الموضوع: !! صوت في موتور شاهين 1.4 2004 بعد تغيير سير وبلية الكاتينة مرفق فيديو !!

بخصوص صوت النحرة اللي كان ظهر وبدأ يزيد مؤخراً وكان بيبقى مزعج بالنسبة لي الصبح وقت التسخين
المهم في خرم في العلبة اللي ورا كنت لاحظته من الشتا فرحت لبتاع الشكمانات قالي الصوت ده غالبا من الدينامو او طرمبة الميه - بس انت محتاج تغيّر العلبتين المهم نصحني بميكانيكي على ضمانته بيتعامل معاه وراح معايا
من غير ما أطوّل عليكم
الميكانيكي حط عصاية حديد على الطرمبة وبعديها الدينامو وقالي ده الدينامو
ووداني لكهربائي جنبه فك الدينامو لقى البلي حلو - لأني لسه مغيّره من 3 شهور - ولقيت البلي ياباني
طب ايه المشكلة؟
العمود من قدام بقى أضيق من البلية (شوف السهمين في الصورة) ومش ثابت فيها فبيلُقّ جواها وهو بيلف والبلية كانت مزنوقة في الوش



المهم رحت للخراط خرم خرمين في الوش عشان ينطر البلية وخد العمود لبتاع اللحام اداله كام بنطه عشان يتخّنه وبعد كده خرط على اد البلية
رجعت للكهربائي ركب وجربنا تمام الصوت راح نهائي والعربية الحمد لله بقت أهدا من الأول لأني عملت سرفيس صيانة من 4 شهور تقريبا ومحستش بيه إلا لما الصوت ده راح لأني كنت مخنوق من الصوت الغبي ده
المهم حبيت انقلكو التجربة