بالنسبة للصوت من داخل السيارة
كان عندي في التيريوس وكان مجنني كأن حاجة
مفكوكة وبتخبط من ورا
اتضح انها حديدة حزام الأمان للكرسي الأمامي اليسار
واتضح ايضا انهم عاملين لها مشبك جانبي علشان لو
مش مستخدمة ماتخبطش في القايم
شوف يمكن تفيدك النصيحة دى
عرض للطباعة
بالنسبة للصوت من داخل السيارة
كان عندي في التيريوس وكان مجنني كأن حاجة
مفكوكة وبتخبط من ورا
اتضح انها حديدة حزام الأمان للكرسي الأمامي اليسار
واتضح ايضا انهم عاملين لها مشبك جانبي علشان لو
مش مستخدمة ماتخبطش في القايم
شوف يمكن تفيدك النصيحة دى
العبرية عندنا برضة فيها شوية اصوات
ياسر زوجى بيسمع الاصوات التالية
ونة الكاتينة
إرتفاع صوت المتور وإن شاء الله بيروح مع تغير الزيت
و كمان سامع الصوت اللى جاى من الشمال زى عند معاذ تقريبا وبيقترح إنه من الرجلاج بتاع ضبط إرتفاع الدريكسيون
الصوت ده كان موجود زيه فى الكورسا و الفيستا وبيقول دايما بيبان لما بيكون راكن فى الشمس والبلاستيك بتاع التابلو بيتمدد مع الحرارة, اما فى الشتاء الصوت بيختفى!
وهو مغير علبتين دركسيون فى الكورسا الله يرحمها وبيعرف كويس لما علبة الدركسيون بتبوظ!
بصراحة إذا كانت العربية فيها مميزات كتير فأحسن المميزات بالنسبة ليه العفشة
(على فكرة واحد صاحبنا عنده 207 وبيقول عفشة السيريون احسن بكتييييير)
والله أعلم :)
والله يا جماعه انتم كده خوفتوني من العربيه اللي كلها صوات
وانا بايع عربيت لانسر 99 عشان كان فيه اصوات غريبه ومش راضي اجيب مستعمل برده عشان خايف من الاصوات ووجع الدماغ ده اقوم اجيب زيرو عشان برده يطلع فيها اصوات ؟!!!!!!
انا يا جماعه عندي نفس الصوت بتاع الطقطقه الي في الشمال ده والمشكله انو بيزيد مع الوقت وغلبت مع التوكيل انهم يحلوه مفيش فايده
طلعت معاهم مرتين وجربوها والصوت طلع في المرتين لاني بقيت خبير في اني اطلع الصوت ده لاني بقيت اعرف بيظهر امتى هوا بالزبط بيظهر لما بتيجي مطبات صغيره متتاليه ناحية العجله الشمال
المهم التوكيل قالي ان الصوت ده طبيعي وانو ملوش حل
وقالي ان سبب الصوت ده ان علبة الدركسيون كهربا مش زيت وده بيكون في كل علب الدركسيون الكهربا
انا طبعا مش فاهم قوي وغالبا هما اشتغلوني بالكلمتين دول تقريبا والله اعلم
المهم لو وصلتو لاي حل للموضوع ده ياريت تقولولي
او لو عايز يا باشا نتفق على معاد ونروح التوكيل سوى معنديش مشاكل برضو
المهم انو مش طبيعي لان زميلي في الشغل معاه نفس العربيه بس خدتها منو في يوم علشان اتاكد من الصوت ده اني اعرف اطلعو مش راضي يطلع منها
كان نفسي اطلعو علشان استريح نفسيا واقول انو مش عيب وان دي حاجه طبيعيه بس مرضيش يطلع الصوت الوحيد الي طلع صوت صحبي كل لما البس بيها مطب علشان اطلع الصوت
خلاص يا هيثم باشا
ابعتلى على الخاص رقم موبيلك و نروح مع بعض
لأن على كلام واحد اعرفه هناك, انهم عرفوا العيب سببه ايه, و بيغيروه حاليا