قررت اعمل ان شاء الله الصيانة الدورية - دايو جوليت

ان شاء الله هاروح الخميس اللى جاى للميكانيكى اللى بتعامل معاه يعملى الصيانة الدوريه
العربية جوليت مو 2000 عاملة 141,000
و الصيانة كالاتى :
1 هاغير زيت الموتور و هاحط زيت ليكوى مولى Super Leichtlauf 10w40
2 هاغير زيت الفتيس بس لسه ما قررتش ها احط ايه و عايز رأى الاعضاء ايه افضل حاجة ؟ - المرة السابقة انا حطيط شل بس ما حستش انه كويس
3 هاغير زيت الفرامل و هاحط ليكوى مولى dot 5.1 250ml LE25 بس مش عارف العربية ممكن تاخد اد اية زيت و لو فية حد يعرف ممكن يقول ؟ و لو حد من الاعضاء عنده اى نوع زيت فرامل افضل احب اعرف الاقتراحات ؟
4 هاغير فلتر زيت الموتور
5 هاغير فلتر البنزين
6 هاغير فلتر الهواء
7 هاربط العافشة
و لو عضو عنده اى اقتراحات ليا احب اسمعها
و بعد لما اخلص ان شاء الله هانقلكم التجربة و العربية اختلفت فى ايه

متنساش البوجهات والسيور وفلتر الزيت بس عندي استفسار...حضرتك معجبكش زيت الفتيس ليه

شكرا يا بشمهندس احمد على ردك اولا انا لسه مغير السيور و البوجيهات و باقى على معاد تغيرهم حوالى 20,000
و بالنسبة لزيت الفتيس لسة مش عارف اجيب نوع ايه علشان سالت فى ليكوى مولى قالولى لسه مش متوافر نوع زيت الفتيس المناسب للعربيه و مش عايز اجيب شل و مش عارف اجيب نوع ايه ؟

هاغير زيت الفتيس بس لسه ما قررتش ها احط ايه و ياترا ايه افضل حاجة ؟
المرة السابقة انا حطيط شل بس ما حستش انه كويس
هاغير زيت الفرامل ياترا العربية ممكن تاخد اد اية زيت ؟

و انا مش حابب شل علشان بعد ما غيرت الزيت كانت الغيارات ناعمة و مكملش شهر و الغيارات رجعت اسواء من الاول و تقيلة

بالنسبه لزيت الفتيس ام حاجه درجته كام اهم من نوعه لازم 85-90 -- يا الفتيس هيتقل معاك

طب ممكن حضرتك تقولى ايه النوع المتوفر قيه المواصفات ديه ؟

انا حطيت زيت فيسكو علشان -كنت مغيرة موبيل لزوجه 85 الى 145 --متعدد --وكان سىء جدا والى كان متوفر ليا فيسكو 85-90 --والصراحه ممتاز جدا لحد الان

فيسكو 85 -90 موجوود فين

اقتباس:

---

المشاركة الأصلية كتبت بواسطة ahmed_nubira

فيسكو 85 -90 موجوود فين

---

كارجاس

اقتباس:

---

هاغير زيت الموتور و هاحط زيت ليكوى مولى Super Leichtlauf 10w40
هي ليه الناس كلها حولت على الزيت ده ؟

2 هاغير زيت الفتيس بس لسه ما قررتش ها احط ايه و عايز رأى الاعضاء ايه افضل حاجة ؟ - المرة السابقة انا حطيط شل بس ما حستش انه كويس
موبيل برده كويس
3 هاغير زيت الفرامل و هاحط ليكوى مولى dot 5.1 250ml LE25 بس مش عارف العربية ممكن تاخد اد اية زيت و لو فية حد يعرف ممكن يقول ؟ و لو حد من الاعضاء عنده اى نوع زيت فرامل افضل احب اعرف الاقتراحات ؟
على حسب هتغيرو إزاي يعني هتفضي الخزان وخلاص ولا هتسحب هوا وتغير الزيت كله باللي فالمواسير كمان
لو كده هات نص كيلو ممكن يكفي معاك بالعافية
بس أنا فاكر إن الزيت بتاعنا dot 4

---

اقتباس:

---

لا ان شاء الله هاغيره كله و هاسحب هوا يعنى كل اللى انا هابقى محتاجه 500 مل
على حسب هتغيرو إزاي يعني هتفضي الخزان وخلاص ولا هتسحب هوا وتغير الزيت كله باللي فالمواسير كمان
لو كده هات نص كيلو ممكن يكفي معاك بالعافية
بس أنا فاكر إن الزيت بتاعنا dot 4

---

بس انا مش عارف ياترا ال dot 5.1 هايبقى احسن و لا اجيب ال dot 4 و هو اللى مناسب للعربية

هو مفيش حد يعرف اللانوس بياخد قد ايه زيت فرامل و ايه افضل ال dot 4 ولا ال dot 5.1
و ياريت اقتراحات ايه افضل نوع لزيت الفتيس و زيت الفرامل كمان علشان انا لسه نا اشترتش و ناوى بكره ان شاء الله اجيب الحاجة

اللانوس بتاخد نص لتر زيت فرامل اما DOT3 او DOT4

MMamdouh

بس انا سمعت ان ال dot 5.1 احسن علشان هو زيت للعربيات الرياضية و بيبقى احسن و لا مينفعش للانوس و ياترا ايه احسن نوع زيت فرامل و زيت فتيس ؟
و شكراا يا استاذ ممدوح