دلوقتي معروض عليا تويوتا افنسيس موديل 2002 عامله 130000 فبريكه جوه ورشه حزام نضافه ماعدا الشنطه مطلوب فيها 95000 ايه رايكم في السعر ده حلو ولا محتاج يتبحبح شويه وشكراااا وايه رايكم صحيح في العربيه ده كقطع غيار وثبات وكده
عرض للطباعة
دلوقتي معروض عليا تويوتا افنسيس موديل 2002 عامله 130000 فبريكه جوه ورشه حزام نضافه ماعدا الشنطه مطلوب فيها 95000 ايه رايكم في السعر ده حلو ولا محتاج يتبحبح شويه وشكراااا وايه رايكم صحيح في العربيه ده كقطع غيار وثبات وكده
الافنسيس عموما مالهاش سوق في مصر
وعلى حسب ماسمعت انها بطلت تنزل ! بالتالي قطع غيارها هتبقى غالية ومش متوفرة
وطالما العربية راشة وعاملة 130000 كيلو ! ده كتير
انا من وجهة نظري لو عايز تويوتا السعر ده يجيبلك كورولا موديل 2006/2007 ! مانويل 1.6 ! او ممكن تلاقيها اتوماتيك 1.3 ! وهتبقى افضل كقطع غيار وصيانة وحتى لو حبيت تبيع مش هتخسر كتير
اما بالنسبة لسؤالك عن سعر الافنسيس فانا مش عارف بصراحة سعرها في السوق عامل ايه بس ادخل على الموضوع ده والاستاذ شريف هناك بيسعر العربيات
http://www.nilemotors.net/Nile/249687-a.html
دور على كرولا 1600 احسنلك بنفس السعر و130 الف كياو ورشه دى مش حاله تستاهل انك تجيب عربيه نادره
بص يا جمي ... هو صحيح انا بأيد الدكتور أحمد في الي قالو ... بس انا بختلف شويتين معاه في حته صغيرة ...
الافنسيس مصنع تويوتا لسه شغال منها زي الفل ... وبالنسبة لسعرها ... ممتاز ومعقول ، ده انتا حتى لو قستها كده بالمسطرة هتلاقي أبعادها أبعاد كورولا الجديدة من حيث الوسع والرحابة ... وال 95 دول ميجبلكش حتى النترا معفنة ... فتركب النترا كوري ولا اركب افينسس ياباني لا طبعاً الياباني افضل ... وكفاية كده وانت راكب وسايقها وماسك سجارة بايد والموبايل بالايد التانية ومشغل التكيف ... وماشي بيها بتتمخطر كده على الطريق .
بس الاهم انها متكنش متهانة ... وصحبها محافظ عليها . وتحياتي .