هل من حق الاب ان يفتش شنطة بنته و رسائل المحمول ولا لا ان عارف انه موضوع صعب شوية لكن هلى من حقه!!!!؟؟
هل من حق الاب ان يفتش شنطة بنته و رسائل المحمول ولا لا ان عارف انه موضوع صعب شوية لكن هلى من حقه!!!!؟؟
من حقه، الحرص احسن من الندم
و الله علي حسب سن بنته ..
و لكن في فترة المراهقة مثلا اه من حقه
بس ده لو فيه بوادر انحراف ولا حاجة مش من الباب للطاق كدة :shuriken:
عشان البنت تحس بالثقة برده
بص يا باشا
انا ارى ان على حسب التربيه من البدايه
يعنى ما تكونش مكبر الدماغ عنها من زمان و لا تسألها او تتداخل معاها و تيجى بعد كده من الباب للطاق عايز تتدخل فى خصوصياتها
و ان كان الشخص من اولياء الامور اللى مكبرين
بس احس ببوادر طيش شباب او حاجه مش بالعها
لأ و ألف لأ
ده يفتش و يفتش و يثبت كمان
ياريت البنات تقولنا رأيهن في الموضوع الشيق ده
انا بس عندي سؤال.. اشمعنى بنته بالتحديد و ليس إبنه أو ولاده عموما؟
يمكن علشان البنت يتخاف عليها اكتر
بس انا في رايي اه
بس من غير ما تعرف و دايما يديلها احساس بالثقة
و ده احسن اسلوب في التربية
حتى علشان البنت يبقى شخصيتها قوية و عندها ثقة بنفسها
نفس السوال كنت هاساله - لان مسئولية الاب عن الاسرة كلها ( كلكم راع وكلكم مسئول عن راعيته )سواء ولد او بنت و لازم المتابعة من السن الصغيرة و لازم الطفل يحس باهتمام والديه به من بداية حياته اما بخصوص المراقبة فهى واجبة للاطمئنان و المتبعة ولكن بذكاء بدون ان يشعر بفقدان الثقة به , و الله اعلماقتباس:
انا بس عندي سؤال.. اشمعنى بنته بالتحديد و ليس إبنه أو ولاده عموما؟
بعد أذنك انا هرد من نفس المنطلق لانى بقيت شايف المشاكل اللى بقيت تواجه النوعين مشتركه و بنسبه كبيره بقيت واحد..
من ناحيه المراقبه ده امر اجبارى على ولى الامر الفكرة هى طريقة المراقبه؟؟
يعنى لازم ميخليش اولاده يعرفوا انه بيراقب حاجه من وراهم و يكتفى بمراقبه الحاجات الظاهرية قدامهم مع تغزيه الاحساس بالثقه المتبادله ..
و بصراحه الاهم بعد كده اساليب الثواب و العقاب.. ايه الخطوة بعد ما اكتشف حاجه انا مش راضى عنها او ماقبلش بيها.. (احساس بالشلل)؟؟؟
اهد كل اللى بانيته من جسور ثقه؟؟
استخدم اسلوب النقاش و التحليل... و النصح و الارشاد؟
ده على حسب الشخصيه و مدى تقبلها للاسلوب..
فى شخصيات الاسلوب العنيف بيخليه يعند اكتر و فى نفس الوقت الكلمه المؤلمه بيبقى ليها مفعول السحر.
و فى شخصيه الاسلوب الهادى ما بيأثرش و النصايح ده بتبقى كلمتين و هيعدوا
بس لازم نعرف اى انواع العقاب الماسبه لتلك الشخصيات؟
احنا مش حنختلف اذا كان ولد ام بنت المهم المنطق نفسه هل ده يعتبر انتهاك لخصوصية الشباب او يعتبر حماية ليه من الاخطاء و الانحراف
يفتش طبعاااااااااااااااااااااا ااااااااااااااااااااااااا اااااااااااااااااااا
بالنسبه للاجيال الجديده وتفكيرهم وتطلعاتهم لا زم الاهل يراقبوا اولادهم كويس جدا والاب خصوصا عينه على البنات
وهقولك شى لو كانت العلاقه بين الاب والبنت جيده بمعنى انهم اصدقاء وفيه مجال للحوار الدائم بينهم هيبقى مش مشكله لانه هيكون عارف كل شى عنها من غير ما يفتش
احنا فى عصر الجواز العرفى
وكل البلاوى دى حصلت بسبب الثقه العمياء من الاهل اضافه الى اهمالهم احيانا
طبعا هوة حقه مش هوة اللي رباني و كبرني و اكيد خايف عليا و بالرغم ان حاجة زي دي ممكن تضايقني لكني بعذره و اقول اهو بابا برضه و ببقى عارفة و هوة فاكر نفسه شرلوك هولمز :wheelchair:
اللى مربي بنته تربيه كويسه على تعاليم الدين من صغرها و عارفه الحلال من الحرام و عارفه ايه اللي يغضب ربنا اكيد هيكون واثق فيها جدا و عمره ما هيفكر يقولها حاجه...
