عندى مشكله غريبه مش فاهمها ومش فاهم سببها !!!

السلام عليكم ورحمة الله وبركاته،،

عندى مشكله غريبه قابلتنى مش فاهمها ومش فاهم سببها
هى ان على فترات غير منتظمه الاقى العدادات كلها تنزل للصفر وتطلع للمستوى الطبيعى بتاعها و الاقى الكاسيت فصل و السطر بتاع موجه الراديو على شاشه البيانات بيتمسح وبيرجع تانى و السطر الى فيه الساعه و درجه الحراره بيكون موجود زى ما هو كل ده بيحصل فى اقل من 5 ثوانى
بس انا مشغل mp3 على الولاعه وبيفضل شغال مش بيفصل لانو لو فصل هايعيد الاغنيه من الاول و اول لما الكاسيت يشتغل بيكمل الى كان عليه و الانوار مش بترعش ولا بتفصل خالص
و لما المشكله دى بتحصل ما فيش اى تأثير على حركه العربيه هى العدادات بس و الكاسيت

جربت افصل كابل البطاريه و رجعتو تانى ما فيش فايده
ده ممكن يكون من ايه بقى ؟؟؟

انت لسه مغير العداد
دا أكييد شغل فيوزات يا معلم

انا مغير العدادات من شهرين تقريباً وكانت شغاله زى الفل ما فيش اى مشكله

المشكله دى ظهرت من امبارح بس :((

دي ممكن تكون قفله في الضفيره ربنا يستر

إنت خدت عين بعد المقابلة ولا ايه ههههههههههه

اقتباس:

---

المشاركة الأصلية كتبت بواسطة habibezzat

دي ممكن تكون قفله في الضفيره ربنا يستر

---

:B4_556:
ربنا يستر

اقتباس:

---

المشاركة الأصلية كتبت بواسطة mera11

إنت خدت عين بعد المقابلة ولا ايه ههههههههههه

---

والله يا سعيد العربيه دى كانت بتعمل معايا اكتر من كده زى ما تقول كده بتدلع عليا بس
بس يعنى سبحان الله يبقى عطل شكلو يخض وبيروح لوحدو ميظهرش تانى
بس دى كده فضلت 3 ايام ورا بعض كده تخوف
يعنى انا من حوالى 5 شهور وانا ماشى على سرعه 120 العربيه بطلت وعملتها معايا فى اليوم ده 3 مرات تانى يوم اروح للميكانيكى يقولى مافيش حاجه :rolleyes:
ومن ساعتها الحمد لله محصلتش تانى
هو ده الى اسمو دلع العربيات الى بيقولو عليه
ربنا يستر بقى وتكون حاجه خفيفه

انا عداد السرعه عندي مش شغال
تعالي نروح لحد بتاع عدادات :)

اقتباس:

---

المشاركة الأصلية كتبت بواسطة Amrgamal1

انا عداد السرعه عندي مش شغال
تعالي نروح لحد بتاع عدادات :)

---

انت مشكلتك مالهاش علاقة بالعدادات
انت لسة مغير فتيس وبالتالي اكيد الميكانيكي ماركبش سلك الكيلومتر لو الأوبل الكيلومتر بتاعها شغال علي واير
وبردو لو شغالة علي حساس سرعة بتبقي الفيشة بتاعته في الفتيس

لكن احمد مشكلته اعتقد انها تهريب كهرباء من الكنترول
وطبعا الولاعة عنده او الmp3 شغال دايركت مالوش دعوة بالكنترول

دوور ورا الضفيرة والفيش والكابلات بتاعة الكنترول
هي الي عاملالك اللخبطة دي كلها

والله المستعان
،
،

انا لما قريت تاني مشكلتك
لو الكيلومتر بيفصل هو كمان يبقي انت كدة الكيلومتر عندكو علي حساس سرعة او بيسموه speed sensor ودة بردو بيبقي فيشته راكبة في الفتيس ومتوصلة بالكنترول

فبالنسبة لعمرو هيشوف فيشة الحساس دي مالها

وبالنسبة لأحمد هيراجع علي الفيش بتاعة الضفيرة وفيشة الكنترول
ورجاء عدم التهاون او التكسيل عشان المشكلة ماتتطورش اكتر من كدة لأن غلط جدا الكنترول يحصل للفيش بتاعته لووز lose

