الموضوع: إيه رأوكوا في كورسا ب 34000

حببيبي
عايز تركب الماني وهاتشباك
يبقي تبعد عن الاوبل
ده اولا
ابيزا او بولو او جولف ........
الاداء بالترتيب
جولف
ابيزا
بولو
القطع غيار
ابيزا
بولو
جولف
سعر اعاده البيع
جولف
بولو
ابيزا

راي الشخصي
جولف
ابيزا
بولو

واتكل علي الله
بس خلي بالك
مفيش جولف كويسه ب34 ولا حتي ب40
ولو تحويشه عمرك وتعرف تجيب ابيزا اتكل علي الله

المشاركة الأصلية كتبت بواسطة ramyayash

حببيبي
عايز تركب الماني وهاتشباك
يبقي تبعد عن الاوبل
ده اولا
ابيزا او بولو او جولف ........
الاداء بالترتيب
جولف
ابيزا
بولو
القطع غيار
ابيزا
بولو
جولف
سعر اعاده البيع
جولف
بولو
ابيزا

راي الشخصي
جولف
ابيزا
بولو

واتكل علي الله
بس خلي بالك
مفيش جولف كويسه ب34 ولا حتي ب40
ولو تحويشه عمرك وتعرف تجيب ابيزا اتكل علي الله

السلام عليكم..
أولا انا شايف انك داخل متحامل جدا علي الكورسا..
محدش قال انها احسن من كل اللي قولت عليه.. الا البولو..
البولو 1000 سي سي.. وقطع غيارها غالية جدا.,.. اغلي يعني من الكورسا..
وسعر العربية نفسها تقريبا متقارب جدا.. بس في المقابل ان عندك في حاجة اسمها توكيل اوبل ممكن لو قفلت معاك تودي العربية تكشف عليها و تعرف اي عطل فيها.. وده غير متاح في فولكس.. ولو ان في ناس محترفين بيتعاملوا فيها..
بس في نظري.. الكورسا احسن من البولو..
اما بالنسبة للجولف و الابيزا..الجولف مش هاتكلم عنها خالص.. دي فوق المقارنة دي..
لكن الابيزا.. متفرقش كتير عن الكورسا.. بس هي والحق يقال اعلي شوية..
يعني موتور اقوي شوية.. واكبر شوية منها.. و ثبات اعلي منها برضه..
قطع غيار اغلي شوية بس معمرة برضه..

بالنسبة للابيزا.. عندك منها اكتر من موديل.. الشكل الاولاني خالص.. 1300 سي سي.. نفس امكانيات الكورسا.
و الموديل اللي بعده 1000 سي سي بس.. بس فيها بعض الكماليات.. و بعدين اخر شكل اللي هو تقريبا 2001 تقريبا كاملة..
اكتر واحد يفيدك فيها محمد ابيزا.. بس لما يشوف الموضوع هيرد عليك فيها رد وافي..
سعرها ماعرفش فيه.. بس بيتهيألي اللي معاك يجيب ابيزا 1300 موديل 94 او اعلي حاجة بسيطة..

المشاركة الأصلية كتبت بواسطة volcano12

el corsa el 1200 is very good, and 1994 is much better.....
but i don't think it have half power also no air condition? am i right?!!

the only models having half power are
1200cc 1997 which i do recommend!!!! if you find it
it's full option, electric mirrors and windows, power, center, aircondition, sunroof .... everything

1000cc from 1998 till 2001/2 which i don't recommend at all and stay away from it.....

opel corsa has low prices spare parts ... rear light for 65 le for example....

just when you buy, go for anyone and check it very good, also put into consideration that it should be 1200 cc

