الموضوع: عامل البنزينة بوظ بوجيهات العربية

المشاركة الأصلية كتبت بواسطة m.elgergawy

بس أنا أول مرة اسمع ان بوجيهات يدخلها مياه وتنتش
اللي اعرفة ان ممكن الموبينة او حساسات هيا اللي بتبوظ من المياه
وحضرتك قولتي انه دفع مبلغ وقدره يعني اكيد مش بوجيهات بس لان البوجيهات مش غالية اوي يعني في رينج ال 150 ج لو جبها في التوكيل

المشاركة الأصلية كتبت بواسطة axel

غلط بالمية هو كان ممكن ينفخ الهوا الاول و بعدين يمسح بس الحوض بفوطة مبلولة زي مانا بعمل

بس عندي استفسارازاي المية دخلت للبوجيهات حتي لو غسل بالمية بس كان باقي طقم الكهربا اتأثر لكن البوجيهات مكانها فوق و داخل في الموتور بالوارب و فوقيه السلك محكم عشان انجيكشن يعني صعب يدخله مية او يتأثر بمية
اللي ممكن يتأثر باقي الطقم
عامة البوجيهات مش غالية اوي زي ما استاذ جرجاوي قال ممكن الطقم هو اللي اتأثر

المشاركة الأصلية كتبت بواسطة hosammoner

هى اكيد حالة نادرة ان البوجيهات يوصلها ميه

والله هوا دا اللي قالهولهم في التوكيل ان الموتور لما اتغسل في مية وصلت للبوجيهات و دا اللي كان بيخلي العربية ترجرج و هي ماشية و غير الاربعة ب 230 جنيه بالتركيب

و لو كان عمرهم الافتراضي انتهى ليه كانو في التوكيل هايعرفوا منين ان الموتور اتغسل او منين هايقولوا البوجيهات وصلها مية !!!!