السلام عليكم
فيه شئ لاحظته أكثر من مرة ومش فاهمة إيه ده
لما أسخن العربية بألاقي نقط سوداء تحت الشكمان
يطلع إيه ده !!؟؟
عرض للطباعة
السلام عليكم
فيه شئ لاحظته أكثر من مرة ومش فاهمة إيه ده
لما أسخن العربية بألاقي نقط سوداء تحت الشكمان
يطلع إيه ده !!؟؟
العربية موديلها ايه و ماشية اد ايه ؟؟
بس غالبا بتنقط مية و ده معناه الموتور حالته كويسة
لكن لو زيت و ديه هيكون لونه مدي ع بني شوية معناها ان الموتور خف
ممكن بكرة ان شاء الله تسخني العربية و تشوفي الشكمان بالخنصر و تشوفي مية و لا زيت و لا زي هباب عشان نقدر نحدد و لو فيه صورة يبقي أوضح برده
العربية 2008
بس هي المية سوداء !!!؟؟؟
حأحاول أصورها
انا عندى نفس الموضوع بس بلاقيى الشكمان حدف نقط سودا كده على الارض وكامه نطرها بعده يجى بى 50 سم
لو لقيت ز ما لورد قال هباب كده ده من نوعية البنزين فعلا بيكون ردئ في ازمة البنزين الاخيرة حطيت بنزين مش تمام و اتفرج ع الهباب اللي نزل من الشكمان لدرجة كل مكان اقف فيه يعمل ورا العربية هباب في الارض لحد ما حطيت 92 نضف الليلة ديه كلها و كل حاجة رجعت تمام الحمد الله
انا بأحط بنزين 90
والله يااكسل حوار دة بس عندي لما باجي اسخن بس سؤال صبح او بعد عصر وانا مروح من شغلي
غير كدة وهيا وقفه عادي وسخنه مفيش حاجه بتطلع منهااا بس هوا فعلاكله نتاج خلط بنزين ومتاكد اذا فتحت العمه عند كربراتير هلاقيه هباب فحم ههههه ولازم ينتظف ممكن ربنا يسهل ونعمل حمله نظافه ليه نجيب علبيتن او 3 ونعمل حوار نظافه دة فى مقابله ايه رائيك يااكسل ((:
90 احيانا بيخلطوه بـ80
بس حضرتك لسه مقولتيش الللي لقتيه مية بتنزل و لا هباب زي الفحم و لا زيت
عامة لو اسود زي الفحم غيري البنزينة اللي بتحطي منها و و حطي من بنزينات كويسة زي وطنية
و خلي الميكانيكي ينضف فلتر البنزين و الثروتيل و يظبط الليلة ديه
و لو عايزة ميكانيكي اعرف برده واحد بنتعامل معاه محترم و عنده ضمير
عادي مع الرطوبة و درجة الحرارة المفروض بتنزل مية طالما المكنة سليمة فبسبب البنزين اللي ما شاء الله عليه انضف من الصيني بعد غسيلة هههههههه فبتنزل الهباب ده
و فكرة حلوة نعملها بس ربنا معاكم انا ليا قصة في التنضيف و وجع دماغ عشان انجيشكن و بستخدم منظفه :(
كان لازم اجيب عربية انجيكشن يعني ما كنت بنضف الكربراتير بنفسي و خلاص ههههههههه
تولا انا بحط بنزين 92 ودايما من بنزينه نضيفه والميه ده لونها اسود وانهارده حطيت ايدى فى الشكمان ولقيت بودره كده زى فحم المشكله انى استعمالى للعربيه خفيف اوى واحيانا بستخدمها مره كل اسبوع او اسبوعين وعشان كده مش بهتم بيها اوى بس ناوى اظبط فيها كتير فى الفتره الجايه عشان شكلها بقا عفش اوى
من 90 ل 92 مش كتير
اناافضل 92 مع انه غالى بس افضل
معلش بعد اذنك ممكن تبقي تشرحلى ازاى انظف الكربراتير ده سؤالى الاولانى اما السؤال التانى هو الصبح لما بدور العربية بينزل من الشكمان نقط سودا لمسافة نص متر تقريبا وبلاقى زى مية او زيت على حرف ديل الشكمان وزى مايكون هباب اسود المهم قولت اشوف دى مية ولا زيت من الملمس لقيتها غالبا مية بس لونها مسود مش عارف ليه معلش هو لو زيت اعرف منين تقلت عليك انا عارف بس ربنا مايحرمنا منك ومن كل واحد مابيبخلش بمعلومة
طالما مية يبقي متقلقش انت تفرح كمان هههههه بالنسبة الهباب زي مقولت نوعية البنزين مش تمام
الزيت هتلاقي زيت لونه بني و العربية تطلع دخان اسود يعني الموتور تعبان
و لما تيجي تنزل السوق مثلا لما يجي التاجر يبص ع العربية غير انه يسمع صوت الموتور بيشوف اذا كان بيرشح زيت في مخرج الشكمان او مخرج المكنة ع الهيدر عشان يحدد حالة الموتور
بالنسبة تنضيف الكربراتير نوع العربية عندك ايه ماروتي ؟؟ و لا غيرها ؟؟
و عامة اللي هيحصل كالآتي و بالنسبة انها اول مرة هقولك الطريقة السهلة
