ساعدوني معروض علية لانوس 1 اتوماتيك

محتاج خبرتكم ضروري واحد مبتدئ في السواقة لسة جديد لانج وعايز يسوق عربية اوتوماتيك وعجبتوة الانوس الاتوماتيك مع ان فية ناس خوفتني منها لكن انا حاسس ان كل قطع غيارها موجودة وان شاء الله مش هتعطل كتير موديلها 99 لانوس واحد صاحبها عارضها وهوة من اسكندرية تفتكروا كدا ابص علي اية في العربية ناس حزرتني ان عربيات اسكندرية كلها بايشة من تحت ومش عارف اية وانا ممعيش حد يروح اسكندرية معاية غير صحابي مبيفهموش في العربيات بس انا سوقت عربيات كتير وفاهم العربية (العربية لواحد قريبي) وخايف لالبس العربية وهية في رنج كام فلوس واكشف علي اية بالظبط ابص علي اية فيها

يا باشا اللانوس عربيه محترمه وقطع غيارها بلا شك متوفره فى كل حته

ومتقلقش خالص من الاتوماتك هو بس هيحتاج تغير زيت الفتيس والاهتمام بيه

اعتقد سعرها هيتراوح من 40 الى 43 حسب الحاله والكماليات

حد يعرف ازاي ابص علي الشاسية والعربية من تحت واشوف حالة القوايم ياريت الي عندوة صور يوريني ان شاء الله

لاززززززممممم حد اولا امين ويكون بيفهم كويس جدا جدا لكن لواحدك هتلبس فى الحيط اوعا تروح لواحدك وبلاش عربية من محافظة بعيدة

نصيحه ,,,
عربيات السواحل خصوصا الكورى بتبقى البارومه مطلعه عينيها
وكمان دا موديل عدى عليه اكتر من 10 سنين
دور على عربيه هنا ومتتمسكش بالاوتوماتك واهتم بحاله العربيه عشان متجبش عربيه وتتعبك بعد كدا

بوص يا سيدى الموضوع ده عامله واحد فى الخير . ادعيله
و هيفيدك جدا جدا جدا جدا جدا جدا جدا جدا جدا جدا .انا عن نفسى عجبنى اوى
ادخل عليه اهوه . و ربنا يوفئك
http://www.nilemotors.net/Nile/244408-a.html

بعد ما تشوفه قول ايه الاخبار . العمليه وضحة معاك و الا لسه

لازم ترفع العربية فى بنزينة محترمة
ويبصلك عليها فيها لحامات او برومة ولا لأ
حتى لو اخدت سمكرى مش هيقدر يبص عليها وهى واقفة
لازم ترفع العربية فى بنزينة

انا كان معايا لانوس 99 اتوماتيك وهي عربية بصراحة جميلة جدا بس المهم تحافظ علي زيت الفتيس بتاعها ( خللي بالك بتاخد من 10.5 الي 11 كجم زيت فتيس) ولما تيجي تجربها اطلع بالعربية علي مطلع بسرعة كأنك راكب مانيوال وشوف الفتيس هيستجيب معاك ولا لأ( دي اهم حاجة) وشوف من تحت هل الشاسية كله ميه واحدة ولا فيه حتة جديدة وحتة قديمة( علي اساس تكون مغيره نص ولا ربع) وبص علي البرشمة اللي في الحوض والشنطة وربنا يوفقك

روح للزرانى فى اسكندرية فى سيدى بشر اسأل علية و هو يعملك كشف كامل على العربيه

http://www.nilemotors.net/Nile/20244-a.html

http://www.nilemotors.net/Nile/22454-a.html