عاااجل : مستشفى أطفال كويس

**محمد عز** · 11-03-2012 11:29 PM

السلام عليكم

بنتى الترجيع لا يتوقف عندها ورحت لاكتر من دكتور فى السويس والعلاج مش جايب نتجية لحد دلوقتى

عاوز اروح لمستشفى اطفال كويس فى القاهرة (مصر الجديدة او مدينة نصر)

**Ayman-Ahmed** · 11-03-2012 11:36 PM

توكل على الله وروح على مستشفى كليوباترا-مصر الجديدة جنب كنيسة كليوباترا ولو مش عارف الطريق قولى وانا انزلك اول طريق السويس اوصلك المستشفى..

**aif** · 11-03-2012 11:52 PM

الف سلامة عليها
المستشفى الايطالي في العباسية فيها قسم اطفال محترم و24 ساعة فيه اطباء اخصائيين وانا مجربه
تليفوني 01227381090 لو احتجت اي مساعدة تحت امرك ... في اي وقت بدون احراج
انت اعطيتها حقنة كورتجين ولا لسة ؟؟؟؟

**محمد عز** · 12-03-2012 12:10 AM

المشاركة الأصلية كتبت بواسطة aif

الف سلامة عليها
المستشفى الايطالي في العباسية فيها قسم اطفال محترم و24 ساعة فيه اطباء اخصائيين وانا مجربه
تليفوني 01227381090 لو احتجت اي مساعدة تحت امرك ... في اي وقت بدون احراج
انت اعطيتها حقنة كورتجين ولا لسة ؟؟؟؟

ربنا يكرمك ، واخدة ٤ حقن كورتجن وزينتاك لحد دلوقتى + حقن المضاد الحيوى لكن الترجيع موقفش وانا خايف يجلها جفاف

**Ayman-Ahmed** · 12-03-2012 12:15 AM

المشاركة الأصلية كتبت بواسطة محمد عز

جزاك الله خيرا

واياكم.بس فعلا لو محتاجنى معاك قولى هتيجى امتى بامر الله واستناك عند الدائرى-الرحاب قولى بس انسب مكان ليك.

**aif** · 12-03-2012 12:15 AM

المشاركة الأصلية كتبت بواسطة محمد عز

ربنا يكرمك ، واخدة ٤ حقن كورتجن وزينتاك لحد دلوقتى + حقن المضاد الحيوى لكن الترجيع موقفش وانا خايف يجلها جفاف

ربنا يشفيها ان شاء الله
خلي دايما تاخد محلول جفاف حتى لو رجعته .... اكيد جزء منه ح يدخل الجسم ويعوض جزء من فقد السوائل
لو نزلت القاهرة واحتاجت اي مساعدة لا تتردد في الاتصال .... وبدون اي حرج .... انا وقتي ملكي لأني مش موظف ومعنديش مواعيد عمل

**kayson** · 12-03-2012 01:42 PM

لازم تتحجز و هيتعلق ليها محاليل و فى المحاليل هيضيفوا حقن الزنتاك و الكورتيجن لان مهما خدت محلول معالجة الجفاف او اى علاج عن طريق الفم هيبقى فيه ترجيع مش هتستفيد بيه كله و هتفضل تحت الملاحظة لمدة 48 ساعة بس ان شاء الله هتبقى زى الفل و مستشفى كليوبترا و انت جاى من السويس زى مانت هتوصل الى شارع الثورة هتفضل فيه لغاية النفق الى قبل صلاح سالم اول ماتتطلع من النفق اول شارع يمين ده شارع كليوبترا تدخل فيه عدى التقاطع بتاع شارع بيروت هتلاقى كليوبترا على يمينك هى مشهورة جدا وصعب تتوه ولو قبلتك اى مشكلة هبعتلك رقمى على الخاص كلمنى اجيلك انا خبرة فى مستشفى كليوبترا ولو وصلت و لقيت عيادة الاطفال زحمة ادخل على الطوارىء على طول هيعملوا اللازم .