياٌ علشان حق الجيره ( اخوك من دمياط )

مستنى ردك

وتقبل تحياتى