هل من حق الاب ان يفتش شنطة بنته و رسائل المحمول ولا لا

**دموع الثلج** · 05-06-2008 01:54 AM

يفتش طبعاااااااااااااااااااااا ااااااااااااااااااااااااا اااااااااااااااااااا

بالنسبه للاجيال الجديده وتفكيرهم وتطلعاتهم لا زم الاهل يراقبوا اولادهم كويس جدا والاب خصوصا عينه على البنات
وهقولك شى لو كانت العلاقه بين الاب والبنت جيده بمعنى انهم اصدقاء وفيه مجال للحوار الدائم بينهم هيبقى مش مشكله لانه هيكون عارف كل شى عنها من غير ما يفتش

احنا فى عصر الجواز العرفى

وكل البلاوى دى حصلت بسبب الثقه العمياء من الاهل اضافه الى اهمالهم احيانا

**nahla** · 05-06-2008 02:05 AM

طبعا هوة حقه مش هوة اللي رباني و كبرني و اكيد خايف عليا و بالرغم ان حاجة زي دي ممكن تضايقني لكني بعذره و اقول اهو بابا برضه و ببقى عارفة و هوة فاكر نفسه شرلوك هولمز

**Hossam.Hamdy** · 05-06-2008 04:31 AM

اللى مربي بنته تربيه كويسه على تعاليم الدين من صغرها و عارفه الحلال من الحرام و عارفه ايه اللي يغضب ربنا اكيد هيكون واثق فيها جدا و عمره ما هيفكر يقولها حاجه...
انما لو هو كان منفض و مش فى دماغه و صحى مره واحده و شاف تصرفات مش كويسه لازم يشوف بس بأسلوب كويس ويفهمها عشان متفقدش ثقتها فيه.....

والبنت طبعا اهم من الولد 100 مره ان الاهل يأخدو بالهم منها كويس......
عشان البنت لو باظت او انحرفت خلاص بالسلامه كده....
وبعدين البنات بصراحه اولى بالرعايه من الولاد بكثير عشان ده هتكون ام فى يوم من الايام و هتربى اولادها بعد كده....
و مش معنى كده ان الولاد يبقو براحتهم يعنى لازم يبقى فى حدود فى كل شئ

**Noha.M** · 05-06-2008 04:44 AM

اة طبعا من حقه

و يديها على دماغها كماااان!!!

ما انا اتعمل معايا كدة و مع اخويا كدة و كان بيتسحب مننا الموبايل لو اى حد من اهلى شك ان فيه حاجة غلط و بيتسحب مدة و بعدين يرجع و ساعات ميرجعش !!!

انا شايفة انه شئ عادى جداااااااااااااااااااا و هعمل كدة مع ولادى و دة ملوش علاقة بالثقة لانهم فى سن ميعرفوش معنى الحرية المسئولة

**Ahmed Samy** · 05-06-2008 04:48 AM

يحق لي معرفة كل ما ما أنا مسؤل عنه
و يحق لي ان اعلم كل ما أنفق عليه

و ابني او ابنتي

مسؤل عنهما و انفق عليهما

ولكني سأحاول تفادي هذا الموقف السخيف (التفتيش) بالاجتهاد في التربية

**zakiali** · 05-06-2008 04:57 AM

من حقه يعمل أي حاجه مدام في صالح بنته او ابنه طبعا ! بس كله الا التعذيب البدني .

**ehabradwan** · 05-06-2008 09:24 AM

طبعا من حقه سواء بنت ولا ولد
ده يمكن الولد اكتر من البنت كمان . الولد بيخرج اكتر من البيت و غالبا اصحابه اكتر وبلاويه اكتر و اكتر و اكتر و........

**Islam_galal** · 05-06-2008 09:48 AM

من حق الأب و الأم أنهم يفتشوا أغراض أبنائهم عند الضرورة
و عند الضرورة حتي لا يؤثر علي علاقتهم بهم

**GoldenManEye** · 05-06-2008 09:59 AM

أدهم دلوقتى لسه مكملش شهرين :)

بس لو خلفت بنت مش عارف ليه حاسس إنى ممكن أركبلها فى الشنطة وحدة تتبع GPS :)

التربيه و الصداقة بين الاب و بنته من الحاجات اللى ممكن تخلى مفيش داعى للتفتيش.

"أنا مع التفتيش فى حالة الضرورة القصوى فقط وبدون علمها"

واذا اكتشفت حاجة أكيد مش هقول إنى فتشت شنطيتك ولقيت كذا و كذا..... ده يبقى اكبر غلط، الموضوع لازم يتعالج بذكاء.

بس يارب يبقى عندى بنت :)

**goodwave** · 05-06-2008 10:11 AM

طبعا يفتش ويفتش ويفتش!
أصل الواحد بيترعب لما يسمع احاديث الرسول علية الصلاة والسلام في هذا النطاق مثل:

1- "كلكم راع وكلكم مسئول عن رعيته، فالإمام راع ومسئول عن رعيته، والرجل راع في أهل بيته ومسئول عن رعتيه، والمرأة راعية في بيت زوجها ومسئولة عن رعيتها، والخادم راع في مال سيده ومسئول عن رعيته، وكلكم راع ومسئول عن رعيته".

2- "لا يدخل الجنة ديوث قالوا : مالديوث يارسول الله قال : الذي يقر الخبث في أهله
وقال العلماء:
الديوث هو الذي يرى المنكر في أهله ثم يسكت ولا ينكره
والديوث هو الذي يرضى على أهله السوء والفحشاء والوقوع في الدنس
والديوث الذي لا غيرةَ له على أهل بيته "

صدق رسول الله صلى الله علية وسلم

بس من الأفضل يكون التفتيش بدون علم الطرف الأخر لعد جرح مشاعرة من ناحية .... ومن ناحية أخري لكي لا يتوخى قدر أكبر من الحذر لما يعرف إن في حد بيفتش وراه .... كمان ممكن البنت تكون واقعة في مشكلة زي معاكسة او إبتزاز وخايفة تقول لأهلها نظرا لأن الشخص إللي بيعاكسها او بيبتزها مصور لها إنه يستطيع إيذائها او إذاء فرد من أهلها.

بس زي ما الاخوة قالوا التربية ثم التربية ثم الصداقة مع الأبناء والتعود على الصراحة منذ الصغر.

الموضوع: هل من حق الاب ان يفتش شنطة بنته و رسائل المحمول ولا لا

LinkBack

أدوات الموضوع

عرض

-

-

-

-

-

-

طبعا يفتش ويفتش ويفتش! -

المواضيع المتشابهه

هل لجرابات المحمول المغناطيسية تأثير سلبي على المحمول

تلات رسائل يوميا برقم تليفونك المحمول !! مجاناا

الكلمات الدلالية لهذا الموضوع

المفضلات

المفضلات

ضوابط المشاركة