ممكن حد يقوللى مكان مرور فيصل بالظبط فين؟؟؟
عايز أنقل الملكية ومحتاج أروح أطابق بصمة فى مرور فيصل الأول
ويا ريت حد يطمنى ويقوللى انه مش زحمة والدنيا رايقة هناك
عرض للطباعة
ممكن حد يقوللى مكان مرور فيصل بالظبط فين؟؟؟
عايز أنقل الملكية ومحتاج أروح أطابق بصمة فى مرور فيصل الأول
ويا ريت حد يطمنى ويقوللى انه مش زحمة والدنيا رايقة هناك
المرور تحت كوبرى فيصل لو انت جاى من الجيزة اول لما تنزل من الكوبرى تدخل اول يمين فى يمين وتمشى تحت الكوبرى هتلاقيه
من ناحية المرور بقة احب اطمنك انت هتشوف يوم مشفتوش فى حياتك :d
بس ربنا يسهلك الامور ان شاء الله بس تكون هناك من قبل 8 الصبح علشان تحجز دور لو فحص بصمة والكلام ده
هتلاقى عيال وقفه بره
بيقولك تخلص يا بيه و الكلام ده
اسأل على رضا سراج
قوله انا جايلك من طرف احمد ايهاب
هيخلصلك الورق فى نص ساعه كله على بعض
و ابقى راضيه فى الاخر
علشان هى ماشيه عندنا كده فى المرور بتاع فيصل
انا كنت لسه بجدد جددت فى نص ساعه كله على بعض
بلطريقه دى و رضا ده صاحبى و عيل جدع اوى و رجوله
^_^
تمام اوى
طيب انا بطابق بصمة........يعنى هكون جايب معايا ورق من مرور الزقازيق..وتقريبا هيمضى عليه موظف من مرور فيصل بعد ما يتأكد من مطابقة الأرقام للموتور والشاسيه....هل انا أدي لرضا سراج الورق وهو يتعامل وأستناه لما يخلص..........ولا ايه
والمراضية بتبقى بكام.......يعنى عشراية حلو ولو شوية فى موضوع البصمة ده
والف شكر ليك يا باشا
لو انت جاى من الزقازيق اسهل طريق تطلع الدائرى لغاية نزلة صفط اللبن وقبل النزلة تاخد محور صفط وتنزل نزلة فيصل تطلع الكوبرى وفى النزول خد اول يمين وترجع منتصف الكوبرى هتلاقى المرور موضوع البصمة مش هياخد وقت كبير يعنى بتاع ساعة هياخد منك رقم العربية ويبعت يجيب الدوسية ويطابق البصمة ويكتب الكلام ده فى النوذج اللى معاك لكن انا ديما بحب اريح نفسى هين قرشك وبلاش منها وقفة على الشبابيك والكلام ده
ألف شكر يا باشا على الوصفة الجامدة دى
طيب انا عربيتى مفيمها ورا تقيل...وف الجناب خفيف
هل مهندس الفحص اللى فى مرور الزقازيق هيرخم ...ولا أشيله قبل ما أروح.....ولا ممكن ما يدققش؟؟؟؟
انا نسيت انى لازم أجيب براءة زمة......هل موقع المخالفات لو بيقول انى مش على مخالفات ...يبقى أكيد مش هدفع حاجة......ولا هلاقى مفاجآت؟؟؟؟؟
لالالالالالالالالالالا شيله علشان لو دخلت بيه المرور لانها اتعملت مع واحد كان مفيم و انا واقف
قاله عندك مخالفه فاميه قاله يا باشا هشيله
قاله ادفع المخالفه و بعدين شيله و على فكره الكلام ده عند مهندس الفحص
فا خلى باااااااااااااااااالك اوعا تدخل المرور بعربيه عليها فاميه
^_^
النصائح بالرشاوى ما شاء الله استحمل واقف وبلاش تغضب ربنا وتفسد الناس اكتر ما هما مفسدين كل حاجه الفلوس روح المرور واطلب حاجتك بأدب وبدون ما تدفع حاجه لحد وللى مايعملكش حاجتك روح على مدير المرور اشتكيله طالما ان ورقك سليم
عملنا ثورة ضد الفساد وانتوا بتشجعوا الناس عليها
اة نسيت اقولك ابعد عن ايام السبت والاحد فى المرور
حضرتك رحت هناك قبل كده ؟؟
انا مش بنتقدك ؟؟ انا نفسي في اللي انت بتقوله ..بس في مرور فيصل مستحيل
انا تجربتي مريره .. وضيعتلي يومين لحد اما خلصت تاني يوم
عموما دي مش رشوه و الله اعلم .. السكك كلها مقفوله و انت بتدفع للمخلصاتيه
اللي هما مجندين تقريبا ..
و بالتوفيق
بلاش رشاوي إلا لو مضطر
بلاش رشاوي إلا لو مضطر
لو هتجيب شهادة مخالفات النيابة جنب المرور على طول بس قبل ماتروح النيابة هتشترى نموذج من الاكشاك اللى هناك زتقدمة فى الشباك علشان يكتبلك رقم السيارة القديم (رقم اللوحة قبل نظام الترقيم الجديد)وتروح النيابة تديهم الرخصة والبطاقة والنموذج ده وانت واقف هتعرف لو عليك مخالفة او مفيش وبعدها هينادى عليك وتاخد الشهادة يعنى حوالى ساعة وتخلص الشهادة وعلى فكرة انت لما هتطابق البصمة مش حترفع بصمة ولا ليك علاقة بالمهندس فى مرور فيصل انت هتجيب نموذج الفحص من عندك وعليه البصمة هو هيطابقها فى الشباك ويكتب انها مطابقة وهتروح تختمها من مكتب رئيس المرور
ألف شكر ليك يا باشا على ردك.....انا للأسف ماكنتش أعرف ان رفع البصمة بتبقى فى مرور الزقازيق...مش مرور فيصل....ورحت النهاردة مرور الزقازيق ...وللأسف بيخلصوا رفع البصمة الساعة 12 .....هروح بقى ان شاء الله بكرة.........ويوم الأتنين هروح فيصل وأكمل مشوار الألف مييل
نفسى بقى البلد تتظبط والحاجت دى تبقى أسهل من كدة........وتتعمل من على النت....والبلد تنضف بقى والروتين ده ينتهى
بس انا مضطر أعمل شهادة البيانات عشان الرخصة هتنتهى يوم 17 مارس......فا هعمل واحدة وانا هناك......
بس هل هيبقى شباك واحد هقف عليه واطلب شهادة البيانات ومطابقة البصمة؟؟.........ولا دا شباك ودا شباك؟؟؟؟