الموضوع: تقرير تغيير مياه دورة التبريد.

الله يباركلك يا صديقى وربنا يعينك ويسترها على الجميع.

المشاركة الأصلية كتبت بواسطة ayman-ahmed

السلام عليكم ورحمة الله وبركاته

صباح الخير شباب واسود هيونداى.اتمنى الجميع يكون بخير بامر الله.

الاول لازم الشكر الخاص للاستاذ محمد عبد الجليل (gelgel2004) على مساعدته المتميزة ليا.

الموضوع من العنوان هو تغيير مياه دورة التبريد لعربية لنيو اكسنت 2010

العربية عامله 43000 كم وكان المفروض تتغير المياه من 3000 كم والتوكيل مكانش فيه مياه للريادتير.

كلمت الاستاذ محمد (لانه بسم الله ما شاء عليه) متخصص فى الريادتير ومشاكل السخونة.

عملنا الاتى :

اشترينا :

- جركن مياه امريكى 4 لترprestone
=50 جنيه

- عبوة solder seal gunk radiator flush
=28 جنيه

-عبوةsolder seal gunk kool
=11 جنيه

- عبوة 1 لتر مياه موبيل 33 %
=17 جنيه

الله يبارك للمهندس محمد وفرلى 17 جنيه فرق سعر المياه الامريكى والفلش.

روحنا على محطة موبيل-رابعة العدوية عند الاسطى جعفر الساعة 9.30 ص وابتدى ينضف الدورة بالمضخة بالطريقة العادية ولكن قبل ما يشتغل جيه الاسطى محمد الميكانيكى اللى جنبه فك كوعة الترموستات عشان نقدر نفضى على قد ما نقدر المياه القديمة اللى فى البلوكات وفكيناها والخطوات :

-فك الكوعة وشيل الترموستات ووضع التكييف على السخن بدون تشغيل العربية او التكييف.

-تفريغ المياه القديمة بالمضخة ثم وضع الرياديتير فلاش فى المضخة لمدة 10 دقايق مش اكتر وده فايدته تنضيف الدورة كاملا من اى رواسب واملاح.

-تركيب الترموستات.

-تفريغ الجركن فى الريادتير والقربة وبعدين تلت ال kool فى القربة والباقى فى الريادتير وده فايدته تعلية مادة الايثلين جليكول(المبردة) ونخلى بالنا كل ده والعربية مش دايرة وبكرة التكييف على السخن.

-طلعت اجرب العربية واسخنها شوية عشان نطمن على السخونة والدورة تمام والحمد لله والعربية مبتسخنش.

-غسيل الموتور جيدا بالفوم بس والمياه مع تغطية الكمبيوتر جيدا وبعدين يتنشف بالهوا لازالة اثار اى مياه خضرا وقعت.

تانى يوم الصبح ولسة البكرة على السخن هتلاقوا المياه نقصت فى القربة واحتمال الريادتير وده لان معظم المياه فى البلوك العلوى و منطقة المواسير اللى ورا التابلوه والتكييف هتزودوا المياه للريادتير وبعدين القربة وعشان كدة احتمال تحتاجوا مياه موبيل اللتر عشان التزويد.

-رجعوا البكرة على الازرق واستعملوا التكييف لو عاوزين.

-العربية حاس انها فاقت والتكييف بقى اسقع بكتير .

المهم بقى ابعدوا على قد ما تقدروا عن المياه السعودى او المصرى غير معلومة المصدر عشان مشاكلها كتير باجماع كل فنيين الريادتير.

تكلفة الاسطى جعفر : 15 جنيه للمحطة و10 جنيه ليه.

تكلفة الاسطى محمد : 20 للمحطة و10 ليه.

والحمد لله كله تمام واى اسئلة اتفضلوا اسالوا.

الله يباركلك فيها
انا عاوز اعمل الموضوع ده تمام زيك كده ممكن تساعدني إزاي
اخوك عاصم

المشاركة الأصلية كتبت بواسطة verna2008auto

الله يباركلك فيها
انا عاوز اعمل الموضوع ده تمام زيك كده ممكن تساعدني إزاي
اخوك عاصم

عينيا يا افندم.حضرتك هتشترى الحاجات اللى قولتها هنا ورقم تيلفونى 01005011802 عشان لو ملقتش حاجة منهم.ونتفق على اى يوم بس بلاش الجمعة اللى جاية ونتفق بامر الله ونتقابل.

تعديل بسيط :

عبوة Solder seal Gunk Radiator flush
=11 جنيه

عبوة Solder seal Gunk Kool
= 28 جنيه

شاكرين حسن تعاونكم معنا

نورتنى اخى الفاضل.