اريد شراء سيارة جديدة فماذا تنصحونى
اوكتافيا فانتازيا
نيسان اكس تريل
كيا سبورتاج
و لماذا؟؟؟؟؟
عرض للطباعة
اريد شراء سيارة جديدة فماذا تنصحونى
اوكتافيا فانتازيا
نيسان اكس تريل
كيا سبورتاج
و لماذا؟؟؟؟؟
حضرتك إيه احتياجك في العربية ؟؟ و اخرك كام في الفلوس ؟؟
الفئات مختلفة
متتتتتتتتتتتتتتتتتتتتتتتت تتتتتتتابع
حضرتك دخلت الفانتازيا و الإكس تريل زيرو في المقارنة يعني مستعد تدفع لحد 220 ألف يبقى نشيل خالص بس من فضلك السبورتاج من طريقنا و نشيل أي كوري ( مع احترامي لملاك الكوري ) ... الناس اللي بتحب الكوري بتحبه علشان سعره رخيص و كمالياته كتير و قطع غياره رخيصة ... لكن حضرتك بتتكلم عن إكس تريل و فانتازيا يعني قدع غيار غالية و كمان مستحيل يكون الكوري كمالياته أعلى من الفانتازيا و اخواتها من الأوروبي .
كده إحنا وفرنا على نفسنا و بقت المقارنة بين الإكس تريل و الفانتازيا ... و الاتنين عربيات ممتازة .. لكن لازم تحدد حضرتك محتاج إيه من العربية أكتر ...
إكس تريل استهلاك بنزين عالي ، تكنولوجيا قديمة ، ثبات أقل من الفانتازيا ، مش واسعة من جوه أوي زي ماشكلها بيقول لكن مريحة ، كمالياتها مش كتير برضه زي الفانتازيا ، لكن موتورها أقوى من الفانتازيا طبعا بكتير ، عزل الفانتازيا و التقفيل الداخلي أفضل ، .....
ياريت لو حضرتك تحدد و انت بتسوق عربية طبيعة سواقتك إزاي ، و كمان احتياجاتك في العربية اللي هتشتريها
ياريت ياجماعة المقارنة تبقى متوافقة يعنى مينفعش مع كل أحترامى وتقديرى للسيادتك تنصح حد بالشكل ده وتيجى على الكورى بالشكل الظالم ده ----- المقارنة بغض النظر عن أوربى - يابانى - كورى أو أى حاجة تانية مينفعش أقارن suv بالسيدان دى حاجة و دي حاجة تانية خالص
وأخيرا" علشان أنصح حد لازم أكون جربت سيارات المقارنة ميكنش سمع علشان متوهش الناس ومش هقدر أقول أكثر من كده و تمنياتى بالتوفيق للجميع
لسه فى ناس بتتلكم عن العربيات الكورى انها اقل من اليابانى والاوربى مع ان معظم الاوربى الى فى الرينج ده مش المانى يا اما فرنساوى متجمع فى المغرب او فى تركيا ياما المانى متجمع فى المكسيك يا اما تشيكى وانا عن دراسة فى سوق السيارات العالمية السيارات الكورى مندرجة فى اعلى فئات كيا وهينوداى مثلا تتعدى جودتها سيارات نيسان وسيارات تويتا ولكن الهوندا اعلى فى الجودة
علشان كده الموضوع مبقاش كورى ولا يابانى ولا اوربى المهم الشركة والجودة الى فى العربية والعربيات الكورية منتشرة بغزارة عن الالمانى فى الخليج الى عندهم الحرارة اعلى والاستعمال اسؤا من عندنا
انا راكب اوكتافيا وشايفها عربية تحفة بصراحة ولكن لا تقارن بالاكس تريل ولا السبورتاج لانها فئة مختلفه تماما
ولكن الاكس تريل عن تجربة عربية فى منتهى السؤ زيها زى كل عربيات نيسان الموجودة فى مصر والمتجمعة فى مصر زى الصنى والقشقاى اما الاسبورتاج فهى عربية تحفة وممتازة ومبيعاتها فى الخليج واوربا تجاوزت التويوتا الراف فور الى سعرها فى مصر داخل على نصف مليون
بس انا بتكلم على السبورتاج ال 2400 معرفش ال 1600 ايه ظروفها
طيب بالنسبة للناس اللي بتتهمني إني بتجنى على الكوري و إن الكوريين دول اسياد سوق السيارات في العالم .. أنا بقولهم يا جماعة أنا آسف إني زعلتكم كده .. بس ياريت لو حد يعملنا مقارنة عملية بالتجارب و الأرقام و التكنولوجيا و كل البيانات الفعلية و أنا أول واحد هيشتري الكوري .... و بقولهم كمان هاتلي أي عربية كوري في نفس الفئة السعرية لأي عربية من أي صناعة تانية .. و جربهم فعليا سحب و عزم و راحة و ثبات و أمان و تكنولوجيا و كماليات و اعملي كده تقرير مفصل و أنا أوعدك إني مش هشتم في الكوري تاني .....