الادوات اللي محتاجها :
فوط - مفتاح لفك المسامير - منظف كربراتير و ديه علبة و طالع منها شاليموه و سعرها من 10-20 جنيه ع حسب النوع - زيت wd-40 و لو مش عايز خلاص بس هيستخدم في تزييت الاجزاء المتحركة
و اللي هتعمله كالآتي :
تفك العمة و تشيلها كلها بالفلتر هتلاقي تحتها الكربراتير
تجيب الفوط و تحطها حوالين الكربراتير و اي حاجة قريبة منه عشان المنظف ده لو نزل ع الصاج او اي جزء ممكن يبهدله ممكن قبل رش المنظف تزيت الاجزاء المتحركة في الكربراتير الخارجيه و ممكن لأ لو مش عايز بس يفضل عشان كده مأكدتش ع الزيت
و بعدين رش المنظف في الكربراتير نفسه بس حاجة بسيطة
و بعدين دور العربية بس ممكن تتأخر في الدوارة شوية ده عادي و بعدها شد سلك او دراع البنزين كأنك بتدوس بنزين جوة العربية لكن من الحوض و رش و انت داس بنزين عشان التنضيف و بعدين سيب البنزين يعني العربية تبقي ع السلانسية و رش تاني و بعدين سيبها دايرة شوية و بعدين اطفي العربية و نضف فلتر الهوا و ركب العمة و ركب فلتر الهوا و اقفل العمة و بعدين دور العربية و افضل ماشي بيها شوية حوالي 10 دقايق كبيرك ربع ساعة عشان المنظف يمشي في الدورة
و بعدها هتشوف العربية عاملة ازاي في السحب و استهلاك البنزين
اما الطريقة الصعبة انك تفك الكربراتير من العربية و تنضفه بالمنظف و الفرشة و نقعة و بلوة سودا هههههه فملناش دعوة بيها دلوقتي
و اي استفسار اتفضل :)
هيه تقريبا نقط مية بس مش نظيفة بتخرج من الشكمان والحمد لله ده الصبح بس بيحصل الكلام ده او مثلا لو راكن العربية يومين وجيت ادورها فى نص النهار تعمل كده وبعد كده مفيش حاجة الحمد لله عربيتي فليشيا 97 انا كنت قبل كده بفكر انى انظفه بنفسي انا ساعات لما بلاقى العربية واطية باعليها شوية من مسمار الهوا مش عارف ده صح ولا غلط شكرا لاهتمام حضرتك
هوا فعلا بنزين بس انا متاكد ان عندي كربراتير عندي عايز يتنظف لان نفس بنزينات اللى بمون منها
هيا هيا بس فترة الاخير كون مش بلاقي بنزين فاتلاقي حبه 90 ع 92 ع 80 ههههههههه عاملتها دماغ يعنى فارزاز دة بيطلع زي نص متر ورا كدة الاول كان ميه عاديه وبعيدن قلبت لسودة وبعيدها بقت بتعمل رزاز هههههههه
عادي يعنى هنضبطهالك هات منظف انت بس وملكش دعوة هنرجع بالمنظف وعربية ممم ممكن ترجع معاك وربنا يستر ههههههههههههههه
انا بحط 92 مش 80 عمرى ماجربت احطه ولا بفكر حتى احط 90 بس معلش سؤال تانى هو ليه مؤشر الار بى ام مش ثابت بعنى على السلانسيه على 7 ولما امشي اولانى وانقل على التانى الاقيه نزل لغاية 6 ورجع على تانى ده يبقي سببه ايه معلش انا طولت عليك انا كنت قلت العيب ده للميكانيكي قبل ماينظف الكربراتير وقاللى انه بعد التنظيف هيظبط ومحصلش حاجة جديدة معلش اسالتى كتير بس حضرتك كلك ذوق وبترد ومبتبخلش بمعلومة وشكرا ليك مرة تانية
باشا متقلقش نفسك
ده تمام وعادى جدا بل وهى اصلا ظاهرة صحية وبتأكد ان الماتور بخير
هى عندى من ساعة ما اشتريت العربية 2008 وبتبقى رازاز مايه خفيفة كده ولونها اكيد اسود طبعا
حاجة تانى انا طول عمرى بنزين 90 ولما سألت التوكيل قبل كده قالى الماروتى اصلا بنزين 80 بس مفيش مشكلة مع 90 وكويس على الماتور بس بلاش 92 عشان حامى
انا بقى بقالى اكتر من شهرين مفيش مرة ادخل فيها بنزينة الاقى 90 ده فطبعا بفول دلوقتى 92
حاجة تانى مرة فى ازمة البنزين اللى هى طبعا بقت موجود علطول دخلت توتال ملقتش غير بنزين 95 هههههه واقف قدامى جيب لاند كروزر وورايا جيب شيروكى وانا فى النص وبفول معاهم ههههههههه
فى البنزينة قالى هتحس بفرق على الاقل هينظف الكربراتير
انا بقى محستش بأى فرق غير انى مليت تقريبا نص التانك ب 50 جنية ههههههه
بس فى حاجة مشيت عليهم مسافة طويلة جدا بس مش فاكر بظبط اد ايه اللى فاكرة انى قعت اسبوع او اكتر عادى مش بحط بنزين