سؤال قبل ما اتدبس هل الفيرنا 2012 المانوال الكاملة فيها مشاكل عشان انا كنت لقيت خمسة لسه ماستلموش وبيعو هيه ايه الحكاية
عرض للطباعة
سؤال قبل ما اتدبس هل الفيرنا 2012 المانوال الكاملة فيها مشاكل عشان انا كنت لقيت خمسة لسه ماستلموش وبيعو هيه ايه الحكاية
طالما قلت اتدبس يبقى اخلع منها
انا رأيي بردو تلقى نظرة على اللوجان
الناس كلها بتشكر فيها
بص يا بشمهندس مجاهد العربية لا توجد بها اي مشاكل ومعايا اتنين صحابي معاهم فيرنا 2012 والعربية ما شاء الله عليها زي الفل
اللوجن لا تتفوق علي الفيرنا سوا في الاير باج والوسع الداخلي وحجم الشنطة اكبر وارتفاعها علي الارض ايضا اكبر غير كدا الفيرنا تتفوق علي اللوجن في كل شئ وتقبل خالص تحياتي
علي فكرة يا بشمهندس انا ليا مشاركه هنا في المنتدي بقول فيها اني لو حبيت اغير عربيتي هجيب لوجن علشان فقط ارتفاعها علي الارض
لكن في المقابل هضحي بالاعتمادية واسعار قطع الغيار واعادة البيع اللي هيه في صالح الفيرنا وأي ميكانيكي يقدر يشتغل فيها
وبالنسبة لثبات الفيرنا انا بقول لحضرتك انها ثباتها افضل من اللوجن واللي حضرتك متعرفهوش ان معايا زميلي في الشركة معاه لوجن 2010 وجربت وسوقت العربية علشان كدا بقولك الكلام ده يعني عن تجربة مش سمع
يا ريت حضرتك تراجع أسعار قطع غيار واعادة بيع اللوجان... أقل حاجة حاقولها ان اتعرض عليا بالفعل فيرنا 2008 كاملة فابريقة علي 48 ألف وكان ردي بالرفض.. ازاي نقارن الفيرنا اللي بتنتج من 1998 والحاجة الوحيدة فيها الموتور ال 1600 اللي أقوي أساسا من العربية باللوجان اللي بتنتج من 2007 وحققت مبيعات كبري ف كل دول العالم وكتير من الدول بتستخدمها كسيارة شرطة؟ لو حضرتك مش متأكد من فرق الفرامل يا ريت تجرب اللوجان أولا وبعدين تعرض رأيك في المنتدي بكل حيادية.. أنا ولا معايا دي ولا دي بس علي الأقل ندي كل عربية حقها والأجيال اللي عدت وعجزت كفاية عليها كدة.اقتباس:
علي فكرة يا بشمهندس انا ليا مشاركه هنا في المنتدي بقول فيها اني لو حبيت اغير عربيتي هجيب لوجن علشان فقط ارتفاعها علي الارض
لكن في المقابل هضحي بالاعتمادية واسعار قطع الغيار واعادة البيع اللي هيه في صالح الفيرنا وأي ميكانيكي يقدر يشتغل فيها
أنا مش باكدب حضرتك.. بس قول لصاحبك يربط عفشة ويظبط زوايا وبعدين جرب العربية تاني.. أنا ممكن أجيب كام ألف فيديو للوجان في التسارع بس كل واحد حايقول ان دي بتاعة برة مش هنا.. طب دا فيديو خاص بأحد أعضاء المنتدياقتباس:
وبالنسبة لثبات الفيرنا انا بقول لحضرتك انها ثباتها افضل من اللوجن واللي حضرتك متعرفهوش ان معايا زميلي في الشركة معاه لوجن 2010 وجربت وسوقت العربية علشان كدا بقولك الكلام ده يعني عن تجربة مش سمع
Logan 180 km/h with 6 Passenger | Facebook
Logan 180 km/h with 6 Passenger 2 | Facebook
شوف حضرتك فيديوهات الفيرنا ال 1600 اللي هنا مش ال 1500 وقارن الثبات بنفسك.
