wpsk2
المشكلة فى علامة التعجب و ال ip
خلاص لاقيتها ماخدتش بالي من الصور بتاعة الراوتر
ومش شايف صور التشفير للاكسيسايه الجديده خلي الاتنين زي بعض الاول
ونمشي خطوه خطوه
A.Yakout
طب انا رايح الشغل حرجع على 11 ونكمل ... انا بقالى بتاع 6 ساعات
الاكسيس مكتوب obtain ip automaticly
انا لو اخترت ip للراوتر بيدينى تعجب و محملش حاجة
هل لازم ارجع ل setup الراوتر واكتبها
واخدها هى هى و احطها للاكسيس ؟؟؟
ولا كدة غلط
لازم يكونوا ip مختلفين ؟
ولو غيرت ال setup من الرواتر نفسة اللاب و الموبايل حى connect عادى برضة ولا ابة ؟
هى المشكلة فى اية اساسا !!!!!!!!!!!!!!!!!!!!!1
بص يا دكتور
روح شغلك دلوقت وبالليل هنتفاهم علي كل حاجه
علي اسوء الظروف هتنزل تيم فيور واظبطلك الاعدادات من عندي
A.Yakout
انا مش عارف انت وصلت لايه بس لو لسة في مشكلة
خليك معايا واحدة واحدة كدة ومن الاول
اول ملحوظة : لما تكون عايز تخليها ريبيتر لازم توصلها بكبل مش تدخل عليها من كونكشن الوايرلس
يعنى اعمل الاتى :
1- اطفى الوايرلس في اللاب توب خالص منعا لأي لخبطة
2- وصلها بالجهاز بكااااابل
3- المفترض ان الاي بي بتاعها 192.168.1.254 لو هو غير كدة او انت خليته غير كدة بس عارفه ، مش مشكلة .
4- ادخل على Network and Sharing Center و من على الشمال Change Adapter Settings
5- بروربرتز للكونكشن بتاع الكابل وادى نفسك اي بي في نفس الرينج بتاعها يعنى مثلا 192.168.1.2 ، الدى ان اس والجيت واى والحوارات دى كلها مش مهمة دلوقتى عشان لسة مش هنخش على النت ، واصلا هترجع الايبيهات لاوتوماتيك بعد ما تخلص ،،
6- هتفتح الويب براوزر بتاعك وتكتب الاي بي بتاعها وهتفتح معاك ( في الحالة دى مالكش دعوة بالعلامة الصفرا ولا الحمرا عشان مفيش نت وده طبيعى لحد دلوقتى )
7- انت عارف طبعا هتيجى عند الاوبشن بتاع universal repeater منين
8- هتختار universal repeater وقدامك حل من اتنين بعدها ، يا اما تكتب الماك بتاع الاكسس اللى انت عايز تقوى اشارتها لو انت عارف يا اما بكل بساطة تضغط على survey وهيعمل بحث عن كل الوايرلس المتاحة والماك بتاعتها ، اضغط عليها وهيكتب الماك بتاع اللى انت اخترتها لوحده ( ملحوظة : عشان الاكسس تشتغل ريبيتر كويس لازم تكون محطوطة في مكان داخل رينج الاكسس القديمة يعنى قبل ما تكون الاشارة اضمحلت تماما عشان الريبيتر تعرف تولد الاشارة تانى لمسافة ابعد )
9- احفظ الاعدادات وريبوت الاكسس بوينت ورجع ايبيهات كونكشن الكابل لاوتوماتيك او زي ماكانت
10- افصل الكابل و افتح زرار الوايرلس في اللاب.
11- ظبط ايبيهات كونكشن الوايرلس كما لو كنت متصل عادى بالنت الاصلى بدون ريبيتر ( يعنى لو اوتوماتيك اوتوماتيك ولو ليك اي بي معين اكتبه زي ماهو وكل التفاصيل التانية )
12- القط الشبكة و اعمل كونكت ولاحظ نفس الشبكة القديمة بنفس الاسم ولكن بإشارة اقوى .
وبسسسسسس
ملاحظات كدة على الماشى
لما تعمل الاكسس ريبيتر ، ريبيتر ده يعنى ما بيفهمش اي حاجة لا في السكيورتى ولا في الايبيهات ولا اي حاجة
بيفهم في الماك بس وبياخد الاشارات اللى طالعة من الاكسس اللى الماك بتاعها كذا ويقويها زي ما هى ، لا بيفك تشفير ولا بيتدخل في ايبيهات ولا بيغير اسم الشبكة ولا بيعمل شبكة جديدة ولا اي حاجة من دى ..
يعنى من الاخر كدة الريبيتر ده حافظ مش فاهم :D
ولما هتشتغل ريبيتر الاكسس بوينت مش هيبقى ليها اي اي بي ولا اي كيان داخل الشبكة كأنها اصلا مش موجودة
هتكون transparent يعنى
ومش هتعرف تدخل عليها تانى الا من الكابل
يعنى الايبيهات دى بتتظبط عشان كونكشن الكابل او لو شغالة اكسس بوينت عادية مش ريبيتر
اسف للاطالة ويارب يكون شرحى واضح ويشتغل كويس معاك . .
ممتاز طبعا بس ليا تعليق علي النقطه دي
دلوقت الاي بي بتاع الاكسيس لازم يكون الجيت بتاع الجهاز والا مش هيقراه وهيديله error
ممكن الدي ان اسات فعلا ملهاش لازمه لاكن الجيت واي مهم
وعلي فكره في اكسيسات وهيا جديده صباح التهييس وبتحتاج ابديت فيرموير وبعد الابديت بتشتغل زي الفل
A.Yakout
اية الكلام الجامد دة ماشاء الله
اول مااروح حظبط الخطوات واقولكم
انا من على الموبايل دلوقتى
والله حاجة تفرح :))) مصر عامرة بأهلها والله
الجيت واى ضرورية بس في حالة انى هدخل على النت
بمعنى ادق لما اطلب اي بي خارج شبكة 192.168.1.0 يقوم الجهاز باعت الطلب للجيت واى وهى تتصرف
انما طالما انا والاكسس بوينت في شبكة واحدة ومش هدخل على شبكات تانية وهدخل عليها هى بس عشان الكونفيجيوريشن مش محتاج ديفولت جيت واى خالص
كأنى بوصل جهازين عاديين مع بعض بكبل عشان اعمل شير او انقل فايلات مثلا
وممكن تجربها لو حبيت تتأكد