كلامك فيه نسبة كبيرة من الصح.. بس هاصحح الباقي..
الكورسا بي اللي هي من سنة 94 لحد 2000..
عندك فيها موتورين.. اللي في مصر يعني.. عشان في مواتير كتير برة..
اللي في مصر موتور 1200 سي سي.. موديل 94 و 95 و 97
مفيهاش باور خالص.. ومفيش حاجة اسمها هاف باور..
ومفيهاش تكييف خالص.. وفيها فتحة سقف.. و زجاج كهربا..واكيد كاسيت و 4 سماعات
في منها فيها عداد ار بي ام وفي موديلات مفيهاش..
في موديلات فيها مرايات كهربا و موديلات مفيهاش
في موديلات فيها مفتاح مشفر و موديلات مفيهاش.. (ولو انها موجودة في كل ال97)
موديل ال97 فيها سنتر لكن مش ريموت..

كل التكييفات اللي في ال1200 صاحبها اللي بيبقي مركبها.. و الباور كذلك..
كل الكورسا ال1200 اللي نزلت مصر من التوكيلات كده.. مش باور و مش تكيف..

موديل من 98 الي2000 انساها خالص..
موتور 1000 سي سي 3 سلندر بس.. معقد شويتين.. و السنسورز او الحساسات بتاعته غالية شويتين..
ومش اي حد بيعرف يشتغل فيها.. لكن ميزتها الوحيدة انها مكيفة و باور.. بس مفيهاش فتحة سقف..

قطع الغيار بقي..متوفرة في اكتر من مكان افضلهم في التوفيقية و حاجات اصلية و معمرة جدا..
قطع غيارها رخيصة الي حد كبير جدا.. (يعني ممكن تقارنها بالفيات القديم في بعض الحاجات..)
قطع الغيار الاستيراد مرمية ع الرصيف في الحرفيين و الوكالة و غيرها.. و رخيصة برضه..

لو هتاخد عربية عليك وعلي التوكيل..لسبب واحد.. يشوف العربية الشاسيه حالته ايه.. اضمن..
و كمان المهم.. يكشف علي الكومبيوتر بتاع العربية.. و هتاخد ريبورت كامل بكل حاجة.. ب 180 جنيه..
كهربا و بودي و موتور و عفشة و شاسيه وكل حاجة..
عندك بدل التوكيل 2 منصور و مقار.. و عندك العوض كمان مركز صيانه معتمد من منصور تقريبا..

ممكن سعاتك تبص بصة علي موضوع اهم المواضيع في منتدي اوبل..
هتلاقي في موضوع عن التوكيل و مراكز الخدمة.. تعف اماكنها و تفاصيل عنها..
وكمان في مركز صيانة تبع منصور اسمه اوتو ماستر في مدينة نصر.. معتمد من منصور..
وهنا في المنتدي في اتفاق علي تخفيضات معاه..
في كمان موضوع بيتكلم عن قطع الغيار جديدة و مستعمله.. بص عليها و هتعرف حدود اسعار معظم قطع غيارها.. و احكم بنفسك..

معلش طولت عليك.. بس انا اصلي معايا كورسا و باحبها جدا و اللي عارفه عنها قولتهولك..
وربنا يوفقك,, و استخير.. ولو عايز عربية قولي و ربنا ييسر.. اشوفلك حاجة و اجي معاك و انا تحت امرك..

المشاركة الأصلية كتبت بواسطة SEATLOVER

رامى حبيبى ..ازيك عامل اية
اية يا عم رامى مالك خوفت الرجل لية كدة من الكورسا :)
الكورسا الموديل دة 94 لا تقل جودة و اداء عن الابيزا و البولو وعربية محترمة جداً و بتعيش
ليا بس شوية ملاحظات عليها
-العربية واطية شوية -حاجاتها مش رخيصة و مش موجودة فى كل حتة -مش كتير بيفهموا فيها -الشكل مش محبوب و لة شعبية كبيرة -معظم كمالياتها بتبقة مضافة و مش اصلية -استهلاك بنزين عالى شوية

