طبعا فى خطر لثلاثة اسباب:
1- الماسورة المفتوحة مش معناها بيضرب بلى لوحده لأن المواسير دى غير مصممة لتحمل تحرك بلي بداخلها نهائيا (للعلم البلى دايما بيكون انشف من الماسورة) وممكن الماسورة تتفرتك فى ايدك
2- المسدس الصوت المفتوح ده ميزته عن المقفول ان سهل انك تركبله طبة حديد داخلية لتتحمل الماسورة الضغط وتحرك واحتكاك المقذوف اللى هوا البلية بس بتحصل مشكلتين نتيجة الطبة وأولا انحشار الطلقة فى الماسورة والثانى عدم دقة وانحراف كبير فى مسار الطلقة
3- معظم المسدسات الصوت بيكون الامان بتاعها مش كويس على اساس انها لو حتى ضربت بالغلط مش هتعمل مشكلة وعلشان كده فى مشكلة ان فيه مسدسات صوت كتير تضرب طلقة تلاقى التانية ضربت لوحدها وراها او ان المسدس يتخبط منك تروح طلقة خارجة منه
وللعلم مسدسات البلى أخرها 2-3 متر لأنها بتكون غير مششخنة ونشانها سيئ للغاية.
المسدس اللى انت جبته كويس بس لو يستخدم كصوت فقط وضارب صواريخ غير كده انا عن نفسى ضد الموضوع ده تماما لخطورته الشديدة وعلشان تعرف بس ممكن الخطورة توصل لايه فى واحد وقع منه مسدس البلى بتاعه خرجت منه بلية خرمت عينه واستقرت فى الرأس وكان نتيجتها انفجار العين وشلل نصفى والحمد لله انه مماتش وربنه يعينه فبلاش مغامرة بنفسك وبغيرك
المفضلات