السلام عليكم ورحمه الله وبركاته
عاوز اعرف اعمل ايه علشان يبقي الانترنت واصل عندي علي طول ومش يقطع ومش يكون متأثر بعوامل تانية زي تصليحات السنترال وخلافة
من الاخر عاوز انترنت ثابت موصول 24 ساعه فى اليوم و علي طول شغال هل شركة بتقدم خدمه زي كدا
عرض للطباعة
السلام عليكم ورحمه الله وبركاته
عاوز اعرف اعمل ايه علشان يبقي الانترنت واصل عندي علي طول ومش يقطع ومش يكون متأثر بعوامل تانية زي تصليحات السنترال وخلافة
من الاخر عاوز انترنت ثابت موصول 24 ساعه فى اليوم و علي طول شغال هل شركة بتقدم خدمه زي كدا
مدام الانترنت عن طريق خط التليفون (دي اس ال) معتقدش هاينفع
لو في العمل ممكن تجرب ال Leased Lines بس ده بيكون اغلى طبعا بس اكتر ثبات و فعاليه
ولو فايبر يبقى احسن و احسن بس مش عارف فيه شركات في مصر بتقدم Fiber optics leased lines ولا لاء
لو عايز انترنت شخصي يبقى مفيش حل غير اليو اس بي مودم
USB Modem
عن تجربه فى مواقع شركات البترول فى الصحراء بنستخدم انترنت عن طريق الساتالايت مع شركه
أوربت ده صارووووووخ وشغال 24 ساعه
فودافون ووووووش
والله من تجربه كله زفت
te data link voda etsalat
ومفيش غير حل واحد
تجيب سباك وتاخد وصله من الكبل البحري عدل
:)
بسئل علشان الشغل عندي
احنا واخدين من فودافون والخدمه اقل ما يقال عنها انها سيئة وكمان مفيش دعم كويس ومشكلة امبارح هيا نفس مشكله بكره وكل يوم نكلمهم و النت بيوصل بطئ
وده كله ومش عارف ازود السرعه معاهم عن 2 ميجا لان بوكس التليفون اللى فى المنطقة قديم ومش شايل اكتر من كده
ومثلا النهارده كلمتهم الصبح لان النت قاطع قالوا في تصليحات فى السنترال و هتخلص علي طول طب وانا مالي شغل الشركة يقف ويتعطل والحمد لله اننا لسه مش وقفنا ال usb modem اللي معانا و كمان لحد اخر اليوم النت مش جه بكلمهم فصلوا عليا
ناس قالت ليعلي موضوع ال leased lines بس برضه هكون مرتبط بالسنترال معاه
عاوز حاجه تخلي الانترنت يوصل علي طول وكمان ثابت
كحل مؤقت هوصل مع tedata لحد ما اشوف و كنت بسمع ان الدعم الفني بتاعها كويس
كنت سئلت فى شركات الاتصالات ( فودافون - موبنيل - اتصالات ) عن لو فيه روتر شغال بنفس فكره ال usb modem وقالوا لي لا
مستحيل اى شركة تديك خدمة ثابتة من غير انقطاع
و الى يوعدك بكدة هيكون بيدحك عليك
خطوط الانترنت بصفة عامة سواء عن طريق تليفون او خط ربط كلة بيكون عن طريقة شبكة كابلات المصرية للاتصالات
و انت و نصيبك فى جودة الاسلاك النحاس فى المنطقة الى انت تابع ليها
يعنى فعلا اى اصلاحات فى السنترال انت طبعا هتتاثر اكيد لان الوسيط مابينك و مابين الشركة (المصرية) عندة مشكلة
طب ايه الحل لان عندي سيرفرات المفروض تبقي اون لاين علي طول؟
اسال جيرانك عن افضل شركة في السنترال الي انت تابع ليه و وصل معاها
اول عليك و علي الانترنت الفضائي بس دة غالي جدا
اوعى تى اى داتا هتندم بجد عن تجار شخصيه سيئه كتير وسوء خدمة مفيش بعد كده
