نقص فى مياه العربيه ايه السبب وما هو الحل

السلام عليكم


من حوالى اسبوعين بالصدفه ببص على مياه العربيه لقيت ان المياه ناقصه جدا يعنى موجوده فى القربه بس مش كتير يعنى حاجه بسيطه جداااااااااااا المهم مليت نص القربه مايه من الحنفيه علشان اعدى الموقف وسافرت بعديها لمده اسبوعين والعربيه كانت مركونه ورجعت ببص على القربه لقيت المايه عادى موجوده وذى ما هى تقريبا مش ناقصه

انا عايز اعرف سبب ان المياه نقصت وطبعا الحمد لله ان ربنا ستر


العربيه دايو لانوس 2006 عامله 65 ال كيلو بعملها الصيانه الطبيعيه بس دى يمكن اول مره افتح قربه المايه يعنى المايه ال فيها هيا الاصليه ال جايه فيها وطبعا ريحتها حاليا مش قادر اوصف هل فى مشكله فى دوره المايه ولا هيا محتاجه تغيير ونظافه مش اكتر


ايه السبب وايه الحل يا شباب

واحشني ياصديقي :)

على كلامك كده تقريبا مفيش مشكله ماديه او ملموسه في دورة التبريد
وطالما انك زودت المياه ومانقصتش تاني (مع التشغيل) فـ غالبا نقص المياه ده نتيجه التبخر الطبيعي لسائل التبريد

وممكن تعمل غسيل دورة التبريد في موبيل او اي مكان كويس وموثوق فيه وحط مياه خضراء اسباني إسمها iada بدون تخفيف وان شاء الله هتلاقي كله تمام

وبعد لما تعمل الحوار ده تابع نسبة نقص المياه لمدة شهر مثلا , ولو لقيت الدنيا تمام خلاص انسى امر نقص الميا
ولو لاقدر الله الميا بتنقص فعلا وقتها نبدأ نفكر في السبب سوا , وان شاء الله مفيش حاجه وحشه

تحياتي

اقتباس:

---

المشاركة الأصلية كتبت بواسطة محمد الشامي

واحشني ياصديقي :)

على كلامك كده تقريبا مفيش مشكله ماديه او ملموسه في دورة التبريد
وطالما انك زودت المياه ومانقصتش تاني (مع التشغيل) فـ غالبا نقص المياه ده نتيجه التبخر الطبيعي لسائل التبريد

وممكن تعمل غسيل دورة التبريد في موبيل او اي مكان كويس وموثوق فيه وحط مياه خضراء اسباني إسمها iada بدون تخفيف وان شاء الله هتلاقي كله تمام

وبعد لما تعمل الحوار ده تابع نسبة نقص المياه لمدة شهر مثلا , ولو لقيت الدنيا تمام خلاص انسى امر نقص الميا
ولو لاقدر الله الميا بتنقص فعلا وقتها نبدأ نفكر في السبب سوا , وان شاء الله مفيش حاجه وحشه

تحياتي

---

حبيب قلبى والله يا باشا فينك من زمان محدش بيشوفك .... اتجوزت ولا لسه لو ان شاء الله اتجوزت لازم اشوفك دا احنا جيران يا راجل



بالنسبه للعربيه هل انظف الدوره عند الميكانيكى بتاعى ولا فى محطه بنزين افضل



ثانيا :- من كام اسبوع لقيت ذيت على الموتور وطلع ان فى جيوان بتاع الموبينه فيه مشكله وغيرته ب 5 جنيه ورحت غسلت الموتور بعديها بس مش عارف ايه ال بوظه ولا دا عادى من الوقت وهل فى مشكله كدا ولا انا كدا حلتها

اقتباس:

---

المشاركة الأصلية كتبت بواسطة احمد المصرى

حبيب قلبى والله يا باشا فينك من زمان محدش بيشوفك .... اتجوزت ولا لسه لو ان شاء الله اتجوزت لازم اشوفك دا احنا جيران يا راجل

---

والله يا باشا انا موجود بس الدنيا ملخبطه حبتين تلاته اربعه كده :) وياصديقي ماقدرش اتجوز من غير ما اعزمك واعزم كل حبايبي وحوش نايل موتورز :) الحكايه بس اني كل ما انوي على ميعاد الاقي حاجه تحصل تخلي الواحد يأجل , بس بإذن الله ربنا يكرم قريباً :) لان كله مقدر ومكتوب
وبإذن الله نتقابل على خيييييير :)

اقتباس:

---

المشاركة الأصلية كتبت بواسطة احمد المصرى

بالنسبه للعربيه هل انظف الدوره عند الميكانيكى بتاعى ولا فى محطه بنزين افضل

---

رأيي الشخصي ان البنزينه اضمن , لان اي صنايعي سواء ميكانيكي او بتاع ريدياتير وارد جدا انه يفتي او انه يلخبط الدنيا حسب المعتقد اللي هو شغال بيه :) اصل دلوقتي الصنايعي عباره عن معتقد والمفروض اننا نخضع له :) ولو اتناقشت معاه شويه يحسسك انك بتعدل عليه

وفي حل تاني عشان تريح دماغك خالص :) اعمل القصه بنفسك
http://www.nilemotors.net/Nile/147913-a.html

اقتباس:

---

المشاركة الأصلية كتبت بواسطة احمد المصرى

ثانيا :- من كام اسبوع لقيت ذيت على الموتور وطلع ان فى جيوان بتاع الموبينه فيه مشكله وغيرته ب 5 جنيه ورحت غسلت الموتور بعديها بس مش عارف ايه ال بوظه ولا دا عادى من الوقت وهل فى مشكله كدا ولا انا كدا حلتها

---

عادي يا صديقي ده عمر افتراضي , وكده انت تمااااام

وبردو انتظر رأيي زملائنا الافاضل وبإذن الله تستفيد من خبرات الجميع :)

ان شاء الله هنظف الدوره الاول يا باشا وهحط مايه وهروح للميكانيكى يبصلى على الدوره نكون من الاحتياط وربنا يستر ها ان شاء الله


وان شاء الله نتقابل قريب ان شاء الله يا باشا دا اكيد ان شاء الله