الموضوع: مرور فيصل

المشاركة الأصلية كتبت بواسطة well12m

النصائح بالرشاوى ما شاء الله استحمل واقف وبلاش تغضب ربنا وتفسد الناس اكتر ما هما مفسدين كل حاجه الفلوس روح المرور واطلب حاجتك بأدب وبدون ما تدفع حاجه لحد وللى مايعملكش حاجتك روح على مدير المرور اشتكيله طالما ان ورقك سليم

عملنا ثورة ضد الفساد وانتوا بتشجعوا الناس عليها

حضرتك رحت هناك قبل كده ؟؟
انا مش بنتقدك ؟؟ انا نفسي في اللي انت بتقوله ..بس في مرور فيصل مستحيل

انا تجربتي مريره .. وضيعتلي يومين لحد اما خلصت تاني يوم
عموما دي مش رشوه و الله اعلم .. السكك كلها مقفوله و انت بتدفع للمخلصاتيه
اللي هما مجندين تقريبا ..
و بالتوفيق

المشاركة الأصلية كتبت بواسطة ahmedeihab

هتلاقى عيال وقفه بره
بيقولك تخلص يا بيه و الكلام ده
اسأل على رضا سراج
قوله انا جايلك من طرف احمد ايهاب
هيخلصلك الورق فى نص ساعه كله على بعض
و ابقى راضيه فى الاخر
علشان هى ماشيه عندنا كده فى المرور بتاع فيصل
انا كنت لسه بجدد جددت فى نص ساعه كله على بعض
بلطريقه دى و رضا ده صاحبى و عيل جدع اوى و رجوله
^_^

باشا ماتخدمني و تبعتلي تليفون رضا عل الخاص علشان انا عندي تجديد الشهر الجاي و ماعنديش رصيد اجازات لليوم المكفهر ده
و يا ريت تقوللي نظامه ايه ؟ اناهااجدد برضه - يعني هااكشف عل المخالفات
و ياسلام لو توصيه ...ههههه
و شكرا ياباشا

بلاش رشاوي إلا لو مضطر

بلاش رشاوي إلا لو مضطر

لو هتجيب شهادة مخالفات النيابة جنب المرور على طول بس قبل ماتروح النيابة هتشترى نموذج من الاكشاك اللى هناك زتقدمة فى الشباك علشان يكتبلك رقم السيارة القديم (رقم اللوحة قبل نظام الترقيم الجديد)وتروح النيابة تديهم الرخصة والبطاقة والنموذج ده وانت واقف هتعرف لو عليك مخالفة او مفيش وبعدها هينادى عليك وتاخد الشهادة يعنى حوالى ساعة وتخلص الشهادة وعلى فكرة انت لما هتطابق البصمة مش حترفع بصمة ولا ليك علاقة بالمهندس فى مرور فيصل انت هتجيب نموذج الفحص من عندك وعليه البصمة هو هيطابقها فى الشباك ويكتب انها مطابقة وهتروح تختمها من مكتب رئيس المرور