ارجوكم افيدونى دايهاتسو ميرا ولا برودوا كانشيل

اولا لازم اشكركم جميعا على كل الجهد المبذول فى مساعدة الاخرين بجد دة احسن منتدى متعاون شفتة فى حياتى
وبما انى بسأل ناس خبراء فى مجال السيارات الحقيقة انا ربة منزل واول مرة هشترى عربية وفى حدود امكانياتى لقيت عربيتين بقارن بينهم وهما دايهاتسو ميرا موديل 92 وبرودوا كانشيل موديل 99
عايزة اعرف ايهما افضل من حيث الصيانة وقطع الغيار واعادة البيع لعل وعسى ربنا يكرمنا واجيب اكبر واكيد طبعا فى تفاصيل تانية ممكن تنصحونى بيها انا مش عارفاها
ولكم جزيل الشكر
وتحيات محمد وسهيلة اولادى اللى نفسهم فى عربية جدا :embarrassed2::arghh:

ارجو من ادارة المنتدى نقل موضوعى للمنتدى العام لان مفيش حد رد عليا

من فضلكم

ولكم جزيل الشكر

السلام عليكم ورحمة الله وبركاته

احتراما لقواعد المنتدى سأرد برأى المتواضع جدا عندما يقوم أحد المشرفين بنقل الموضوع إلى ساحته الصحيحة

الموديل الأحدث أفضل
إذن فالكانشيلا أفضل

السلام عليكم ورحمة الله وبركاته

طيب طالما الموضوع لم ينقل لساحته المناسبة بعد فسأقوم بالرد هنا

طبعا بأؤيد باشمهندس أحمد فى رأيه أن الكانشيل أفضل لأنها أحدث

وأحب أن أضيف أن السيارتين محل السؤال: الميرا موديل 92 والكانشيل بجميع موديلاتها قطع غيارهما الخارجية والداخلية واحدة لإن البردوا هى النسخة الماليزية من الميرا وقطع الغيار متوسطة الانتشار وكذلك أسعارها متوسطة كذلك

وبالتالى فالمفاضلة بين سيارتين (هما أصلا نفس السيارة) لكن إحداهما موديل 92 والأخرى موديل 99 فتكون النتيجة لصالح السيارة الأحدث (طبعا مع اخذ الحالة العامة فى الاعتبار إذ يمكن أن تكون السيارة الأحدث حالتها أسؤ من الأقدم فى هذه الحالة فإن الحداثة لن تعنى شىء)

والسلام عليكم ورحمة الله وبركاته

انا اسفة جدا لعدم معرفتى التامة لقواعد المنتدى رغم حبى الشديد لة لأن دى اول مرة اشترك فى منتدى
واشكر جدا الاستاذ عزيز والاستاذ احمد لردهم على سؤالى وانا فعلا مكنتش اعرف ان السيارتين تقريبا موديل واحد
واكيد طبعا الافضل للأحدث بس انا افتكرت ان الميرا ممكن تكون فيها ميزات رغم قدم موديلها
اكيد اى حد بيشترى عربية لاول مرة حتى لو كانت صغيرة بيسأل كتير حتى لو الاسئلة فى وجهة نظر القارئ ممكن تكون ليس لها معنى لكن هى عند السائل تعنى الكثيير
وبجد بكرر شكرى للرد على سؤالى
شكرا :):)