معظم اللي سئلتهم بيقولوا تي داتا كويسه بس الرك هنا علي السنترال عاوز اعرف ازاي ابقي فى مأمن انه يقطع نت
ابعد عن لينك بقالها 4 شهور فى منتهى السوء
الخط الـ 1 ميجا بيداون بسرعة 20 ك
واسال جيرانك قبل ما تتدبس
فيه اجهزة بنستخدمها بتدخل عليها لحد 6 خطوط انترنت ( أي نوع من اي ISP)
و بيشتغلوا مع بعض في نفس الوقت ولو خط فصل الباقي شغاليين و عمر مابيحصل اي drop في الاتصال
يعني لو عندك 3 خطوط كل خط 1 ميجا هاتاخد من الناحية التانية خط مجمع 3 ميجا و لو واحد فيهم فصل السرعه هاتنزل بس من غير ماتحس ان الاتصال اتقطع
ومعظم الداتا سنتر بيستخدموها عشان يحافظوا على اتصال دائم
بالمناسبه اقلهم سعراً بيعمل حوالي 11 الف ريال سعودي
المشكلة مع الانترنت انى ساحب ريل اي بي للسرفرات فلما فكرت في موضوع اني اجيب اكتر من خط من اكتر من شركه وان لما خط يفصل الخط التاني يشتغل رجعت فكرت فى الايبهات بتاعتي اللى المواقع التانيه بتدخل عن طريقها عليا
ثم رجعت وقولت ان ما انا كده برضه هبقي تابع للسنترال يعني لو السنترال عطل الخطين هيقفوا
للاسف الحل الوحيد لحالتك دي زي ماقولتلك جهاز زي اللى بقولك عليه و خطين او تلاته من كذا isp مختلفين و اتنين يو اس بي مودم مختلفين و يركبوا مع بعض على نفس الجهاز هاتاخد سرعه مجمعه و طبعا انهم يفصلوا كلهم مع بعض بتبقى صعبه شويه
و موضوع الريل اي بي سهل ومافيهوش مشكله
حضرتك تبع سنترال اية ؟
تبع سنترال الزقازيق شرق
ماهو ما ينفعش تعمل هوستينج في البيت ..... الانترنت المنزلي ما ينفعش يعتمد عليه .......
انا مش فاهم ايه بالتحديد وظيفه السيرفرات اللي في بيتك
لكن عموماً عندي حل ليك يغنيك عن شركات النت خالص وتفضل سيرفراتك اون لاين حتى لو مش عندك نت
هو انك تأجر سيرفر من شركة هوستنج .. تقدر تأجره بنظام لينوكس .. او نظام ويندوز
وتكلفه السيرفر حسب امكانياته .. والامكانيات حسب استخدامك
يعني ممكن تأجر vps ب 30 دولار في الشهر .. وممكن تأجر سيرفر كامل ب 150 دولار في الشهر وانت طالع بقى
وريح بالك
انا مش بعمل هوست فى البيت وسيرفرات الموضوع ده قصدي للشركه اللى بشتغل فيها لاننا هنشغل برنامج ميكروسوفت ديناميك فمطلوب تبقي الدنيا والمخازن شايفه بعضها والمخازن الرئيسية فى الشرقية وانترنت فودافون مش كويس وجربته اسبوعين اتصلت بخدمه العملاء اكتر من 10 مرات بدون مبالغه و اخرها من كام يوم قالوا ان السنترال بيتصلح و النهارده برضه في شكوي من تذبذب الانترنت
انت علشان تعمل كدة لازم ال dsl بتاهك يكون 1:1 او 1:2 يعنى adsl مثلا 2 ةيجا دونلود و 1 ميجا ابلود
و لو فى امكانية ممكن خط ربط 1:1
و انا مسمعتش عن مشاكل فى المكان دا بس احب افكرك انك لازم هتكون الخدمة متاحة بنسبة 99% لازم هيحصل عندك فى اى وقت مشاكل
و دا طبيعى جدا فى اى حاجة فى الدنيا
الرجاء المساعدة
http://www.nilemotors.net/Nile/277025-access-point.html