سؤال للأخوة للمهندسين و العاملين فى مجال المولدات و معدات الطاقة

كنت عايز آخد رأيكم فى فكرة بتلعب فى دماغى من يومين ... دلوقتى أحد أقاربى عنده أرض صحراوية حيبدأ فى استصلاحها و الأرض لسة ما فيهاش مرافق فكنت بأتكلم معاه و كان بيقولى انه حيشترى مولد كهربا فى حدود 20 الى 30 كيلو ... لما بدأنا البحث على النت لقيت بعض الشركات الأوروبية بتصنع wind turbines للاستخدام التجارى فعجبتنا الفكرة جداً باعتبار انه حتى لو سعرها أعلى من المولد لكن أكيد تكاليف تشغيلها (من ديزل و صيانة و خلافه) حتكون أوفر بكتير ... و طبعاً قلت ان المنتدى هنا هو أفضل مكان أستشير فيه عن الموضوع دة ... سؤالى هو هل الـ wind turbines مجدية اقتصادياً فى تشغيلها مقارنةً بمولدات الديزل؟ هل فى وكلاء أو موزعين للمعدات دى هنا و عندهم خبرة فى التركيب و الصيانة؟ و أسعارها حتبقى فى حدود كام؟ وللا الأفضل اننا نصرف نظر عنها من الأساس و نجيب مولد ديزل طبيعى؟

يا جماعة محدش عنده فكرة عن الموضوع دة ولا ايه؟

والله يا أحمد كان نفسى أساعد بس ممكن تبعتلى رسالة على الخاص كمان إسبوعين تفكرنى ممكن أفيدك من والدى هو مهندس power بس مسافر ممكن يكون عنده خلفية فى الموضوع

النوع اللي بيتركب في الزعفرانة في مزرعة الرياح بتكون التربينة على برج إرتفاعه 60 متر البرج لوحده سعره فظيع
غير إن سعر التربينة عالي جداً

قد يكون هناك أنواع للإستخدام التجاري ضيق الحدود ولكن لا أعلم عنها شيء

على ما أعتقد ان المولد الديزل حيكون اسهله لان حجمه حيبقى اصغر وسهل الحركه والتنقل وبعدين محطات توليد الكهربا بالرياح ديه بتبقى فى اماكن معينه عشان يبقى فيها رياح على مدار السنه ويكون يالسرعه المناسبه لتوليد الطاقه وكمان المولدات اللى بتولد كهربا بتبقى تقنيه اعلى فبلاش منها اساسا

أعتقد أنه ممكن الإستفادة من المولد الديزل كمصدر قوى فى تشغيل أجهزة معينة أو مولد من طاقة الرياح
و الإعتماد فى الإضاءة و التسخين على الطاقة الشمسية و هى مطبقة غى إعلانات طريق مصر إسكندرية الصحراوى
و بذلك يوفر من إستهلاك الديزل لو إعتمد على مولد ديزل

هو الديزل اول اختيار وبعدكده الطاقة الشمسية واخر حل هو wind energy
انا دورت على النت شوية ولقيت فعلا ان فى توربينات للاستخدام المنزلى residential wind turbine ودى Rated Capacity بيكون فى حدود 15 kw
بس دى بتحتاج سرعه رياح اكبر من 10 mph
لو سرعة الريح قلت عن كده يبقى حتحتاج مصدر طاقة اخر للتعويض لان التوربينة مش حتنتج كهربا فى الحالةة دى يعنى حتحتاج مولد ديزل برده مع التوربينه وبالنسبة للبرج حيبقى فى حدود 40 متر ارتفاع
بالنسبة لتكلفة الانظمة دى بتبقى من 6 الى 22 الف دولار
وباقى التفاصيل حتلاقيها على الموقع ده
http://www.awea.org/faq/rsdntqa.html
ودى قائمة بالشركات اللى بتبيع التوربينات اللى من النوع ده بس طبعا ده فى بلاد بره يعنى الموضوع كيكون فى استيراد ووحاجات كتير معقدة شوية:oops:
http://www.awea.org/smallwind/smsyslst.html
الشركات دى بتقول ان التوربينات مجهزة للعمل لفترات تصل ل20 سنة بشكل متواصل بدون اى نوع من الانواع الصيانة او المصاريف.

جندي مجند أنا مش خبير ولا ليا أي علاقة بالكهرباء والهندسة بس والدي كيميائي وخالي كبير مهندسي شركة بترول أبوظبي وليه خبرة كبيرة جدا في موضوع المولدات وأبار المياه والبترول طبعا:)
المهم المقدمة ده كلها علشان أقولك بس إن شغل والدي الأساسي هو وخالي إنهم بيشتروا أراضي صحراوية ويستصلحوها وكده.وهما من النوع اللي بيحب ويموتوا في حاجة إسمها تكنولوجيا في الزراعة وبيحاولوا يطبقوها في الزراعة.وبعد أبحاث كتير وشغل بقاله 15 سنه إكتشفوا إن مفيش أحسن من مولدات الديزل في الموضوع ده.لو عاوز معلومات تفصيلية أكتر قولي وأنا أجيبلك اللي إنت عاوزه.
أنا بجد بقولك الكلام ده نصيحة لوجه الله لأن موضوع الإستصلاح ده مكلف جداااااااااااا والغلطة فيه ممكن تدمر المحصول كله لا قدر الله وخصوصا إن ده صحراء والزرع لو قعد نص يوم بس من غير ري ممكن ينشف.

