مطلوب هوندا سيفيك 2008 لون ابيض

**diver** · 11-03-2012 12:25 AM

السلام عليكم
مطلوب سيفيك 2008 لون ابيض .الكيلو متر اقل من 70000 الف .
فابريقه جوه ممكن رشه اكصدام
شكرا

**masterzmind** · 11-03-2012 01:48 PM

فى واحدة 2008 او 2007 مش فاكر على contactcars لونها ابيض لؤلؤى وياريت لو لقيت حاجة 2009 لسة فى الضمان تقولى

**masterzmind** · 11-03-2012 01:56 PM

فى واحدة عامله 48 الف كيلو 2008 ودة اللينك بتعها [url=http://www.contactcars.com/UsedCars_Profile.asp?CarID=755836]ContactCars |

**diver** · 11-03-2012 06:02 PM

شكرا كتير .
بس ممكن تقولى تعمل كام فلوس . صاحبها طالب 110000 48 الف كيلو .
انا شايفها ب 105000

**masterzmind** · 11-03-2012 07:09 PM

لو فبريقة بالكامل تعمل 107 او 110 لو فيها رش باب اكصدام يبقى من 100 الى 95 انا قدامى واحدة بتاعت صاحب خالى 2008 والصيانة بالتوكيل ومش رشة اى حاجة بس كيلوهات كتير 70الف كيلو وب 95 الف ..... بس انا عاوز حاجة تكون فى الضمان عشان لقدر الله لو طلع عيب فى الفتيس علبة الدركسيون ملبسش فى الحيط عشان علبة الدركسيون ب 7 الف عشان كدة عاوز اجيب حاجة لسة فى الضمان وربنا يسهل انشاء الله وتحت امرك

**masterzmind** · 11-03-2012 07:10 PM

نصيحة اكشف عليها فى التوكيل الكشف تقريبا 320 جنية بس عشان متلبسش فى العربية عشان قطع الغيار غالية شوية بس معمرة جدااااااااااااااااااااا

**diver** · 11-03-2012 08:03 PM

علبه دريكسيون 7000 جنيه .الحمدلله انك قولتيلى .وانا ازى هعرف كل ده لما اجى اشترى .
التوكيل هيعرف كل حاجه فى العربيه ؟ انا عايش فى الغردقه وفى عربيه قدامى بس مش عارف اكشف عليها فين هنا . انا خفت شويه بس بموت فى العربيه ديه :0002014a:

**masterzmind** · 11-03-2012 08:29 PM

بص يا باشا التوكيل فى التجمع الخامس العربية اصلا الجيل الثامن فيها مشكلة فى علبة الدركسيون وكان التوكيل يغيرها على حسابة المشكلة بتظهر فى السرعة 90 او 100 تقريبا بصوت خفيف تحت او فى الدركسيون وبيظهر فى المطبات....المشكلة ان ممكن ميظهرش العيب الا بعد الضمان ميخلص عشان كدة بقولك اكشف عنها فى التوكيل وفى واحد هنا فى المنتدى لسة شارى عربية 2009 بالضمان وغير علبة الدركسيون على حساب الضمان وراح كشف عليها فى التوكيل العضو اسمة yalahwy2010 راجل فى قمة الاحترام وحتى ساعدنى فى اختيارى هوندا انشاء الله بس بدور مش لاقى حاجة 2009 او اول 2010 عامله كيلوهات قليلة وتكون فى الضمان والسلام ختام