نسيت اقولك لما تختار ربيتر بيديك اوبشن انك تعمل بحث للشبكة وبعدين تختار وحدة من اللي لقيهم. وطبعا لو مشفرة هيطلب منك الباسوبعدين سيف
نسيت اقولك لما تختار ربيتر بيديك اوبشن انك تعمل بحث للشبكة وبعدين تختار وحدة من اللي لقيهم. وطبعا لو مشفرة هيطلب منك الباسوبعدين سيف
عملت ريستارت للراوتر
و ريسيت للاكسيس
وعدت كل حاجة من الاول
ومعمول rpeater
ولاقط كدة 2 شرطة بس (poor) و احيانا (fair)
كدة يابشمهندسين العيب من الجهاز ولا الماركة ولا التظبيتات ولا هو ضعيف ولا اية ؟
حاجة تاني كل الشغل المكتوب دة متوصلش الاكسيس بالسلك خالص خلي عملية الضبط وايرليس
متغيرش الايبي دلوقت
بص يادكتور لما بتختار ربيتر بتعمل سيرش عن الشبكات ولا لا
Static IP to Dynamic IP
انا عملت اللى قولتة لحد
ريبيتر و ريستارت
والنت اشتغل سبحان الله الاول كان بيعمل علامة تعجب بس يمكن عشان اللعب اللى عملناة فية قبل كدة غير ip بتاعة اوتو ومفيش كونفليكت
دلوقتى مش عارف ادخل علية ادخل على ال setup يعنى بيحمل ويقول error
>>>
حجرب كدة قوة الاشارة واشوف
انا قولتلك خلى خطوة تغيير ال static ip to dynamic اخر وحدة
علشان مجرد متعملها مش هتقدر تدخل على اعدادات الاكسيس تانى غير لما تعمل ريست بدبوس
البتاع دة شكلة سكة
برضة لاقط شرطتين بس
مش فاهم اية دة ؟؟؟
طب اعرف منين انة شغال ياجماعة ؟؟؟ اللمض منورة عادى
بس هل ممكن يكون عيب انتينا او حاجة كدة
جاوبنى واحددة واحدة
بتوصل الاكسيس بالكمبيوتر سلك ولا وايرلس
بعد ما بتختار ربيتر بتدوس على survey ولا لا
انا شاكر
ليكم جدا
يارب يكرمك وينجحكم يارب
احنا ندخل ننام بقى ونحاول مع البتاع دة بكرة تانى بقى :))))
تصبحوا على خيييير :)
هو النت شغال ممتاز
اخترت ريبيتر و survey
و اختارت dynamic وعمل ريستارت والنت شغال و الشبكة بتاعت tp اختفت الحمد لله
اللى مذعلنى ان الاشارة فى اخر اوضة مازالت شرطتين ودى مش بتقوم نت
عايز الحلاوة
تدفع اللى عليك الاول وانا اخليك تقويه
ههههههههههههه
طب قول يابشمهندس دة انا من امبارح بليل ومحتاس
على فكرة انا مش مهندس انا تبع نفس الكار بتاعك
الصبح دكتور فى الضهر صيدلى على المغرب ممرض وساعات طبيب شرعى
لا يا راااجل ... امال انا ضايع فى الكمبيوتر كدة لية !
البتاع دة في منة امل ولا اى كلام ؟؟!
انا مستخدم الاكسيس دى حاليا وبكلمك منها زى الفل ... انت مش بتقول اشتغلت !!
جزاك الله كل خير ... حجرب بكرة واقولكم
مش عامل اى فرق معايا نهائى خااالص
بدل ما كانوا شرطتين بقم 3 بعدية و ليميتيد اكسس
يأما انا مظبطوا غلط
مفيش اى طريقة ازود بيها السيجنال غير الريبيتر دة :(
بقلك ايه يا دكتور شهدي
بعد كل المحاولات دي حضرتك أعتقد ناقصك فقط تمسح اعدادات الشبكة القديمة من جهازك و تعمل كونكت من جديد ازاي
تضغط علي الكونيكشن تحت هيفتحلك صفحة تضغط علي
open network and sharing center
و بعد ما تفتح هتلاقي عندك علي الشمال manage wireless network
هتدخلها و هتلاقي فيها الشبكات اللي اعداداتها نازلة بالفعل عندك تمسحها تقف علي الشبكة بتاعتك و تعملها remove
وبعدين تعيد اتصالك مرة أخري بالشبكة الجديدة اكنك لسه منزل ويندوز جديد
جرب كده وربنا يسهل و تشتغل معاك
و هدرو و احاول اساعدك لو لقيت حاجه
م/ ايهاب :)
عملت كل حاجة ... بس واضح ان فى حاجة مش تمام
لكى نعيد الاوراق بالترتيب :
1- عملت ريست وحطيت الاكسيس عند اخر اضعف اشارة فيها الاب شغال كويس 3 شرط
2- ثبتة فى مكان عالى
3- رحت الاوضة البعيدة وعملت سيرش لقيتة لاقط الاكسيس full signal انا قلت عشان اتأكد ان لة اشارة
4- رجعت ظبطت التظبيطات
repeater
وظبط الماك ادريس نفس بتاع الراوتر ومفيش كونفلكت والنت شغال تمام و اتاكدت ان الاكسيس لاقط اشارة 32db من الراوتر
5- رحت الاوضة البعيدة مفيش اشارة ... مع ان الاكسيس فى الاعدادات كاتب repeater للراوتر بتاعى !!