أنا لسه حالا رادد على مشاركة برضه بتتهمني بإني بظلم الكوري في موضوع تاني هنا في فسم المقارنات و علشان كده مش عايز أطول في الرد ... لكن جزئية المبيعات لا تحدد فعليا كفائة العربية أبدا يا أفندم ..
في التسويق القاعدة العامة بتقول إن الحاجة اللي سعرها أقل هي الأكثر مبيعات دائما ،و إن 95% من المشترين في أي سوق يعتبروا غير متخصصين و بيحددوا مشترياتهم بناء على عواطفهم أو على مبادئ غير علمية .... هتشوف الكلام ده في سوق الموبيلات و السيارات و العقارات و كل حاجة ... و لا حضرتك ممكن تيجي بالطريقة دي تقولي الموبيلات الصيني أحسن بكتير من البلاك بري ؟؟؟!!!!
حضرتك الاسبورتاج الهاى لاين عامله 210 الف جنيه ده غير الاوفر برايس علشان تستلم بسرعه و بالنسبه للكماليات فانا بأكد لحضرتك انها زى اخواتها من الاوروبى
حضرتك القاشقاى مكونات نيسان يابانى تقفيل مصنع ساندرلاند فى انجلترا و اول مره اعرف ان عربيات نيسان فى مصر بمنتهى السوء يمكن علشان كده محققه المبيعات الضخمه دى ؟!!!!!!!!!:dirol:
يا ريت يا جماعه لو سمحتوا نبقى عمليين شويه فى المقارنه علشان نفيد صاحب الموضوع العربيات دلوقت ما بقاش فيها كورى و يابانى و اوروبى العمليه بقت سعر مقابل قيمه و زى ما وضحت فى تعليقى السابق :
الاسكودا شكلها هيتغير قريب
و السبورتاج عايزه بنزين 95
و الاكس ترايل شكل قديم
و مازالت بنصح صاحب الموضوع انه يشوف القاشقاى الاوتو قبل ما يشترى و ربنا يوفقوا فى جميع الاختيارات
قشقاي اوتو
كييييييييييييييييييا سبورتاج
نفسي اعرف بتجيبو الكلام ده منين
لا وكلو كوم وان القشقاي متجمعمة في مصر ده كوم تاني
بص يا غالي محدش عاب في الكوري بس هو مش منتشر في الخليج الانتشار الخيالي اللي حضرتك وصفتو يعني كل 100 عربية يا باني ييجي قوصادهم 20 كوري او اقل كمان
انا رديت بس عشان اوضح الحقائق لكن الاراء اكيد حنختلفو فيها
Sportage
طبععععععععععععععععععععععع عا
لا مكان للحاقدييييييييييييييييييي ين
انا بكتب على سبيل الدعابه
و بعتذر لو كلامى ضايق حد
مع الشكرررررررررررررررر