الموضوع: أستفسار فى بناء قطعة أرض و تحويلها إلى بيت و الفتاوى كتيـــــــر

الأساسات والأرضي فقط ممكن يتكلفوا أكثر من 200 ألف جنيه تسليح وخرسانة فقط ... بعد كدة كل دور تسليح وخرسانة حوالي 50... طبعا الأجور ضمن التكلفة ... لسة دايس في حوار زي ده على نفس المساحة تقريبا لجماعة أقاربي مسافرين في الخارج وكنت أنا اللي بظبط مع المهندس

المشاركة الأصلية كتبت بواسطة manola

فيه قطعة أرض لشخص قريب جدا منى و عايز يبنيها (بس أتعقد نفسيا) و سئل ناس كتيرة جدا من ضمنهم أنا لو حد يعرف هيدفع أد أية فى الموضوع دة عشان كدة انا بستفسر منكم بقى لانى وعدتة أننا أعرفله كام بالتفصيل الممل

الموضوع و ما فيه أن الأرض صافى بعد المرافق 160 متر
ناوى يعمل الدور شقة واحدة و الأرضى محلات
عايز يعمل الأساس كويس و يتحمل حوالى 8 أدوار و لكنه هيعمل الدور الأول بس و بعد فتره ممكن يعمل لأخواته

الناس قالت كلام كتير جدا لدرجة أن الكلام كله متناقض و ناس تقولة مرة التكلفة هتكون 80 ألف للأساس و المحلات و الدور الأرضى (طبعا من غير تشطيب) و ناس تانيه تقولة هتكون 300 ألف و الأختلاف كله بيكون على كمية المكونات عشان كدة أنا حبيت أعمله تقسيمه كدة للمكونات و أسعارها

طيب من واقع خبرات المهندسين هنا فى المنتدى و الأشخاص إلى بنت بيوت
1- الحفر تحت الأرض كام متر ؟ التكلفة ؟

لو هيعمل بدروم هيحفر 4 متر من الرصيف
لو مش هيعمل بدروم هيحفر واحد متر ونصف

2- كمية الحديد فى الأساس ؟
لو الاساسات لبشة مسلحة حوالي 15 طن
لو قواعدوشدادات 8 طن

3- كمية الأسمنت فى الأساس ؟

لبشة حوالي 45 الي 50 طن
قواعد 25 الي 30 طن
4- كمية الرمله فى الأساس ؟
70 متر مكعب رمل لبشة او 40متر مكعب قواعد
5- كمية الزلط فى الأساس ؟
ضعف كمية الرمل
6- أجور العمال فى الأساس ؟
بالمتر المكعب علي حسب المنطقة
___________________________________
7- كمية الحديد المستخدم فى عمدان المحلات ؟
8- كمية الأسمنت المستخدم فى عمدان المحلات ؟
9- كمية الرمل المستخدمه فى عمدان المحلات ؟
10- كمية الحديد و الأسمنت و الزلط و الرمل المستخدمه فى سقف المحلات ؟
11- أجور العمال فى صب عمدان المحلات و أجورهم فى صب السقف ؟
___________________________________
12- كمية الحديد المستخدم فى عمدان الدور الأول ؟
13- كمية الأسمنت و الرمل و الزلط المستخدم فى عمدان الدور الأول ؟
14- كمية الحديد و الأسمنت و الزلط المستخدمه فى سقف الدور الأول ؟
15- أجور العمال فى عماويد الدور الأول و سقف الدور الأول ؟

ياريت الردود تكون طبقا للأسئلة و تقولولى كام طن بالظبط لأن الفتاوى زادت أوى و كل مقاول أو مهندس أو شخص صاحبه حتى بيقول كلام غير التانى فنعرف الكمية بالطن و طبقا لأسعار اليومين دول يحسبها مع نفسه

الافضل ان يتم عمل التصميم المعماري والانشائي اولا وبالتالي يتم عمل مقايسة شاملة بها الكميات والحصر

المشاركة الأصلية كتبت بواسطة manola

طيب عمتا هو مش ناوى يعمل بدروم أو جراج تحت الأرض و الكلام دة كله
لأنه هيعمل الدور الأرضى محلات من ضمنهم محل يشيل فيه عربيته و محل تانى مفتوح على الدور الأول و الدور الأول كله مفتوح و الدور التانى شقة

بس عايزة أفهم أنا دلوقتى حاجة مهمه أوى
على أى أساس بيتم تحديد (أساسات اللبشه المسلحه أو القواعد و الشدادات)
لأن فيه حاجة أسمها جسه الأرض أو مجسه و دى تحليل التربه على الأساس دة ولا أية ؟

بصي حضرتك نسبة الحديد للاساسات في القواعد المسلحة بتكون من 80 الي 90 كجم للمتر المكعب خرسانة
وبتكون من 90 الي 100 كجم في المتر المكعب
بمعني اوضح لو مكعب الاساسات مثلا 100 متر مكعب
كمية الحديد ( لو قواعد وشدادات ) = 90 * 100 = 9000 كجم = 9 طن

والافضل ان يتمعمل جسات للتربة لانها بتساعد جدا في تحديد نوع الاساسات المناسب للتربة وبالتالي الوصول لتصميم اقتصادي وامن
يعني لو اجهاد التربة عالي بتكون الاساسات قواعد وشدادات ودة طبعا اوفر من اللبشة
و بالنسبه للتصميم هو راسم الأرض كلها (الأرضى - الأول المفتوح محل - الثانى و دا شقة) و كلهم مطابقين تماما فوق بعض لكن لسه مفيش تقسيم للعمدان على الرسمه دى , مع العلم أن فيه ناس أقترحت بما أن الصالة كبيرة يعمل حاجة أسمها كمر مقلوب جوة الشقة دى صح ولا غلط ؟

اللي هو عملة دة اسمة التصميم المعماري اما توزيع الاعمدة وحسابات الاحمال وتسليح البلاطات والكمرات دة اسمة التصميم الانشائي
وطبعا ما ينفعش كمرات مقلوبة في الصالة لانها هتعوق الحركة في الطابق الاعلي
واية استفسار انا تحت امرك