الموضوع: عندى مشكلة رجاء المساعدة والرد السريع

حلوة دى ضمان الدسك والاسطوانة 1000 كيلو

على كدة ضمان الفتيس 500 كيلو
والموتور 200 كيلو

هم يبكى وهم يضحك

هكتبلك ياستاذmadf3 عن كل حاجة هتحصل معايا فى الموضوع ده لانى حاسس انه اضحك عليا وده مضيقنى اكتر من الفلوس ومستنى اعرف من الاستاذ عماد ايه اللى ممكن يحصل فى الموضوع بتاعى ده عشان اقيم التوكيل والسيارة معا . انا كنت من المرشدين اللى بيوجهوا الناس لشراء هذه السيارة لكن لاسف شكلى هغير رأيى وهبقى من المحذرين من التوكيل والسيارة وادارة الامل

اخوانى الاعزاء----الموضوع اخد شكل غريب جدا جدا----احنا كنا بنتكلم عن العطل اللى حصل وبنحاول نطمن صاحب العربية من خلال خبراتنا بسبب المشكلة --والراجل راح التوكيل ولقى الموضوع زى ما قولنا اسطوانة وديسك ما فيش داعى لكل اللى بعد كدة---طقم الدبرياج بيكون لية عمر فى الضمان ودة لسبب وهو ان العميل اللى اشترى العربية جديد وبيتعلم فممكن يحرق الاسطوانة بسرعة فى خلال1000كيلو ---ولو طبيعتة يريح رجلة على الدبرياج وهو سايق يحرق الاسطوانة---لكن على العكسمثلا الكارتة الخاصة بتشغيل السيارة اذا اصابها التلف خلال فترة الضمان ووجد ان صاحب السيارة لم يتعامل مع اى كهربائى خارج التوكيل فيقوم التوكيل بتحمل ثمن الكارتة وبدون حد اقصى للكيلو المهم ان فترة الضمان لم تنتهى وان العميل لم يعرضها لمياة و او قام بعمل توصيلات وتركيبات كهربائية خارج التوكيل نتج عنها تلف الكارتة------لكل شىء نظام يا اخوانى------واما فيما يخص الاستاذ/ عماد حبيب فاننى اوؤكد لكم من خلال تعاملى معة صدق اهتمامة بعملاء السيارة ويارب يقدر يساعد صاحب السيارة لكن المساعدة من خلال نظام الشركة لذلك اعذروة

انا بشكرك جدا اخىmad-f3 على اهتمامك وحرصك عليا وانا فعلا مضايق وهاخد بنصيحتك ياريت تدينى رقم المحل اللى انت قلت عليه. لحد دلوقتى محدش رد عليا رغم انهم اتاكدوا من الاسم انى غيرته عندهم وعرفوا المشكلة ولكن لاحياة لمن تنادى
اما بالنسبة لاخ العزيزmmmmgogommmفحضرتك عملت زى التوكيل وجيبت الغلط علطول من غير ماتعرف حاجة عن العطل ولا شفته حتى . لكن هما قبل مايشوفوا العيب يقولو اكيد عيب سواق زى مانت عملت بالظبط. وعلى علمك انا بسوق كويس كان عندى عربية فولكس بولو وكنت بعرف اسوق ههههه بطمنك بس. عموما ياستاذنا لاتحكم على امر يخصنى قبل ان تسألنى ولاتدافع عن جهة قبل ان تتخذ موقف ايجابى ملحوظ لانى لا احب الطبطبة دى وشكرا على سعة صدرك

انا بشكر الاستاذ عماد حبيب على اتصاله بى واهتمامه بالمشكلة . وفى انتظار حل المشكلة باذن الله على يده فى اقرب وقت وساوفيكم جميعا بحل المشكلة باذن الله. محمد شعبان