ازيكم يا شباب
أخباركم ايه؟!
يارب تكونوا جميعا بخير يا رب
دلوقتي العربية عندي بقالها فترة مش مظبوطة !
بمعنى كل ماخرج بيها لازم ارجع وفيها حاجة !
بدأت اني جيت خارج لقيت البطارية نايمة قلت مفيش مشكلة عادي وبتحصل قمت رايح مغيرها
في نفس اليوم ركنت العربية ومفيش ساعة ورجعتلها لقيت أوتوبيس هيأة مسلم على الجنب الشمال عندي بالطول :oho:
قلت قضاء وقدر الحمد لله مفيش مشكلة
بعدها بأسبوع تقريبا كنت في كتب كتاب خرجت لقيت الازاز الخلفي كله مسرطن ومكسور :banzai: قلت عمره الافتراضي انتهى !
يوم الاربع بشغل التكييف لقيته جايب هوا عادي ولا كأن فيه تكييف قلت عادي بتحصل يعني مشكلة وهنشوف حلها ايه -ومتابع مع البشمهندس هاني لما نشوف المشكلة فين بالظبط
امبارح راجع من اسكندرية السخانات بتاعة العربية -سخانات الزجاج الخلفي - كانت شغالة كويس وفصلت عند السليمانية تقريبا !
اعمل فيها ايه انا بدأت أتشاءم منها من الحجات اللي بتحصل فيها !
هو السخانات غالبا فيوز ضرب لأنها كانت شغالة كويس بس انا حاسس ان اللي بيحصلها دا كتير خصوصا ان مفيش فاصل زمني !