استفسار بخصوص الفيزا - بطاقة atm
السلام عليكم ورحمة الله وبركاته
عندي فيزا بسحب بيها من مكن ال ATM هي تبع البنك الاهلي المصري
يوم الخميس اللى فات جيت اسحب منها قالي البطاقة انتهت الصلاحية ! بصيت عليها لقيتها Expired
قلت مش مشكلة اروح البنك واجددتها
رحت البنك يوم الاحد وادوني بطاقة جديدة البنك كان زحمة جدا جدا ! الموظفة بتاعة الشباك قالتلي تعليمات عشان تشتغل بس مع الزحمة والدوشة انا ماركزتش مع كلامها اوي
اللى افتكره انها قالتلي دخل الرقم السري تلت مرات وتابع ال instructions !
بعدها جيت احاول اسحب مافيش وبيقول البطاقة غير صالحة ويطلع الكارت
ادخله تاني
و ادخل الرقم السري تلت مرات ورا بعض برضوا مش شغالة
حد يعرف كيفية التعامل مع البطاقات الجديدة ؟ لان البنك بيبقى زحمة جدا وعشان اروح وافهم منهم التفاصيل هضيعلي مش اقل من تلت ساعات ! :blueletter:
والف شكر ليكم