انما لو هو كان منفض و مش فى دماغه و صحى مره واحده و شاف تصرفات مش كويسه لازم يشوف بس بأسلوب كويس ويفهمها عشان متفقدش ثقتها فيه.....
والبنت طبعا اهم من الولد 100 مره ان الاهل يأخدو بالهم منها كويس......
عشان البنت لو باظت او انحرفت خلاص بالسلامه كده....
وبعدين البنات بصراحه اولى بالرعايه من الولاد بكثير عشان ده هتكون ام فى يوم من الايام و هتربى اولادها بعد كده....
و مش معنى كده ان الولاد يبقو براحتهم يعنى لازم يبقى فى حدود فى كل شئ
اة طبعا من حقه
و يديها على دماغها كماااان!!!
ما انا اتعمل معايا كدة و مع اخويا كدة و كان بيتسحب مننا الموبايل لو اى حد من اهلى شك ان فيه حاجة غلط و بيتسحب مدة و بعدين يرجع و ساعات ميرجعش !!!
انا شايفة انه شئ عادى جداااااااااااااااااااا و هعمل كدة مع ولادى و دة ملوش علاقة بالثقة لانهم فى سن ميعرفوش معنى الحرية المسئولة
يحق لي معرفة كل ما ما أنا مسؤل عنه
و يحق لي ان اعلم كل ما أنفق عليه
و ابني او ابنتي
مسؤل عنهما و انفق عليهما
ولكني سأحاول تفادي هذا الموقف السخيف (التفتيش) بالاجتهاد في التربية
من حقه يعمل أي حاجه مدام في صالح بنته او ابنه طبعا ! بس كله الا التعذيب البدني .
طبعا من حقه سواء بنت ولا ولد
ده يمكن الولد اكتر من البنت كمان . الولد بيخرج اكتر من البيت و غالبا اصحابه اكتر وبلاويه اكتر و اكتر و اكتر و........
من حق الأب و الأم أنهم يفتشوا أغراض أبنائهم عند الضرورة
و عند الضرورة حتي لا يؤثر علي علاقتهم بهم
أدهم دلوقتى لسه مكملش شهرين :)
بس لو خلفت بنت مش عارف ليه حاسس إنى ممكن أركبلها فى الشنطة وحدة تتبع GPS :)
التربيه و الصداقة بين الاب و بنته من الحاجات اللى ممكن تخلى مفيش داعى للتفتيش.
"أنا مع التفتيش فى حالة الضرورة القصوى فقط وبدون علمها"
واذا اكتشفت حاجة أكيد مش هقول إنى فتشت شنطيتك ولقيت كذا و كذا..... ده يبقى اكبر غلط، الموضوع لازم يتعالج بذكاء.
بس يارب يبقى عندى بنت :)
طبعا يفتش ويفتش ويفتش!
أصل الواحد بيترعب لما يسمع احاديث الرسول علية الصلاة والسلام في هذا النطاق مثل:
1- "كلكم راع وكلكم مسئول عن رعيته، فالإمام راع ومسئول عن رعيته، والرجل راع في أهل بيته ومسئول عن رعتيه، والمرأة راعية في بيت زوجها ومسئولة عن رعيتها، والخادم راع في مال سيده ومسئول عن رعيته، وكلكم راع ومسئول عن رعيته".
2- "لا يدخل الجنة ديوث قالوا : مالديوث يارسول الله قال : الذي يقر الخبث في أهله
وقال العلماء:
الديوث هو الذي يرى المنكر في أهله ثم يسكت ولا ينكره
والديوث هو الذي يرضى على أهله السوء والفحشاء والوقوع في الدنس
والديوث الذي لا غيرةَ له على أهل بيته "
صدق رسول الله صلى الله علية وسلم
بس من الأفضل يكون التفتيش بدون علم الطرف الأخر لعد جرح مشاعرة من ناحية .... ومن ناحية أخري لكي لا يتوخى قدر أكبر من الحذر لما يعرف إن في حد بيفتش وراه .... كمان ممكن البنت تكون واقعة في مشكلة زي معاكسة او إبتزاز وخايفة تقول لأهلها نظرا لأن الشخص إللي بيعاكسها او بيبتزها مصور لها إنه يستطيع إيذائها او إذاء فرد من أهلها.
بس زي ما الاخوة قالوا التربية ثم التربية ثم الصداقة مع الأبناء والتعود على الصراحة منذ الصغر.
