الراجل ميقدرش يرفضلك طلب ياشنورى باشا بس هو خايف عليك من الحمة بتاع اللحمة الايام دى
ان شاء بعد ماتخلص الحمة دى مش هيجبلك حاجة بس الايام دى تعدى على خير :glasses18::cool (1):
عرض للطباعة
الف مبروك يا ahmod
وقسم تويوتا الى الامام ان شاء الله
الف مبروك يا ريس تستحقها عن جدارة
يلا شد حيلك في القسم و خليه من اكبر الاقسام في المنتدي
و كفاية مخالفات بقي كرهتني و خوفتني من النزول في الشارع ههههههه
الف مبروك يا باشا
الف مبروك .. تستحقها عن جدارة.
أحمد باشا ... عاوزين أنشاء الله نجيب بنتين كده يبانيات ... نوقفهم على باب القسم بتاع تيوتا ... وكل واحد داخل قسم تويوتا ... تقوم البنتين موطية كده وتقلو ولكم ســــــــــير وتقوم فتحالو الباب .
دي حاجة ... الحاجة التانية عاوزين نغير كل اللمض في قسم تويوتا ... ونركب تكييف كمان ... ونعمل قسم للمشروبات والمؤكولات كمان ... من يومين كان معاية زائر هنا في قسم منتدى تويوتا ... بفتح التلاجة علشان أقدملو حاجة ساقعة لقيت التلاجة بتاعت القسم فاضية ... المهم لقيت عيل طالع من قسم العربيات الصيني قلتو خود ياد هنا ... روح على أولى المنتدى هتلينا اتنين حاجة ساقعة وتعاله ... قالي أ/ كريم منير مانع المشروبات والمؤكلات في المنتدى يرضيك كده ياباشا ... طيب والضيف الي معايه اعمل فيه اية .
وعوزين أنشاء الله نهتم بالحمامات الموجودة في قسم تويوتا ويبقى فيها صابونة ومناديل ومعطر ... مش كل ما أجيب معاية صابونة واحطها ابص ألائي عيل يخودها ... نركب الصبانة الي بتركب في الحيطة ... تالت حاجة يا دكتور أحمد عاوزين نشيل كل اليفط والاعلانات الي موجودة في القسم هنا ونحط أعلانات خاصة بتويوتا ولكزيس ... مش أجي أخش قسم تويوتا الاقي أعلانات منصور شوفرلية ونيسان ... وطبعاً مش هوصيك بأه تربيزة البلياردو على طاربيزة البينج بونج على طقم أنتريه شيك مع الشاشة lcd 50 بوصة ... ونخلي القسم بتاعنا مميز عن بقيت الاقسام ... ونجيب عيل كده على باب القسم بتاعنا يطوق عربيات الاعضاء ... وغسلة شيك كده ، ومن بكره انشاء الله ننزل أعلان في الاهرام ملطوب سكرتيرة حسنة المظهر تجيد عمل الشات على الكمبيوتر حسنة المظهر لمنصب سكرتيرت المنسق العام لقسم تويوتا .
بس كده ياباشا لو أفتكرت شوية مطالب تانية هقولك عليه ياباشا ... وربنا يخليك لينا يارب وبالتوفيق والى الامام .
واضح ان حضرتك بتهرج وداخل مش عارف انت بتقول ايه
ازاي حتركب تكييف علي المساحه دي من غير ما تعمل سقف صناعي ياعم علشان التكييف المركزي
ودا كله بعد ما يعمل ارضيه القسم بورسلين ويعمل نظام اتصل لاسلكي داخلي بين الاعضاء
وجراجات متحركه باسانسير تحط العربيات فوق سطح المنتدي
متهرجش بقي
ههههههههههههههههههههههههه ههههههههههههههههههههههههه ههههه
اوعي تزعل من اول جمله انا بهزر معاك
ههههههههههههههه لا بجد والله لازم نحسن من أداء القسم بتاعنا ... وانا اساساً بعترض على تسميتو قسم تويوتا المفروض يكون جناح تويوتا الذهبي .
النقطة التانية .. لازم مواضيع تويوتا الجديدة تطلع فوق في الشريط المتحرك ... لا واحنا كمان عاوزين يضيفو لنا شريط كمان متحرك في الاهدئات والتهنئة والتباريك زي الشرايط المتحركة بتاعت روتنا ومولدي كده ... اانا شفتها في منتدى تويوتا خليجي عملينها فأحنا كمان لازم نعملها في قسمنا ولا أيه .