مشكلة فى الالنترا على الطريق
من امبارح و المشكلة دى معايا
العربية ساعات و انا ماشى بيها بتعتل يعنى لما باخد ملف و خلاص بدوس بنزين عشان اكمل طريقى بعد الملف بلاقى العربية مش بتستجيب للدواسة
اقعد ادوس بنزين اسمع صوت الموتور بيعلى بس لكن العربية مش بتسحب هى ماشية بسرعتها بس لكن ادوس بنزين مش بتجرى و حتى الار بى ام مش بيعلى و بحس انها هاتبطل كانها عايزة تجرى و حد بيشدها من ورا و بعدين مرة واحدة تجرى عادى جدا
حتى فى مطالع الكبارى بعد المطلع ساعات بتخستع و ساعات لاء
بس المشكلة دى مش على طول يعنى ساعات تعملها و ساعات لاء و عديت على الورشة النهاردة اللى فى شارع السودان قلتله على المشكلة و طلعنا جربنا العربية مافيش حاجة حصلت قالى انا كدة مش هعرف لازم المشكلة تحصل قدامى
مش عارف دة وساخة بنزين ولا البنزين مغشوش
علما بان معاد السيرفيس لسة مجاش
حتى شكيت فى طرمبة البنزين قلت احتمال بعيد لانها بتدور معايا بسرعة مش بتتاخر
المشكلة كدة ممكن تكون منين ؟