الموضوع: ايه انسب المواتير اللى تركب للشيرى a11 وعن تجربة

المشاركة الأصلية كتبت بواسطة khaabas

العربية مفهاش حاجة المانى وكلها صينى
موش معنى انك تقدر توفق عليها حاجات من الجولف تبقى المانى
الموتور صينى زبالة وكل حاجة فيها صينى زبالة

من غير زعل ولا عصبية العربية ممتازة والقطع اللى فيها لشركات المانية فعلا العدادات والحساسات ومعظم ادوات الكهرباء مطبوع عليها علامات vdo كشركة كبرى فى هذه الصناعة و vw فلوكس فاجن كشركة كبرى فى صناعة السيارات مصنوعة فى الصين تحت الاشراف الالمانى والموتور والاجزاء الميكانيكية تكنولوجيا فورد اسكورت 99 على اعلى مستوى من الدقة والتكنولوجيا الاوربية من اول فترات التاكيهات الهيدروليكية الى حساس الدق ف الكرنك وكله صناعة صينى تحت اشراف هذه الشركات العالمية.. وده مش توفيق وتلفيق مننا زى ما حضرتك بتقول هى نازلة كده.
مشكلة حضرتك شقين الاول انت لعبت فيها وعكتها ومش عارف ترجعها زى ما كانت.
الثانى انت اشترتها كده معكعكه ومش عارف ترجعها زى ما كانت بردو.
من الاخر انت حاطط ف دماغك انها زبالة وانت مش بتحبها وده ح ينعكس على رد فعل العربية معاك.
احنا اتفقنا من الاول على عدم الزعل والعصبية وعاوزين نصلح بينك وبين العربية.. حبّها ح تحبك ومش ح تزعلك.
وأسأل الاستاذ طارق السيد فكها حتت وركبها وعامل دكتوراه فيها واسمع هو شاف فيها ايه.
وتقبل تحياتى