والله المستعان
،
،

تعالى يا معلم نروح مع بعض مع ان انا اصلا الى عندى ده مش موضوع عدادات خالص
هى مشكله كهرباء بس ايه فى الكهرباء بقى الله و العلم

يا سيد الى انا اعرفه ان الكيلو متر فى الاوبل بيبقى فيه حاجه بتركب فى الكوبلن معرفش اسمها بصراحه بس قدام شمال هى دى الى بتشغل عداد الكيلو متر بس تقريباً ملهاش وير من الفتيس للعداد لان انا لما غيرت كوبلن قدام شمال الكيلو متر مشتغلش لما رجعت للميكانيكى ركب حاجه زى افلانشه مشرشره كده فى الكوبلن جوه اشتغل الكيلو متر والله واعلى و اعلم

اقتباس:

---

المشاركة الأصلية كتبت بواسطة syd

انا لما قريت تاني مشكلتك
لو الكيلومتر بيفصل هو كمان يبقي انت كدة الكيلومتر عندكو علي حساس سرعة او بيسموه speed sensor ودة بردو بيبقي فيشته راكبة في الفتيس ومتوصلة بالكنترول

فبالنسبة لعمرو هيشوف فيشة الحساس دي مالها

وبالنسبة لأحمد هيراجع علي الفيش بتاعة الضفيرة وفيشة الكنترول
ورجاء عدم التهاون او التكسيل عشان المشكلة ماتتطورش اكتر من كدة لأن غلط جدا الكنترول يحصل للفيش بتاعته لووز lose

والله المستعان
،
،

---

بتاع سيات بس بتجيب م الاخر في الاوبل بردو ياعم سيد ههههههه

هقابل احمد ونروح نشوف ايه حوار العدادات دي وهأكد علي اللي انت قولتله يمكن فعلا هو المشكله

والله الموفق والمستعان
،
،

مشكله كهربائية

النهارده بردو لاحظت بعد ما قفلت العربيه ان لمبات مفاتيح الازاز كلها منوره و برمجه الازاز فاصله وشيلت كبلات البطاريه و برمجات تانى اتبرمج تمام قفلت العربيه مرضاش يشتغل بردو :d
واضح كده انها خلفت تقسيمه معايا خالص xd
,, والله المستعان ،،

علشان محدش يزعل ;)

ممكن الام بى ثرى عامل قفله او فى خطاء فى تركيب العداد ممكن فيشه مهزوزه

بص يا باشا

التهييس دة كله كان عند محمود اخويا في عربيته
لمبات مفاتيح الزجاج بتفضل منورة حتي بعد مايقفل العربية

انت عندك شوية عك في الضفيرة وفيش الكنترول يا باشا

لما اقابل محمود هخليه يدخل يقولك علي شريف الكهربائي بتاع اوبل
يقال عنه انه فضائي وعالمي

وبالنسبة لمكان الحساس مش هي دي القضية سواء في الكوبلن او الفتيس المهم انه موجود ومش علي وير زي عربيات زمان وان الفيكترا بردو متطورة زي عربيتي

والله المستعان
،
،

اتصلت بمحمود دلوقتي قالي ان لمبات مفاتيح الزجاج بتفضل منورة وبتطفي مع نور الصالون بعد شوية من قفل العربية

شوف فعلا الأم بي 3 mp3 يكون هو الي عاملك قفلة ولا حاجة

والله المستعان
،
،

يعنى افصل ال mp3 خالص واجرب من غيرو ؟؟؟

طيب موضوع لمبات المفاتيح بعد ما قفلت العربيه ونور الصالون طفى لمبات المفاتيح مازالت منوره وفضلت واقف جنبها بتاع 10 دقائق وهى منوره زهقت سيبتها ومشيت :d

اقتباس:

---

المشاركة الأصلية كتبت بواسطة mr7mix

يعنى افصل ال mp3 خالص واجرب من غيرو ؟؟؟

طيب موضوع لمبات المفاتيح بعد ما قفلت العربيه ونور الصالون طفى لمبات المفاتيح مازالت منوره وفضلت واقف جنبها بتاع 10 دقائق وهى منوره زهقت سيبتها ومشيت :d

---

ايوة جرب افصله

وياريت تروح لكهربائي اوبل يراجعلك علي الفيش بتاعة الضفيرة كلها
ويشوفلك فيش الكنترول
وابقي قولنا وصلت لأيه