بالنسبة للعربية اللى قدامك ..السعر بتاعها قليل شوية وهى بكدة اما هاتبقى حالتها عادية او سيئة ..لكن بالسعر دة مش هاتبقى جيدة
مفيش هاف باور فى الكورسا ..لكن هى الدركسيون بتاعها حركتة كويسة مش وحشة
ولازم تشوف عربية و اتنين عشان تعرف تميز الحالات من بعض

على العموم
الكورسا و الابيزا و البولو ...عربيات محترمة جداً ... بس حالياً اهم حاجة فيهم الحالة ..يعنى اول ما تلاقى حالة حلوة سواء فى اى واحدة فيهم ..توكل على الله و ماتترددش

اما عن الميكانيكى ممكن تشوف فى القسم هنا الاخوة بيتعاملوا مع مين ..او انتظر ردهم عليك إن شاء الله هايفيدوك فى الموضوع دة

وربنا يوفقك أن شاء الله

اهلا اهلا اهلا..
البشمهندز عمرو عندنا. يا مرحبا يا مرحبا.. :) :) :)
منور يا باشا.. خليني اقول رأيي بصراحة في كلامك..
عشان في حاجات انا معاك فيها و حاجات مش معاك.. بحكم ملكيتي للعربية يعني و معرفتي تفاصيل كتير شوية عنها..
* العربية واطيه..؟؟ (-) ده مش صح قوي.. العربية لو مساعدينها مظبوطة,, مش بتبقي واطية.. و نادرا ما بتحك حتي لو محملة..
انا عندي بتحك بس عشان المساعدين عندي ضايعة..لكن ده مش العام بتاعها..
* حاجتها مش رخيصة؟؟ (-) تعتبر رخيصة و قوي كمان.. تقدر تقولي مساعدين 4 الماني بلشتاين ب 1100 جنيه غالية ولا رخيصة؟؟
اسطوانة و دسك و بلية دبرياج 700 جنيه غالية ولا رخيصة؟
كاتينة و بلية و شداد و طلمبة مية 350 جنيه الماني غالية..؟؟
حتي الفوانيس و الكلام ده.. الفوانيس تقريبا الواحد امامي يعمل 150 تايواني و الاصلي استيراد نفس الرقم او اقل شوية.. و انضف من الجديد..
الخلفي بيعمل من 80 ل 100 و برضه الالماني استيراد انضف من التايواني و اغلي شوية..
مرايات.. العادية الجوز ب 150 العادية مش كهربا..
الكهربا الاستيراد بتمن الجديد حوالي 300 الجوز..
العفشة كاملة بتاعت العربية بس من غير بلي العجل.. يعني مقصات و بارات و جلب و بيض و الكلام ده.. كله علي بعضه 300 جنيه..!!!
الكبالن الجوز ب حوالي 500 او 600 جنيه الماني (عندي بقالهم 11 سنة وبدأوايشواروا عقلهم دلوقتي..)

متوفرة جدا في التوفيقية.. عند كام شركة متخصصين في اوبل.. و في اماكن تانية كتير.. بس دول اللي انا عارفهم..
و الاستيراد طبعا كتير جدا..
* مش كتير بيفهموا فيها؟؟ (+) امنا معاك.. بس الحم لله هنا بقينا نعرف ناس كتير قوي و اماكنهم و تجارب الاخوة مع الاماكن دي بينت ان في ناس يعتروا كتير شغالين في اوبل و محترفين كمان.. مش حاجة تقلق.. زيهم زي الفولكس..

* شكل مش محبوب (-) انا مش معاك في دي.. انا شايف شكلها حلو و بتليق في الدلع و التظبيط جدا.. ده لو انت عايز يعني..
و شوف مبيعاتها قد ايه.. و لو عايز تتفرج بجد.. انزل اليكس.. اقعد ع الكورنيش نص ساعة.. ولو عديت اقل من 30 او 40 عربية يببقي ليك عندي واحب.. :) :) :) انا افتكرت انها بتتوزع علي البطايق هناك.. :) :) :)

* كماليات غير اصلية.. برضه معترض.. (-) علي اساس ايه..؟؟
التكييف.. يا اما جي ام اصلي يا اما ساندن ياباني.. و الاتنين كويسين جدا..
الباور.. لو راكب يعني بيبقي بتاع الكورسا ال1000 و الماني مش حاجة تانية.. بتاع كورسا يعني..
غير كده كله تقريبا موجود فيها.. ولو مش في بعض موديلات في اخري و ممكن تركبها عادي جدا..

