مساء الخير عليكم ..
انا كنت عايز اعرف حد عرف يثبت زجاج ملون على الرخصة فى مرور فيصل ؟؟
و لو كدة عمل ايه عشان يثبته
و شكراً لكم
عرض للطباعة
مساء الخير عليكم ..
انا كنت عايز اعرف حد عرف يثبت زجاج ملون على الرخصة فى مرور فيصل ؟؟
و لو كدة عمل ايه عشان يثبته
و شكراً لكم
أنا زيك مرور فيصل وعاوز برضه حد يثبتها
و انا زيكو انتوا الاتنين
هو ينفع أصلا انا يتهألى ده للعربيات الجديدة بس أو طبعا لو معاك واسطة:0002014a:
انا لسة شارى عربية جديدة بس اترخصت و عاوز اعملها بس مش عارف اعمل ايه بالظبط
انا فيه واحد اعرفه برضو مشترى عربية جديدة و رخصها عادى و بعد كدة عمل الموضوع ده بعدين و غير الرخصة و عمل رخصة جديدة و مكتوب فيها الزجاج ملون بس طبعاً بواسطة ...
معاكوا
الراجل اللى شارى منو العربية كان مثبت فاميه على العربية(مرور فيصل بردو),بس و انا داخل الفحص العسكرى اللى واقف عمل بالمفتاح على الازاز فاتقشر,قالى ده مش الفبريكة(كنت رايح بواسطة على فكرة).
شيلتوا و رخصت,سألت مهندس الفحص اللى قاعد على ترابيزة جنب كشك الظابط قال لى مشربتنيش الشاى ليه!(ياريتنى كنت شربتوا)
انا كمان معاكوا مرور فيصل وعايز ارخص فاميه
بص يا باشا مرور فيصل ده اكتر مرور بيمشي بالشاي !
ممكن تثبت في الرخصة ان عربيتك بوجاتي وهي شاهين ! لو شربت الباشهمندس اللى قاعد جمب الكشك شاي !
انا من فترة كنت هناك وثبت لونين على الرخصة
وكل حاجة مشيت زي الفل ولما لقيت الامور كدة قلت ياريتني خليته يثبتلي فاميه على الرخصة ! لان برضوا كان هيمشي !
فيه حاجة غريبة شوفتها يا جماعة
اتنين صحابى معاهم ( كارينز ) العربيتين فاميه اصلى
واحدة مكتوبة على الرخصة ( زجاج ملون )
و التانية مكتوب على الرخصة ( زجاج خلفى و جانبى غامق ) و الرخصة كبيرة عن العادية !!!
طب ده ايه بقى ؟