لو مش همك التوكيل .. توكل على الله في الوبترا عربية محترمة جداااااااااااا
عرض للطباعة
لو مش همك التوكيل .. توكل على الله في الوبترا عربية محترمة جداااااااااااا
عفوا و مع احترامي للجميع ... انا بسوق عربيات من و أنا في ابتدائي .. و بدايتي كمان كانت ألفا روميو ، دي بس مقدمة علشان ماحدش يشتم .. و الأوبترا أنا سوقتها كتير جدا و جربت كل حاجة بيها...
لو هشتري الأوبترا بـ 70 ألف جنيه زيرو .. دي الحالة الوحيدة اللي ممكن فيها أشتري أوبترا .. من الآخر و مع كل تقديري للجميع ..
الأوبترا .. خفيفة جدااااااااااااااااااااااا ااا .. الأوتو بتاعها ضعييييييييييييييييف جدااااااااااااااااااااااا ااااااااا .. مش مريحة زي ماكنت متخيل في المسافات مقارنة بعربيات كتير في فئتها .. فراملها منتهى منتهى السوء و مش عارف اصحابها إزاي مستحملين الفرامل دي .. يعني ولا ثبات ولا سحب ولا أمان ولا راحة ... طيب إيه اللي ممكن يخليني أشتريها ؟؟؟
والله يا جماعة ده رأيي صاحبي اللي هو صاحب العربية الأوبترا مش رأيي الشخصي و بس .. و مش عايز حد يشيل الموضوع على قلبه إحنا بنتناقش و كل واحد بيقول اللي هو شايفه ..
البريليانس أنا بصراحه ماجربتهاش .. لكن لو هنقارن بالكتالوجات أنا هشتريها و مش هشتري الأوبترا لإن كمالياتها أعلى و قطع غيارها أرخص و تكنولوجيا العفشة و الموتور أفضل.
أنا لو مكانك هشتري الصني حتى لو كانت بأوكر .... صدقني الصني عربية ممتازة و محترمة جدا ... و كمان ممكن أشتري الجين تو و برضه عربية والله ثمنها قليل على الأداء و الثبات و الكماليات بتاعتها و قطع غيارها بدأت تنتشر في السوق ... ولو انت قلقان من الجين تو و زهقان من شكل الصني ممكن تفكر في السانديرو الأوتو الجديدة برضه الناس بتشكر فيها و توكيلها كويس و مريحة.
رأيك يحترم ايا كان بتسوق من امتى وبتسوق ايه , وطبعا محدش هايشتم ولا حاجه
70 الف ؟؟؟؟ يعنى تبقى ارخص من الفيرنا واللوجان والافيو والبى واى دى والساجا والسكالا والصنى والسيمبول !!! طبعا كل الناس لازم تشتريها :) عموما دى حاجه ترجع لتقديركاقتباس:
لو هشتري الأوبترا بـ 70 ألف جنيه زيرو .. دي الحالة الوحيدة اللي ممكن فيها أشتري أوبترا .. من الآخر و مع كل تقديري للجميع ..
دى برضه حاجه ترجع لتقديرك بس هى وزنها مش خفيف بالنسبه لباقى العربيات فى فئتها , وزنها اوتوماتيك 1240 كجماقتباس:
الأوبترا .. خفيفة جدااااااااااااااااااااااا ااا
مش عارف تقصد ايه بمعنى ضعيف , ضعيف فى التسارع ولا بيبوظ ولا ايه , عموما فى الحالتين الكلام دا مش صح , التسارع ممتاز واعتقد انت شوفت الفيديو اللى انا حطيته فى موضوعك قبل كدا , واعطال الفتيس تعتبر شبه مش موجوده تماما الحمد لله , وعلى فكره الفتيس يابانى من شركة Aisinاقتباس:
الأوتو بتاعها ضعييييييييييييييييف جدااااااااااااااااااااااا ااااااااا
دى برضه ترجع لتقديرك , مع ان معظم الناس بتشكر فى القعده وراحة الكراسىاقتباس:
مش مريحة زي ماكنت متخيل في المسافات مقارنة بعربيات كتير في فئتها
غير صحيح , ممكن تقول ان مستوى الفرامل مش عاجبك مقارنة باى عربيه تانيه انت جربتها , بس مش منتهى السوء , وبرضه هى مش احسن فراملاقتباس:
فراملها منتهى منتهى السوء و مش عارف اصحابها إزاي مستحملين الفرامل دي
الثبات موجود والسحب موجود , عوامل الامان مش موجوده , الراحه تقدير شخصىاقتباس:
يعني ولا ثبات ولا سحب ولا أمان ولا راحة
مش شيل فى القلب ولا حاجه الموضوع مش مستاهل , دى مجرد مناقشه للرأى اللى قولتهاقتباس:
والله يا جماعة ده رأيي صاحبي اللي هو صاحب العربية الأوبترا مش رأيي الشخصي و بس .. و مش عايز حد يشيل الموضوع على قلبه إحنا بنتناقش و كل واحد بيقول اللي هو شايفه ..
هى ممكن يبقى فيها كماليات اكتر , وفيها ABS و AirBags ودى اهم حاجه مش موجوده فى الاوبترااقتباس:
البريليانس أنا بصراحه ماجربتهاش .. لكن لو هنقارن بالكتالوجات أنا هشتريها و مش هشتري الأوبترا لإن كمالياتها أعلى و قطع غيارها أرخص و تكنولوجيا العفشة و الموتور أفضل.
لكن قطع الغيار الاوبترا تكاد تكون ارخص اسعار فى مصر كلها لاى عربيه زيرو , باتكلم على القطع الاصليه فى التوكيل وممكن تسأل
و تكنولوجيا العفشه والموتور اللى هى ايه بالظبط ؟
دى عفشه عاديه وتعليق خلفى Torsion Beam , الاوبترا Dual Link , البريليانس فرامل ورا Drums , الاوبترا Disc
موضوع الموتور دا بالذات غير صحيح خالص , الاوبترا 109 PS او 107 HP عند 5800 Rpm وعزم 150 نيوتن عند 3600 RPM , البريليانس 102 PS عند 6000 Rpm و 135 نيوتن عند 4400 Rpm
فين التطور والتفوق التكنولوجى ؟
لسه متكلمناش فى اعتماديه وثبات ووسع وعلو عن الارض وغيره من نقاط المقارنه
- - - - - - - - - - - - - - -
أسف لو كنت رغيت كتير , رأيى باختصار
البريليانس تتفوق فى
سعر ارخص , كماليات اكتر , فيها عوامل امان ..... الباقى الاوبترا تتفوق
عيوب الاوبترا بشكل عام
عدم وجود عوامل امان , صاج ضعيف جدا فى منطقة السقف والكبوت , سعر بقى عالى عن زمان ومحتاج ينزل شويه بس مش لدرجة 70 الف , يعنى لو نزلت ل 95 - 98 يبقى كويس لاننا برضه لازم نبص للعربيات اللى حواليها