اذاى بقى !! اذا كان انا كنت لاقط الاكسيس فول سيجنال جوة قبل التظبيط كان لاقطها تحت اسم tp-linkXXXX
والاكسيس واصلة اشارة كويسة من الراوتر
يعنى المفروض القط جوة اشارة الاكسيس الفول سيجنال بس تحت اسم شبكتى
حتجنن !!!
دكتور شهدي
انا ركبت راوتر وايرلس كأكسيس بوينت و لكن مصدر الانترنت من سلك و ليس وايرلس
عملت ايه :-
1- عرفت الراوتر الأساسي اللي مش وايرلس بيدي الشبكة ايبيهات ايه يعني مثلا يعطي من 192.168.1.1 الي 192.168.1.254 تمام كده
2- دخلت علي اعدادات الراوتر اللي هشغله فقط كأكسيس بوينت و لغيت ال dns يعني لغيت انه يعطي ايبيهات و اديته ip من احد الأرقام اللي بيديها الراوتر الأساسي مثلا 192.168.1.60 و عملت اعدادات السيكيوريتي للوايرلس عليه و وصلت بينه و بين الراوتر الأساسي بكابل شبكة عادي تمام
بقيت أشوف الشبكة الرئيسيه للراوتر الأساسي و السيرفر اللي راكب عليه و بقية الأجهزة و أكن الأكسيس بوينت هي وسيلة لنشر الشبكة الوايرلس فقط تمام كده
لو أمكن لك انك توصل الأكسيس بوينت دي بكابل مع الراوتر و تعلمها كوفيجيوريشن كأنها وسيلة لنشر الشبكة الوايرلس فقط و الغي الوايرلس مبدئيا من الراوتر و المفروض تكون اشارتها اقوي بكتير من الرواتر لأنها أقوي منه
جرب و ربنا يسهلها و شوف لأن التجربة دي مش هتاخد منك غير دقايق
ان شاء الله اول ما اروح حجرب تانى
الف شكر لك مهندس/ ايهاب
:)) اتمنى بس يكون مجال الاكسيس اعلى من الراوتر
دكتور شهدى
انا هريحك - بس فى الاول لازم اقولك هى لية مدية معاك ليميتد ..ببساطة طول مانت سايب ال ip static عمرك مهتاخد نت لازم تحولها dynamic ip
بص يادكتور انا ممكن ابعتلك ملف باك اب ليها تعملة ريستور هيضبطلك النت بس عليك بعد متعمل ريستور تختار ربيتر تانى وتدخل شبكتك وباسوردها لانى طبعا معرفش بياناتهم اوك؟؟
او ممكن تستخدمها كاكسيس بوينت هتبقى اقوى من اشارة الراوتر الوايرلس ماعليك الا انك توصلها بسلك بالراوتر وتدخل علىطول لان الاعداد الافتراضى اكسيس بوينت
والله ياجماعة انا رميتلهاسلك وشغلتها اكسيس بوينت و خلصت انا مش عارف ارد تعبكم معايا اذاى .... الف شكر بجد وربنا يجعلة فى ميزان حسناتكم
مشكلتى كانت زيك بالظبط
وعملت زيك بالظبط فى الاخر
وصلت الاكسيس من الدور التالت للروتر فى الدور الاول بسلك..وريحت نافوخى
م/ايهاب .... الحمد لله .... الأشارة اقوى من الراوتر و مغطية الشقة تقريبا المشكلة فى الأسلاك اللى ماشية فى الأرض!!! بس الحمد لله كدة أحسن كتيييير متشكر لذوقك و تعبك جدا
aamd بعد 3 أيام محاولات مع الريبيتر وفشل ذريع .... الحل انك ترميلها سلك و فى 30ثاية كل شئ اتحل !
استفسار صغير - Acess point ممكن يزود رنج الاشارة لمسافة قد إيه - "نص قطر يعني"
علشان شقة أخويا بيني وبينها أقل من 400 متر ومنطقة فاضية - فهل ممكن حاجة زي كده تخلينا نربط مع بعض على نفس الشبكة -
انا عندى 3 access point .. مفيش احسن من انك تعمله wired لكن الـ repeater دا موضوع فاشل فى رأى