هذا الموضوع من المواضيع التى تحتاج حصافة وحنكة فى التعامل
فترك الامور على عواهنها لمراهق غض الإهاب لا يعرف من الدنيا شيئا ولكنه يعتقد انه قد وصل الى حقائق كونية لا يعرفها سواه هو كارثة بكل المقاييس
والرقابة والتدخل والتوجيه المبالغ فيهم فى فترة تكوين شخصية الأنسان تؤدى الى تدمير مساحة هامة من ارادته وتحويله الى عروسة ماريونيت تظل خيوطها بيد ولى الأمر وتنقطع بغيابه عن الصورة مما يؤدى الى ان الشخص الذى تعود على المراقبه والتوجيه المستمرين يفقد الهدف والإرادة بمجرد اختفاء من اعتاد تلقى التوجيه منه، سواء بالوفاه او بغيرها
لذلك فان مثل هذة الأمور يجب ان تتم فى اضيق الحدود وفى حالة الشك فقط، لكن دون اخلال بأن تظل مفاتيح المراهق فى يد ولى امره الى حين يبلغ المرحلة التى يستطيع فيها التقدير والادراك لنفسه وبدون الاستعانة بصديق
من الاول افتش
مش هاستني لما تكبر او يكبر
من بدري بدري
يمكن الولد يشرب سجاير لازم اعرف واتابع
البنت طبعا بتبقي عليها رقابة مزدوجة من الام الاول وبعد كدة الاب
وفي حاجات الاب هايدور فيها مش هاتيجي على بال الام
والعكس
يا ربن عينا على تربيتهم في ايامنا الجميلة دي
واهم شيئ انك تصادقهم من وهما صغيرين
وماتخليش الحياة تاخدك منهم
بص المهم في الموضوع ده التربية الجيدة من البداية..اصل الحملات التفتيشية دي مش هي الي هاتقول اذا كانت البنت اوالولد كويسين ولا اللهم احفظنا..انت ممكن تفتش موبايله و دولابه و هدومه و ماتلاقيش حاجه و تلاقيه بيعمل بلاوي زرقا و حمرا و كل الالوان..زائد ان التفتيش ده رسالة غير مباشرة ان انا شاكك في اخلاقك ومش بثق فيك..
من الاخر لازم الواحد يبدأ مع ولاده من بدري انه يربيهم كويس و هما من نفسهم لما يكبرو هايرفضو الغلط..مش اسيبه كده مع نفسه و لما يكبر اقول فين الموبايل اما افتشه
1- شوفو يا جماعه طبعا التربية الحسنة من الصغر وزرع مراقبة الله سبحانه وتعالى في نفس الطفل مهم جدا ... صدقوني والله في الاول وفي الاخر الابن الصالح ده رزق من الله بس احنا بنعمل اللي علينا لدرجة اني شاكك ان الاخلاق بالجينات مش بالتربية !!!!!
2-تاني حاجه ان انا ابقى اقرب انسان لابني ... يعني يتعود من صغره انه يحكيلي كل حاجة و يتعب من جواه لو خبى عليا حاجه
3- لازم تقفل اي مدخل للشيطان ... يعني في رأيي ان البنت ماينفعش تدخل النت الا لو مامتها جنبها ... بجد يا جماعه النت والchat فتحوا علينا فاتحه وبوظو من بناتنا كتير والله واكيد كلنا شباب وعارفين الموضوع ده كويس اوي , ولازم لو بنتك بتدخل النت تحذرها الاول من الحاجات الوحشة اللي فيه ثم تراقب كل تحركاتها ومحادثاتها عالنت من غير ماتعرف .
تاني حاجة الموبايل ... انا غالبا مش هجيب موبايل لبنتي لأنه برضو بيسهل جداااا التواصل بينها وبين اي شاب عايز يضحك عليها .
تالت حاجة الاختلاط في المدارس ... بالنسبة للجامعه بقى عايز اقول ان البنت اللي مش متعوده على الاختلاط ايام المدرسة قلما ما تختلط ايام الجامعه , خاصة في الكليات العملية اللي الدراسة بتبقى واخده معظم وقت البنت .
4- لازم تشغل وقت البنت ( والولد ) بحاجات تقربهم من ربنا زي حفظ القرآن وحضور دروس دينية وزيارة ايتام ومرضى و عمل الخير بكافة انواعه .
5- انا عن نفسي مش هسمح لبنتي بالخروج مع صحباتها لوحدهم . المفروض البنت تبقى سعادتها وهي في حضن باباها ومامتها , ولو مش كده يبقى اكيد فيه حاجه غلط يا اما فيها يا اما فينا .
معلش طولت عليكم ...
ايوه من حقه تفتيش الشنطه للولد قبل البنت وفي جميع الاعمار طالما تحت وصايته .
المراقبة احياناً والثقة احياناً اعتقد كدة افضل
ربي صح من الاول و صادق اولادك و اخرج معاهم و كلمهم و اسمعهم .
انا والدي كل يوم جمعة الي يومنا هذا ( سني 25 ووالدي رينا يديلوه الصحة 63 ) من يوم ماجينا مصر
و لازمن يوم الجمعة ننزل نخرج يا اما ناكل برة - يا نتمشى علي الكورنيش او في النادي .
و عمري مازهقت منه او حسيت انه تقيل عليا .
و ده يرجع الفضل لمعاملته معايا و انا صغير و الحمد الله العبد الله اصيع و اضيع حاجة عملها في حياته ( شهادة يعني والله ) انه بيشرب شيشة و والدي عارف .
بس يا جماعة اهم حاجة والله " الصداقة " . بين الوالد و الوالدة و اولادهم .
انا عمري ماتفتشت و لا اتاخد موبايلي ولا الكلام ده كله ز الحمد الله عنري ماخيبت ظن اهلي فيا .