عامل البنزينة بوظ بوجيهات العربية
السلام عليكم يا اهالي المنتدى الكرام
حصلت حاجة كدا في عربية اختي السيراتو قلت احكيهالكم عشان تاخدوا بالكم انتوا كمان
جوز اختي خد العربية يغسلها ( البودي و الصالون فقط ) في البنزينة اللي جنب شغل اخويا و اللي اخويا زبون دائم فيها و طبعا اخويا عدى عليه و وصى العمال بتوع الغسيل على العربية
فا عامل البنزينة ربنا يسامحوا حب قال ايه يوجب مع العربية فا اتبرع بغسل الموتور بالميه و لما جوز اختي استلم العربية فضلت يومين بتقطع و فيها حاجة مش طبيعية فا وداها التوكيل قالولوا البوجيهات دخل فيها ميه و الاربعة باظوا و لازم يتغيروا
و عشان غسلة في البنزينة ب 30 جنيه غير اربع بوجيهات بمبلغ و قدره
حسبنا الله و نعم الوكيل في الجهل و الفتي