الموضوع: مغامرتي اليوم مع امان الشرق وضمان تراست و مركز القاهره اوتو

مغامرتي اليوم مع امان الشرق وضمان تراست و مركز القاهره اوتو
تبدا الحكايه اني كونت مامن مع شركة امان الشرق وكنت اشتريت الضمان وانا في مركز تكنوا وان
المهم الضمان خلص وقلت اجدد الضمان جبت كتاب الضمان واتصلت بالارقام لغاية مرد عليه رقم موبايل قلتله اني عايز اجدد الضمان اداني العنوان و الغريب اني لقيته بيدني عنوان تاني غير اللي مكتوب في كتاب الضمان – مش مشكله – روحت العنوان و طلهت لغاية الشقه لقيت مكتوب شركة تراسي لضمان العربيات الخليجيز
المهم رنيت الجرس دخلت قلتلهم اني جاي اجدد الضمان , رحبوا بيه شويه قالولي اتفضل علشان تقابل الشخص المساول.
دخلت مكتب قابلني شخص بوجه بشوش , قالي تحت امرك – قلتله اني جالي علشان اجدد الضمان بس ايه علاقة امان الشرق بشركت تراست اللي انا فيها ده؟
بدا الراجل بالكلام وعرفني على نفسه
قالي : احب اعرفك على نفسي , انا اسمي الاستاذ محمود السمان كنت مدير عام شركة AAA اول ما نزلت من الكويت لمصر وانا كنت اول مدير ليها اتعين لفرع مصر المهم بعد ما دخلت السيراتو بدأ الخليجي يجري انفصلت وكونت مع مركز تكنو وان شركه اسمها امان الشرق , وهي ده المعلومه اللي محدش يعرفها ان امان الشرق هو تكنوا وان .
وبعد فتره زادت الشكاوي من مركز تكنوا وان وان بداوا يعاملوا العملاء بطريقه مش كويسه وان بداو يتهربوا من تغيير قطع الغيار في الضمان , ولم يقف الموضوع عند هذا الحد ولكن المشكله الكبيره هو ان مركز تكنوا وان بدا يصر على عمل الصيانه عنده فقط وده كان سبب هروب كثير من العملاء من المركز ومن شركة امان الشرق فقررنا الانفصال ونزول الشوق مره اخرى تحت اسم تراست وقمنا بتغيير المقر وغيرنا ايضا كتيب الضمان .
اداني النسخه الجديده من كتيب الضمان الخاص بشركة تراست ولقيته هو نسخه طبق الاصل من كتاب امتن الشرق مع تغيير تصميم الغلاف فقط بس طريقة الترتيب وتوزيع المحتويات هيه هيه.
بدات اساله:
انا : طيب يعني من كلامك ضمان امان الشرق لسه موجود ولا انتهى ولا ايه ؟
أ/ محمود : لسه موجود بس من خلال تكنوا وان فقط
انا : فين المراكز اللي بتتعملوا معاها مش مكتوبه في الكتيب ؟
أ/ محمود : عندنا مراكز وتطلعلي لسته فيها مراكز كتير قالي ان بمجرد العميل يكلمنا بنرشحله اقرب المراكز ليه يختار منها او لو في مركز معين يختاره مفيش مشكله – وبعد كده بيطلع معاه مندوب من الشركه للمركز بدون مقابل لكي يطمان ان الصيانه تمت على الوجه الاكمل وان لو في عطل بسبب عيب صناعه منوب شركة تراست بيكون موجد بيحل الموضوع فورا.
المهم توكلت على الله ودفعت سنه حسبهالي ب 800 جنيه
وقالوالي تعالى نكشف على العربيه فحص كامل عند مركز متخصص في كيا فقط علشان يفعل الضمان
فين يا جماعه المركز اللي بتتعاملو معاه
قالي مركز اسمه – القاهره اوتو
اخويا ابو ليلي قالي ان في موضوع معمول عن المركز ده قبل كده بس دورة عليه وملقتوش
المهم فعلا نزل معايه مندوب وفعلا كشفت على العربيه و الحمد لله العربيه تمام
و بالنسبه للمركز بصراحه نضيف وهو معتمد من كيا EIT نفس banner كل العمال لابسين uniform بصراحه شجعني اني اروح اعمل الصيانه الجايه عنده – وفعلا اتصلت برقم خدمة عملاء كيا 19542 وسالتهم عنه وفها طلع مركز معتمد وهو قبل كوبري الجيش او تحته بالضبط قبل بنزينة شل .
ارجوا ان ادارة المنتدى تعمل زياره له وتشوف ايه حاله وممكن يفيد اعضاء المنتدى ازاي .
ارجوا اني اكون افدتكم واسف للاطاله .