* استهلاك بنزين عالي شوية.. مش عارف بصراحة..انا ببنزين 92 جوة البلد بتعمل حوالي 200 في الصفيحة.. و علي السفر اكتر طبعا بتاع 350 وده بالنسبة لأنها مش انجكشن العادي ده..
لأ سنجل بوينت انجكشن,. يعني في رشاش واحد عد الكاربيراتير.. مش زي الجديد,, وده استهلاكه نسبيا عالي.. بس انا شايفه معقول جدا..

باقي الكلام كله انا معاك فيه تماما..
وخاصة السعر..
و برضه هاعرض عليك خدماتي تاني..اروح معاك لو عايز تشوف اي حاجة..
ولو عايز.. في قدامي عربيتين.. تلاتة كمان.. مش 2..
واحدة علي 37 و ممكن تنزل سنة كمان.. و الاتنين التانيين في حدود 42 و لما نشوف حالتهم نحكم و تقريبا ممكن يكون التنزيل صعب شوية.. عموما لو مهتم قوللي انا تحت امرك..

المشاركة الأصلية كتبت بواسطة mohamed ibiza

ايه ده موضوع فيه هاتشباك و الماني و ان مش هنا :):)

اولا الكورسا حلوة و الابيزا احلي ليه بقي:
1-الابيزا اكبر حجما
2-موتور فولكس فاجن (جولف 2)معروف ان مواتير فولكس اشد من اوبل
3-الابيزا انعم من الكورسا
4-الابيزا احلي شكلا في نظري (مسألة اذواق)
5-قطع الابيزا متوفرة عن الكورسا و ارخص من الكورسا و معمرة اكتر من الكورسا
ملحوظة(لو احتاجت مساعدة في قطع الابيزا انا موجود انما كورسا مش تبعي)

دي رأيي و الاتنين حلوين بس دي الفروقات بينهم

حبيب هارتي..
اهلا ببيك.. مانا باقول برضه مستنيينك تفتينا في الابيزا..
تعالالي بقي.. :)
اكيد موتور الجولف 2 اشد من اوبل ومفيش جدال..
ممكن افهم ايه المقصود بانعم؟؟ (بجد مش فاهم مش اكتر.. مش بارخم عليك يعني.. :) )
الشكل اذواق..
اخيرا بقي.. هتقولي متوفرة عن الكورسا.. انت شوفت قطع غيار الكورسا فين يا حماده..؟؟ :) :) :)
لامؤاخذة بقي كل واحد يتكلم عن عربيته.. و يقول متوفرة او لأ..
لكن ميقارنش اكتر ولا مش اكتر..
انا عشان معايا اوبل.. باشوف محلات قطع غيار كتير جدا.. و عارف اماكن نضيفة كتير قوي بتشتغل في حاجات اصلي و اسعار معقولة جدا..
اكيد مش باخد بالي من اماكن قطع غيار السيات او الفولكس..
ممكن تكون اكتر شوية.. بس مش لدرجة بكتير يعني..
وبعدين هاتلي اسعار حاجات اللي هي اغلي من الكورسا..
هتلاقي تقريبا نفس الاسعار.. مش ارخص يعني.. ومن ناحية معمرة عنها ممكن يكون صح..

اديني امثلة اسعار طيب.. و انا معاك.. انا كتبت شوية اسعار حاجات.. قولي اسعار مثلاتها في سيات و اسعارها..و نشوف.. :) :) :)
متحاولش مش هاسيبك..