واحد صاحبي معاة لانوس 2012 و عاوز يسقطلها مكنه 1600 فا انا اقترحت عليه مكنه النوبيرا و نسيت خالص ان العربيه شفروليه فا عاوز اعرف ينفع يركب عليها مكنه اوبترا و لو ينفع حتعمل كام و ايه التعديلات المطلوبه
عرض للطباعة
واحد صاحبي معاة لانوس 2012 و عاوز يسقطلها مكنه 1600 فا انا اقترحت عليه مكنه النوبيرا و نسيت خالص ان العربيه شفروليه فا عاوز اعرف ينفع يركب عليها مكنه اوبترا و لو ينفع حتعمل كام و ايه التعديلات المطلوبه
شوف بقه لو غاوى يروح يشترى مكنه لانوس 1600 هيه بتاعت الانوس مش بتاعت النوبيرا دى بتركب على نفس القواعد ما فيش اى تغيير ويركبها ويمشى بيها عادى ويحتفظ بالماتور القديم وطبعا الفحص كل ثلاث سنوات قبل ميعاد الفحص باسبوع يركب مكنته يروح يفحص بيها ---لان اكيد مكنه الاوبترا غاليه جدا ومكنه الانوس 1600هتعمل من 2500 الى 3000 كامله ولو غاوى قوى يحط فيها مكنه ليجانزا بس هيطر يغير فى القاعدة اليمين ودى 2000 سى سى
شكرا قوي على الرد يا باشا ... طب المكنه دي حتعوز دفيره و كارته تانيه ولا حتركب ذي ما هي كده
شوف هيه هتركب على نفس الضفيرة والكنترول وهتدور وهتمشى وهتجرى--بس استهلاك البنزين مش هيكون تمام وهتلاقى نتشه بين النقلات الصح الماتور بالكنترول--انا مغير ماتور لانوس مغيرتش الضفيرة بس غيرت الكنترول فقط مع ان القديم كان شغال بس كان فيه تنتيش راح لما غيرته--الماتور 1600 فيه سلك زيادة بتاع بلف vgis ودة ممكن تاخد سلكه من الكنترول مباشر او اصلا ممكن تخليه مفتوح على طول --يعنى الصح انك تغير الكنترول
changing the new engine with a used one is not a good idea after all.The car is brand new and you can try to enhance its performance by many things;like installing sport air filter,high performance ignition wire set or split fire.....etc
خساره تعمل كده فى عربيه 2012 اشترى واحده قديمه ماتورها مفوت واعمل فيها الكلام ده ولو هتجيب هات متور من نص لانوس 1600 واشتريه بفتيسو وكنترولو وكل حاجه
الواحد ممكن يعمل كده لما تكون المكنه خلاص اتعدمت ومش بتمشي خالص ومش نافعه او علي الأقل العربيه تكون موديل 5 سنين مثلا لكن 2012 ويعمل فيها كده حرام قوي والموتور لسه بصحته ولو باعه مش هيجيب حاجه
ماهو مش حيبيع الماتور اللي حيشيله بس هو عاوز اداء اعلى عشان ماتور الانوس تعبان اصلا و عربيه مبتجمعش ..... هو لو كده حيشيل الجديد بتاع العربيه ذي ما هو ويهلك التاني في الجري و الشد و لما يجي يبيع العربيه يبقى يركب ماتورها تاني و يبيع ده
و بعدين ماتور الشفروليه ده زباااااله العربيه لسه مكملتش 10000كيلو و العربيه مرشحه زيت من عند غطا التكهات و ووش السلندر
متابع
ليه إن شاء الله؟ العربية على الزيرو موديل سنتها و لسة بشوكها... و هي كدة يعني هطير مثلاً؟ و إيه أخبار سعر إعادة البيع؟ ده المشتري كدة فرصة إنو يحاول يخسف بتمن العربية الارض ... الناس مبتصدق أي حجة عشان يقص السعر. هه في الاخر هايطر يقف بردو في الاشارات و الواحد عموماً ممكن يقف في إشارات أكتر ما بيمشي و ساعتها الموتور الاكبر هايدفعو التمن بنزين و سعر إعادة بيع! دة رأيي بما يرضي الله و هو حر يعمل إلي يناسبو. أحمد سامي
ياجدعان هو ايه اللي صيني ؟
انا فعلا سمعت ان النايور بتاع الانوس اللي مش مكتوب عليه e-tec بيبقى صيني بس مش متاكد من الكلام ده ,,,, و بعدين يا جماعه سعر اعاده البيع ماله العربيه مش حترخص بالمكنه دي و في البيع حتتشال و تركب بتاعتها و حتبقى زيرو زي ما هي ..... و موضوع البنزين و الزحمه ده مش حيفرق كتير عشان الحمدلله عندنا في اسكندريه الدنيا مش بتبقى زحمه قوي
يا رجالة الموتور بتاع االشيفرولية لانوس رومانى موش صينى .و طبعا الmaterials قلت جدا جدا جدا و بئت سيئه
كل العربيات اللى معانا دى و اللى منتشره فى مصر ما هى الا عربيات تجارية (شغل تجارى) بس ماشية و الحمد لله . ياعنى لو عايز تركب عربية كاموتور و تئفيل و كل حاجه تمام تقريبا من اول اوكتافيا و باسات و الخ
عن نفس لا احبذ العبث بعربية موديل السنة لكن لو حابب ومش بيفكر في البيع مفيش مشكلة ولكن ليحذر انه لاقدر الله لو عمل حادث بالعربية ةتمت المعاينة وثبت اختلاف رقم الموتور عن المسجل في الرخصة هيشيل الموضوع من اوله لاخره حتي لو مش غلطان