والله المستعان
،
،

النهارده العربيه خرفت معايا اخر حاجه والى حصل ده مش طبيعى ابدأ
شاشه الكيلو متر نورها بيضعف ويزيد على فترات مع تكرار الاعطال الى قولت عليها فى الاول ولاقيت كل الاعدادات نزلت للصفر وكل حاجه فصلت كهرباء وبمجرد ما عملت اشاره يمين علشان اقف اشوف فيه ايه لاقيت كلو رجع اشتغل تانى بس طول ما الاشاره شغاله نور شاشه الكيلو متر بيضعف ويزيد
مشيت ولما وصلت المكان الى كنت رايحو قولت ابص على الفيوزات شيلتهم كلهم لاقيت فيوز رقم 28 مش ثابت كويس ف مكانو وكل لما ادوس عليه بيتهز زنقتو ب ورقه صغيره وحسيت بالفشل قولت اروح علشان الوقت اتاخر وسبحان الله طول الطريق وانا راجع محصلش اى حاجه من الى كانت بتحصل دى ولاقيت برمجه الازاز اشتغلت وجربتها كذا مره تمام ومافيش اى حاجه بتفصل تانى

يعنى هو ممكن لو فيوز فعلا بيتهز يعمل شورت فى الكهرباء كلها وتخرف التخريف ده
انا اثناء العطل ده كانت تقريباً كل 3 كيلو بيفصل بعد لما عملت الفيوز ده وان مروح الطريق 40 كيلو مفصلش منى ولا مره ،، اللهم لك الحمد ربنا عالم بالحال بقى :d
وبردو هاجرب يومين كده تانى و اشوف هاتعملها تانى ولا لاء وربنا يستر ومتعملهاش تانى

يارب يكون دا السبب ومايبقاش في مشاكل تاني ان شاء الله
بس والله عربيتك دي مسليه جدا يا أحمد ههههههههههههههه
كل 3 كيلو تفصل وتديها اشارة يمين تشتغل والله جامده الاشتغالات دي هههههههههه

لا كانت بتفصل وتشتغل تانى لوحدها
بس المره دى فصلت خالص مشتغلتش غير بالاشاره
هى والله يا عمر عليها شويه اشتغالات جامده لو سيبت نفسى ليها هاتجنن وربنا :d

طب الحمد لله انها طلعت حاجة بسيطة

وبردو جربها يومين ثلاثة وقولنا ايه الأخبار

والله المستعان
،
،

طيب انا عندي بقي وانا ماشي بالعربيه النهارده
الحرارا والسرعه صفر
وانا سايق كدا روحت مخبط ع العداد لقيت الحراره رفع لواحده بقي علي 90
والسرعه اتحرك بس بيترعش كدا مش سرعه ثابته
يشتغلو شويه ويرجعو صفر تاني اخبط يشتغلو هههههههههه فيه ايه الاشتغالات دي
دا كدا الفيش فيها حاجه ولا ايه الكلام ؟

الحمد لله بعد تجربه 3 ايام محصلتش معايا المشكله دى تانى
كده كان فعلا فيوز مش ثابت كويس هو الى كان بيعمل شورت فى الكهرباء :majd(4):
-------------
وكان فى مشكله تانى كنت بقولك لطنانى عليها هى بحس بهزه فى الدركسيون لما ابدأ اسحب بعد 100 رغم انى مرصص و مغير كاوتش و مستعدل الجنوط كلها طلع بقى وانا بغير تيل الفرامل لاقيت ان فى مسمار13 الى بيربط السره بالطنبوره مش موجود فى العجله الشمال قدام بعد لما ركبتو الحمد لله جيبت 170 من غير اى اهتزتز خالص :Ka_che1[1]:

والله الواحد ربنا بيسترها معاه وكنت حاسس ان المشكلتين دول هايعورونى فى تصليحهم بس حلتها بنفسى الحمد لله واهم حاجه من غير اى تكلفه :first:

170 يا فاجر يا قادر :3mla:
الحمدلله انك ظبطهم من غير مصاريف انت مش ناقص وداخل علي جواز هههههههه

ههههههههههههههههههه ده اقل واجب من الفيكترا وانت سيد العارفين بقى :d
والله يا عمر ربك عالم بالحال ومصاريف الجواز والحمد لله جت سليمه