مشكلة لمبة السيرفيس وحزام الامان , يرجى المساعده

**eng_gahmed** · 13-03-2012 01:16 PM

السلام عليكم
انا عندى ميجان 2005 , فيها كذا مشكلة يرجى الافاده لو تكرمتم
- لمبة حزام الامان دايما منوره والصفاره بتصفر مع العلم ان حزام الامان مربوط
- لمبة السيرفيس دايما منوره
- لما بدور العربيه بسمع صوت عالى جدا لمدة 5 ثوانى وبعين يختفى

جزاكم الله خيرا

**lol86** · 13-03-2012 05:07 PM

ديفيزر ده الصوت بتاع ال5 ثوانى والحزام تقريبا مكان التثبيت مش حاس س بتوكة الحزام

**midohits** · 14-03-2012 03:54 AM

الموضوع داه روح لأي واحد عنده جهاز الكشف بالكمبيوتر وهيفصل لك اللمبة والحزام

**Ahmed Selim** · 14-03-2012 06:15 AM

المشاركة الأصلية كتبت بواسطة midohits

الموضوع داه روح لأي واحد عنده جهاز الكشف بالكمبيوتر وهيفصل لك اللمبة والحزام

لو عمل كده مشكلة الحزام مقدور عليها و مشكلة هايفة

بس موضوع ترس الديفازر ده لو طنشه هيعمله مشاكل.

شوف حد يكشف على العربية و غالباً هتلاقى ترس الديفازر باظ و عاوز يتغير و هو ده اللى بيعمل الصوت العالى اللى عند الدوارة...........بيبقى صوت عامل زى حاجة بلاستيك بتتكسر.

**Ahmed Selim** · 14-03-2012 05:09 PM

المشاركة الأصلية كتبت بواسطة eng_gahmed

جزاكم الله خيرا ,
العربيه ماشيه 111000 كيلو متر وانا بقول اغيره مع سيرفيس ال 120 فهل ده هياثر على حاجه مع العلم ان انا تقريبا بقطع 6000 فى السنه
وياريت لو تطمونى عشان لمبة السيرفيس عشان انا شوفت على النت ان ده ممكن يكون مشكله فى الموتور

جزانا و أياكم

أنا بصراحة مش عارف مدى تأثيره

بس هقترح عليك تعمل حاجة تانية...........أعمل صيانة ال 120 دلوقتى و بعد لما تستلم العربية أبقى أخر كل صيانة بعد كده ألفين كيلو مثلاً لحد ما توصل فى صيانة ال 180 ألف فى معادها عادى.

يعنى الصيانة اللى جاية تكون على 123 و اللى بعدها 135 و بعد كده 147 و بعد كده 160 و تكمل 170 و 180 عادى

أو الحل التانى برضه تعمل الصيانة دلوقتى و تسعوض ربنا فى ال 9 ألاف كيلو الباقيين........و كل صيانة بعد كده تتعمل بعد 10 ألاف.....يبقى 121 و 131 و هكذا.
و الحل التانى ده أحسن لو أنت لسه معلمتش صيانة ال 110 ألف.