اولا هي عربيه اخويا عامله 11000 كم فقط...
العربيه من بعد ماشتريناها وهيا بحس ان تجميها ضعيف جدا...
روحت لتوكيل ابورواش والمهندس اللي هناك قالي هانغيرلك ماستر الفرامل علي الضمان ..
غيرو وماحصلش اي تغيير...
العربيه في المطالع بتبقي معاناه...
روحت للميكانيكي بتاعي قالي ممكن يكون البوجيهات تعبانه اللي بتنزل معاها...
مش عارف اسمع كلامه واشتريلها طقم ولا ايه ؟؟
انا اتخنقت اساسا من توكيل ابو رواش دة عشان عالم تعبانه قوي هناك..
المهندس بقوله العربيه بجيب بيها 140 - 150 مستريح جدا بس لما ببقي محتاج العزم اطلع من موقف مش بالاقيها معايا خالص... ركب معايا وساق ويقول ياعم تهيؤات دي زي الفل.. وانا اكتر حاجه تخنقني ان حد يقول كدة من حاجه انا متاكد منها...
هو بيسوقها لمدة 5 دقايق انما انا اللي سايقها وعارف اللي فيها ولما اقوله يشوف شكوتي سببها ايه مش يقول دي مفهاش حاجه...