ألف شكر لكل الردود الوافية دى ... كدة يبقى نلغى فكرة توربينة الهوا و نجيب مولد ديزل باذن الله و ممكن كمان معاه نستخدم خلايا طاقة شمسية ... ألف شكر مرة أخرى و جزاكم الله خيراً.

معلش يا جماعة على تعليقى
و لكنى لست متخصص فى هذا المجال و انما اسأل حضراتكم
---
زمان كنا بنستعمل دينامو على العجلة اللى بلعب بيها و كان لما بيلف مع الكاوتش بيولد كهرباء تشغل الفانوس الامامى للعجله
---
طب ما هو ممكن بدل ما الدينامو يلف بفعل الكاوتش اخليه يلف بالهواء
و اعتقد سرعة الهواء هتكون اكبر من الكاوتش
طب انا عارف هاتقولوا الكهرباء هتكون ضعيفه جدا
طب ما انا برضه مش هاستعمل دينامو عجله
المشكله هانخزن الكهربا اللى هاتطلع فيين
هل من الممكن اخلى الدينامو او المروحه ده تخزن كهربتها فى بطاريات "كبطاريات السيارة مثلا"
و استعمل البطاريات فيما بعد
انا عارف طبعا ان الحكاية دى خرجها مش قوى بس انا باخدها كحاجة مساعده بجانب الديزل

انا بصراحة بافكر اعملها فى فيلا لنسيبى بالتجمع و استعملها فى انارة السور و الحديقه كتجربه
و لم ازل افكر
اعتقد ان الموضوع متشابه
فهل ينفع

اقتباس:

---

المشاركة الأصلية كتبت بواسطة MTAK

طب ما هو ممكن بدل ما الدينامو يلف بفعل الكاوتش اخليه يلف بالهواء

---

ممكن وهذه هي فكرة تربينة الرياح

اقتباس:

---

المشاركة الأصلية كتبت بواسطة MTAK

المشكله هانخزن الكهربا اللى هاتطلع فيين
هل من الممكن اخلى الدينامو او المروحه ده تخزن كهربتها فى بطاريات "كبطاريات السيارة مثلا"
و استعمل البطاريات فيما بعد

---

أكيد طبعاً وهذا التطبيق مستخدم وموجود

اقتباس:

---

المشاركة الأصلية كتبت بواسطة MTAK

انا بصراحة بافكر اعملها فى فيلا لنسيبى بالتجمع و استعملها فى انارة السور و الحديقه كتجربه
و لم ازل افكر
اعتقد ان الموضوع متشابه
فهل ينفع

---

للأسف لن ينفع
لأن الموضوع السابق متاح في الإستخادم على مستوى تجاري وصناعي وقدرات عالية لأن تكاليفه عالية جداً وبالتالي يستطيع الحصول على جدوى إقتصادية

والمناسب لحضرتك هو فكرة الخلايا الشمسية ومعها بطارياتها فتكلفتها مقدور عليها بالنسبة لجدوى الإستخدام المنزلي

اقتباس:

---

المشاركة الأصلية كتبت بواسطة ahmed1981

والمناسب لحضرتك هو فكرة الخلايا الشمسية ومعها بطارياتها فتكلفتها مقدور عليها بالنسبة لجدوى الإستخدام المنزلي

---

الف شكر على الرد
و ارجو ايضاح اكتر حول تلك الخلايا
يعنى بكام تقريبا و منين و هكذا

Hi I just see your topic I work in the largest power generation company in the world for you the most efficient Diesel engine there is alot of technical factors that will take long to explain like maintenance cost, construction ..... so there is two brand name in egypt Cummins and Catterpililar ,

اقتباس:

---

المشاركة الأصلية كتبت بواسطة MTAK

الف شكر على الرد
و ارجو ايضاح اكتر حول تلك الخلايا
يعنى بكام تقريبا و منين و هكذا

---

كان من فترة نازل إعلانات لها في الجرايد
وسعر الوحدة كان حوالي 2000 جنيه
لكن لا أعلم قدرة الوحدة ولا مكان الشراء
المهم أن الموضوع ليس بالرخيص ومعقد بعض الشيء

اقتباس:

---

المشاركة الأصلية كتبت بواسطة HISHAM80

Hi I just see your topic I work in the largest power generation company in the world for you the most efficient Diesel engine there is alot of technical factors that will take long to explain like maintenance cost, construction ..... so there is two brand name in egypt Cummins and Catterpililar ,

---

ألف شكر و جزاك الله خيراً على النصيحة.