تقرير صيانة 25 الف كيلو لميجان2 في العبور
سلام عليكم
تقرير الصيانة
1- المكان : خدمات اقل شوية من المقطم (مافيش كمبيوتر واحد عليه نت زي هناك :) ) , لكن اروق و اهدا و انضف و المعاملة كمان احسن, رحت بدري , و خلصت الضهرية ( في المقطم رحت بدري و خلصت العصرية عشان عدد العملا هناك اكتر مع ان الشغل اللي كنت طالبه كان اقل)
2- الصيانة , مجانية , لكن لقوا التيل الامامي بيودع , غيروه ( 600 جنيه بالمصنعية و الضريبة) , و لقوا فلتر التكييف ضايع (غيروه ب240 جنيه بالمصنعية و الضريبة)
3- الملاحظات اللي قلتها لهم في العربية :
* صوت عالي : عملوا تشيك على قواعد الفتيس و الفلاتر , النتيجة صوت العربية اهدا كتير بس لسه فيه شوية vibration برده
* صوت من مراوح التكييف لما باشغله : راح خالص
* طقطقة في الباب الامامي شمال و الخلفي يمين : لحد دلوقت ما ظهرتش تاني
* زوايا : ما لقوش حاجة (البركة في الصنايعي بتاع بريدجستون عمارات العبور)
