الموضوع: مشكلة في فتيس الفانتزيا - ارجو الافادة

المشاركة الأصلية كتبت بواسطة hishoo_85

ما شاء الله معاك ال2010 وحبيت تجدد نظرية فعلا مستر انسبيرون وانا معاك العربية ناجحة بس والله مشاكلها كتير
انا عاوز اقلك اني عارفها كويس ودارس فيها كتير والناس اللي دافعه دم قلبها انا واحد منهم على فكرة وشكراُ

والله يا مستر هيشو أنا مش فاهم علي أي أساس بتقول كده!!! طيب خلينا نفكر بصوت عالي...قول كده إيه مشاكلها الكتيير دي طالما واثق ودارس فيها كويس..ده علي إعتبار إني مش حافظ كل مسمار في العربية دي بكل ما تحتويه الكلمة من معني.وممكن أقولك علي حاجات فيها متعرفهاش..وعموما مستني ردك علي سؤالي.وبالنسبة لنظرية التحديث أنا بيعتها عشان راكب حاليا مرسيدس s320 .. ولولا ذلك ما كنت أفكر في البيع من أصله.يا راجل ده وهي معايا وكان معايا بردو البي إم اللي معظم الناس عارفينها هنا...بيعت البي إم ومبيعتهاش هي !!

المشاركة الأصلية كتبت بواسطة tam77

مشاكلها كتير أزاى أمال الجيتا وباسات أية !!!!!!
أذا كان فى المانيا العربية ماشية فى برلين زى الفل ومقدرنها هناك زى الأوبل

+111111111111111

المشاركة الأصلية كتبت بواسطة vampero

يا رجاله كل واحد وارتياحه انا مرتاح للفانتازيا وراضى بيها بسلاطتها وعسلها وعلى قلبى حلوه هشتريها مش عجبه غيرى هوا حر ما يشتريهاش بس انا ليا وقفه بسيطه هنا انا معايا العربيه وبقولك احساس الاوربى مش هقول المانى عشان الناس هتقولى استوب دى تشيكى احساس تانى وانا راضى بعيوبها القاتله وبجرى بيها 180 كل يوم على فكره فى قطر يعنى فى الخليج وان شاء الله بفكر اسوقها لمصر السنه دى واسيبها فى مصر على فكره انا كان عندى باجيرو ودلوقتى نيسان اكستيرا 4000 س س وبحب السكودا اكتر ولسه شاريلها ديل شكمان امبارح هههههه دى اقتناعات وميول قبل كل شى ودمتم

+11111
والله فعلا العربيه دى فلوسها حلال وأنا جايبها من فتره قليله وموديل 2006 والتكييف زى الفل مش زى اليابانى لاكن ممتازوسحب وثبات وأمان فوق الرائع العربيه منتشره وفخمه وركوبه والقسم هنا اكيد كلنا بنعرض فيه مشكلتنا لو حصلت علشان نستفيد من خبره غيرنا وبعدين لو حصرت المشاكل اللى احنا بنتكلم فيها مش معقول نقول على عربيه بتقنيه ألمانيه فاشله كلمه كبيره أوى لى اصدقاء راكبين عربيات منتشره بطريقه غريبه سيراتوا وهوينداى وزيروا وأتعرضوا لمشاكل فظيعه عادى دى ارزاق
بس الاوكتافيا تمنها فيها