الموضوع: حملة الارتقاء بمنتدى السوزوكي... طفح الكيل

الله ينور عليك يا دكتور
بصراحة مفيش كلام تاني يتقال بعد كلام حازم باشا
السوزوكي تعتبر من اكتر العربيات الموجودة في الشارع المصري تحديدا الماروتي ثم الالتو
كما ان عدد الاعضاء في القسم عدد لا يستهان به و مع ذلك مبنشوفش اي تفاعل غير وقت الاستفسارات و المشاكل حتي عندما يتم حل المشكلة العضو مبيشاركناش بتقرير او حتي تفاعل لحضور المقابلات
فالمطلوب كما تفضل د \ حازم و قال

زيادة عدد المشاركات البناءة
زيادة عدد التقارير سواء المصورة او الغير مصورة مش شرط يكون التقرير ع حاجة كبيرة في العربية احنا عايزين تقارير ع اي حاجة تعملها في العربية او اشتريتها للعربية حتي لو مسوجر شيلته و ركبت غيره تشاركنا بتقرير بيه , ربطت مسمار في العربية كان بيسبب ازعاج عايزين تقرير بيه , جبت زيت للعربية عايزين تقرير به عايزين تقرير لكل حاجة
مفيش مثلا تقرير تعمله يبقي فكرة خطرت في بالك نطبقها ع العربية عندنا اي فكرة تخطر في بالك سواء كماليات اكسسوارات تعديلات اي حاجة و نتناقش فيها و نطلع بنتيجة نستفيد منها كلنا

بالنسبة الاعضاء من المحافظات التانية غير القاهرة انا فوجئت ان عندنا اعضاء من محافظات كتيير سواء المنصورة او اسكندرية او ..او.. و للأسف بكتشف ده بالصدفة من خلال موضوعات الاستفسارات الخاصة بهم طب انتوا فين يا جماعة مش بنشوفكم ليه غير وقت الاستفسارات

بالنسبة الدعايا اقل حاجة اي شخص بقابله حتي لو في الشارع معاه سوزوكي بقوله ع الموقع و القسم عالطول دخلت مثلا محل قطع غيار اشتريت حاجة و في نفس الوقت معايا شخص بيشتري زيي بنتكلم و اعرف المشاكل عنده مثلا و اقوله الحل لو اعرف و اقوله ع القسم و هكذا

بخصوص الجانب الاجتماعي فين التفاعل ؟؟!!! زي ما عايزين تفاعل ع ارض المنتدي عايزين تفاعل ع ارض الواقع
غير انك هتعرف الناس اللي معاك و اللي بيردوا عليك هتفيد و تستفيد و يمكن تستفيد اكتر ما تفيد ع سبيل المثال
اخر مقابلة لينا اقل حاجة استفدنا منها و احنا واقفين قدرنا نفرق بين البوجيه الاصلي و البوجيه التقليد
عرفنا نوع سئ من التيل منشتريوش عشان محدش يدبس فيه و يجيبه و قدرنا نتوصل لحل مشكلة بسيطة بتواجه الكثير لما اجتماعنا قدرنا نوصل للحل
فالمقابلات مش هدفها التعارف فقط و تعرف الشخص اللي بيكلمك او يرد عليك لكن بتستفيد برده و لو بمعلومة صغيرة ممكن من المعلومة الصغيرة ديه ترتب عليها حاجات اكتر تنفعك في المستقبل مش في عربيات بس لأ و في مجالات تانية برده

و بمناسبة المقابلات فيه ان شاء الله قريب جداا مفاجأت جامدة جداا لمن يحضر مقابلات السوزوكي من اعضاء قسم و مالكي السوزوكي و مفاجأت تانية مش عايزين نحرقها :))

و بالتوفيق ان شاء الله

المشاركة الأصلية كتبت بواسطة sunset

السلام عليكم

عندكم حق

أنا لاحظت إن المتابعة في المنتدى أو بالأخص القسم هنا ضعيفة لدرجة محبطة أحيانا

ولكن إحقاقاً للحق أنا شخصياً إستفدت جامد من المنتدى ومعلوماتي عن العربيات - برغم حداثة عهدي بالسواقة - مقبولة جداً مقارنة باقاربي وزميلاتي اللي بيسوقوا منذ نعومة أظافرهم

والفضل بعد الله للمنتدى

فمن لا يشكر الناس لا يشكر الله

فجزاكم الله عني خيراً كثيراً

بس أنا للأسف فعلاً ما أقدرش أعمل حاجة ذات قيمة لأني لسه مستجدة في العربيات وخبرتي ضعيفة

وأعترف كمان إن متابعتي للمنتدى قليلة جداً وبتكون - للأسف زي ما قلتم - حسب الحاجة ولما أسأل ما ألاقيش إجابة بأضايق وأحبط

مش لازم حاجة كبيرة اقل حاجة ممكن يتعمل منها تقرير زي مقولت لو طقم مسوجر تقرير عن الطقم اللي اتكسر و ازاي اتكسر و اشترتيه و بكام و تركيبه او حصلت مشكلة في العربية و حلها تقرير بس عنها ديه اقل حاجة ممكن تتعمل :)
بالنسبة ليا مثلا جبت زيت فرامل و مية ريداتير نزلت تقرير و ناس استفادت و جربت او هتجرب و هكذا