طبعا احنا كل ده بنتكلم ع المانيوال.. لو حضرتك بصيت ع الاوتو حتلاقي ان فيها فتيس الميجان 1 وكله يعترف بقوة الفتيس + الفتيس ستيبترونكس يعني لو حنيت لسواقة المانيوال من وقت للتاني + نازلة بالموتور الجديد ال 16v بقدرة 110 حصان بحوالي 79 ألف أو تدفع 80 ألف وتستلم خلال اسبوعين (من معارض بتتعامل مع التوكيل)
يا ريت التأكد من المعلومات قبل نشرها.. مش معني ان غبور بيضحك علينا اننا نصدقه..
الفيرنا هي أكسنت 1999
اللي من 2005 دي النيو أكسنت دي أكسنت برضه
من الويكيبيديا
Hyundai Accent - Wikipedia, the free encyclopedia
بعد كدة كل حاجة رسمي عشان اللي مش مصدق :3_3_102[1]:
ويا ريت صاحب التساؤل يسأل في قسم المقارنات مش في قسم الهيونداي عشان تبقي فيه حيادية
ها اسأل سؤال ...
هل فية حد في بلدك بيعرف يشتغل في اي عربية غير ( الفيرنا )
ولما تجاوب سؤالي ...
شوف انتا عاوز راحة البال من ناحية صيانتها وقطع غيارها وتوفرها في السوق المصري واله لا
هل احنا عندنا ( صنايعية ) بيشتغلوا وهما مغمضين في عربية تانية غير الفيرنا
ها اقولك
1- قطع غيار تمام التمان ويركب علي الفيرنا اي حاجة انتا وفلوسك
2- اي مركز صيانة ها يصينها
3-عدي كده على سوق السيارات وشوف ها ينادو عليك ازاي ( تبيع يا فيرنا ) يعني بياعة
ولكن طبعا في الجوده والتكنولوجي والمتانة والرفاهية اي عربية تانية غير الفيرنا.... للاسف !!!
http://i42.tinypic.com/33y4ydx.jpg
صاحب الموضوع بيتكلم علي جديد.. يعني بصلها كمان 5 سنين علي ما يبيع..
حاتبقي الفيرنا حجريا زيها زي الكريستالة.. كان اللي راكبها من كام سنة يطلب فيها اللي هوا عاوزه ويتحطله ع الترابيزة.. شوف دلوقتي..
والعبرة مش بالصنايعية برة.. دلوقتي -المفروض- الدنيا نضفت والناس فهمت وبقت بتتعامل مع التوكيل مباشرة.. لو العبرة بالتوكيل يبقي اللوحان كسبت من قبل حتي ما نقارن :0002014a:
علل ..
مش فاهم
http://i40.tinypic.com/x3a9mt.jpg
الفيرنا هى بدأت من 2004 الشكل الجديد
ولو على الفيديوهات اللى فى الصفحة اللى فاتت انا مش شايف فيها حاجة غير عربية ماشية مستقيم على طريق متسفلت (ناعم) جديد
لو دى فى وجهة نظر صاحب الفيديو غرز و ثبات يبقى ربنا معاة بقى هههههههه
الفيديوهات لا تدل على حاجة خااالص
كمان الفيرنا مش فرز تانى وتالت والكلام دة اصلة مش بلاط ولا سيراميك !
غير ان الفيرنا من 2004 وهى بتتباع قبل ماتخلص كوباية الشاى !
الفيرنا عربية ممتازة جدا جدا جدا وبلا اعطال نهائى او مشاكل ميكانيكية
واللوجان برضة حلوة ... لكن منققللش من الفيرنا
علي ما يبدو ان حضرتك مش فاهم المغزي من الفيديو.. يبقي بلاش تكهنات
الثبات يعني ماتبقاش ماشي علي 140 والعربية بقدرة قادر تتحول الي موبايل فايبراشن
وبعدين فرز تاني اييه وتالت اييه؟ هوا لو كان داق العربية ولقاها مززة.. كان عرف انها فرز تالت :36_2_33:
آسف بجد مش قصدي أي تريقة بس بطري الجو شوية.. أصلي شايف الموضوع قلب عداء علي مافيش!! وعلي فكرة موضوع الفرز التاني ده كان في موضوع ال i20 مش هنا :oho:
اخواني احنا بنتناقش في حاجة خلي الموضوع عادي كل واحد له وجهة نظره..
والفيرنا بتنتج من 99 مش معني انها بدت هنا 2004 انها اول انتاج ليها 2004.. سوق مصري بقة!!
