السلام عليكم
معايا دايو لانوس و عندي مشاكل كتير في الكاوتش و قررت اجنط 14 وبعد بحث كتير لقيت ان افضل مقاس هو 185-60 بس عاوز اعرف هي العربية هتعلي شوية ولا هتوطي لان العربية قرفاني جدا في المطبات لاني بسافر كتير علي طريق زراعي ومطباته كلها زفت ولو محمل او الكاوتش ضغطه نزل شوية المطبات تحك العربية من تحت، يا ريت حد يفيدني لو الجنوط والكاوتش الجديد هيرفع العربية شوية، ومحتاج مكان يكون ثقة
لو العربية مش هتعلي يا ريت تقولولي ممكن اعمل ايه عشان تعلي شوية
شكرا ومنتظر ردودكم
السلام عليكم ورحمة الله وبركاتةاقتباس:
المشاركة الأصلية كتبت بواسطة shadowghost
اخى العزيز ممكن تركب ( علايات ) كاوتش للسوست الخلفية عند اى حد من بتوع العفشة تقريبا العلايات 25 جنية
ال2 وتركيب 20 جنية دى بتعلى العربية تقريبا 3 سم وهتفرق معاك ان شاء الله
بدل ما تكلف نفسك جنوط وكاوتش وممكن الثبات يتأثر بتغيير حجم الجنط
الف شكر يا استاذ خالد علي ردك وانا هسال علي العلايات دي بس انا لازم اغير كاوتش لان بقي في فردتين راكبلهم داخلي والاستبن زباله وانا كنت شاريها مستعمله اساسا ومخدتش بالي من الكاوتش اوي ، فانا لازم اغير فيا ريت لو تعرف حد محترم ممكن اروحله ويا ريت لو تعرف الاسعار للكاوتش ويبقي لك جزيل الشكر
ايه يا شباب مفيش مشاركة خالص كده ، انا عاوز حد مضمون اششتري منه الجنوط والكاوتش بس انا مش بفهم في الجنوط خالص ومش عارف ايه الجنوط الكويسة ، محتاج اجنط 14 او 15 واجيب كاوتش مناسب ، مستني ردودكم
عندك اشهر اتنين في موضوع الجنوط والكاوتش وهو اشرافكو والروماني والجنوط خليك يا في الاندونيسي يا الماليزي وابعد عن الصيني
والكاوتش لو عايز حاجه في حدود المعقول يا الاكيليس يا الهانكوك ياالبريدجستون
أشرفكو أضمن و بالذات في الجنوط
متشكر يا باشا علي الرد بس فين اشرفكو ده
هو مقاسك الاصلي كام
علشان اقولك المقاس الافضل لو غيرت لجنوط 14
في اشرفكو في السواح وفي فرع قدام محطة مترو المطرية
المقاس الاصلي 175/70 r13 بس انا لقيت ان العربية برة من المصنع مقاسها الاصلي 185/60 r14 يعني ممكن اركب المقاس ده او 195/50 r15 والمقاس الاخير طبعا بعد بحث في المنتدي الغالي بتاعنا ومواقع تانية اجنبية لقيته ممكن يكون افضل بس يفضلي مشكلة نوع الكاوتش والجنط دي بقي اللي مش عارف ارسي فيها علي حل بين بريدجستون وكومهو وهانكوك وغيرهم والجنط محدش فادني فيهاقتباس:
المشاركة الأصلية كتبت بواسطة mezo73
يا ريت الاستاذ ميزو يقولي انا كده تمام ولا ايه