تحذير بخصوص احدى السيارات المستعملة
السلام عليكم و رحمة الله و بركاته
واحد صاحبى كان بيدور على سى فور بقاله فترة .. و النهاردة شاف اعلان على كونتاكت عن واحدة و بصراحة الاعلان كان مغرى وبالفعل نزلت معاه و كنا متفائلين جدا من الاعلان و كلام الراجل عليها اللى على حد وصفه بيقول عليها perfect المهم رحنا بالفعل المهندسين فى وقت زحمة جدا و اخدنا مشوار صعب و للاسف الموضوع طلع مش زى ما مكتوب
العربية مش حالتها ممتازة و محتاجة مصاريف مش زى ما مكتوب فى الاعلان
المشاكل الواضحة من غير كشف :
1- البانوراما متغيرة برة التوكيل و شكلها وحش اوى بصراحة و التقفيل سىء جدا باين السيليكون من كل حتة .. و من جوة الغطاء القماش بتاعها بايظ نصه مش بيفتح و نصه بيقع ..
2 - شاشة بيانات الكاسيت بايظة خالص و محتاجة تتغير
3 - الفوانيس متغيرة مش اصلية
4 - العربية فيها خرابيش و البوية فيها طقطقة من اكتر من حتة .. صاحبها بيقول و بيأكد انها فابريكة و انا مش عارف بصراحة حاسس انها مش كده بس مش متأكد
5 - فيه حتة ناقصة فى الكبوت من قدام مش عارف بصراحة ايه اسمها :36_2_33:
6 - العربية متبهدلة شوية من جوة مش وحشة بس مش حالة يعنى
المهم و احنا واقفين نزلنا من سعر العربية المكتوب حوالى 4 الاف و نص و لكن اللى قفل الموضوع خالص بعيدا عن حالة العربية اشتراطات الراجل الغريبة .. عايز عربون قبل ما نروح نكشف فى التوكيل .. طيب هو اصلا السواق بتاعه هو اللى هيوديها التوكيل و احنا معاه .. و احنا اللى هندفع الكشف .. ليه عربون يعنى .. بيقول عشان اضمن انكوا مبتهرجوش طيب احنا هنروح المشوار و هندفع فلوس الكشف فى التوكيل و نضيع يوم كامل عشان نهرج و الله كلام غريب :what:
المهم يا جماعة اجمالا حالة العربية متوسطة او اقل من متوسطة
انا حبيت اعمل الموضوع عشان محدش يلبس فى المشوار على الفاضى بعد ما يتخدع فى الاعلان زى ما حصل معايا :banzai: و و الله مش قصدى اوقف بيع العربية او حاجة
العربية لونها سماوى 2006 اوتوماتيك بانوراما عاملة 76 الف كيلو
و بالتوفيق لصاحب العربية و يبيعها بما يرضى الله