وللعلم تاني مرة الفيرنا أساسا هي الجيل الثاني من الأكسنت.. الجيل الثالث هو ال new accent والرابع هو ال accent rb كلهم أساسا accent بس غبور بيغير الأسماء عشان يحقق أكبر مبيعات ممكنة.. مش باقولك سوق مصري بقة..
أنا مش باقلل من الفيرنا بأي شكل من الأشكال.. لغاية وقت قريب كان ليها سوقها وحتي الآن.. بس هل شرائها جديدة يعتبر صفقة رابحة زيه زي اللوجان؟ بلاش نتكلم علي أسعار قطع الغيار وكدة.. مانعملش زي اللي بيشتري اللادا 2012 (مع مراعاة فروق المستويات بين الفيرنا واللادا) بس كله دلوقتي بيلتزم بالتوكيل.. ومراعاة التعامل الكامل مع التوكيل في اعادة البيع بيديك بونص كبير.. وطبعا مش عاوز أقول مين اللي توكيله أحسن ودي لا خلاف عليها.
مش حاتكلم في أي نقطة تانية حاليا لغاية ما يظهر صاحب الموضوع اللي مش عارف هل هو أساسا متابع أم لا. ولو متابع أي حد عنده وجهة نظر يطرحها معايا في قسم المقارنات وهناك كله حايبان. لما تبقي وجهة النظر مطروحة هنا فا أكير ملاك الفيرنا حايشكرو في الفيرنا.. مش تعصب بس لو ماكنوش شايفينها أحسن ماكنوش اشتروها.. نفس الكلام في قسم اللوجان كانو برضه التزمو بان وجهة نظرهم هي الأحسن والا برضه ماكنوش اشتروها..
لولا اختلاف الاذواق لبارت السلع..
اللي شايف كلامي فيه حاجة غلط يقول..
الاختلاف لا يفسد للود قضية
احنا ما شيين في شوارع مصر ... يعني الشوارع مش بتفرق بين مرسيدس واله عربية (تجرها الجياد )
السرعة لا تزيد عن 80 90 100 110 أخرك علشان يااادوب تعرف تتحكم في العربية
يعني بغض النظر عن ( الرمل + الزيت + المطبات عالي وواطي + البني أدمين + البلاعات+ الطوب والدبش علشان واحد كان راكن ونسي يشلهم لما مشي + إلخ )
الله يكون في عونا :banzai::banzai::banzai:
انا سالت السؤال ولقيت الناس كلها دخلت شمال مع بعض ياريت تهدوا وانا بشكركم كلكم على ردودكم الموضوع بالنسبالي كان محير جدا مابين انى اجدد العربية الفليشيا بتاعتى او ابيعها واكمل واجيب عربية جديدة زيرو متفتحش بقها خمس سنين قدام فسالت عن الفيرنا لقيت قصة عدم الثبات والحاجات المعروفة عنها سواء بالايجاب او السلب وسالت عن اللوجان عرفت انها كويسة بس مشكلتها غلاء قطع الغيار وبصراحة بعد ماسالت يمين وشمال واللى يقولى فيرنا واللى يقولى لوجان قررت استني شوية لانى كنت ناوى اشترى كاش سواء فيرنا او لوجان بس من الواضح ان هظبط الفليشيا امشي بيها شوية واكون كملت مبلغ تانى واجيب حاجة اعلى من الاتنين ومتشكرررررررررررررررررررر ليكو كتير ومحدش يزعل من حد
مافيش زعل.. انت كدة حاتحسسني انك جديد في المنتدي.. احنا هنا نقاشنا كدة :O_stupid[1]:
وبالنسبة لموضوع العربية مش لازم تدفع كاش.. وحاجة تانية حاول تشوف حاجة اوتو طالما حاتعلي عن ال 70.. عندك الفيرنا واللوجان اوتو الاتنين ب 79 أو 80 حاجة كدة.. عاوز تطلع لحاجة أعلي (ودا حقك) يبقي عندك الصني ب 93 والأحسن تجيب اللي ب 96 فيها abs و ebd و 2 ايرباجز وشخلعة.. لو دفعت ال 70 مقدم وقسطت الباقي علي 3 سنين مثلا الفايدة مش كبيرة وجيبت حاجة كويسة.. يعني بقي انت ومزاجك تعلي شوية ل 103 عندك الأكسنت أر بي اوتو والريو الاوتو.. وهكذا..
شوف كدة السوق وربنا يوفقك للي فيه الخير.