‘إعادة أمتحانات جميع رخص القيادة قريباً ؟؟؟

**Ahmod** · 13-03-2012 06:13 PM

معلش يا باشا اسمحلي الاسئلة مش بسيطة كدة زي مانت متخيل ! اسال مجرب بقى

انا دخلت الامتحان ده تلت مرات ! وفي كل مرة بسقط !

اول مرة دخلت امتحان السواقة نجحت قالولي اطلع امتحن اشارات قلت بسيطة وفرحت وقلت ده الناس بتخوفنا ليه مالدنيا حلوة اهي وزي الفل !

جبت الورقة بتاعة الاشارات وحفظتها دخلت !

مش عايز اقولك طبيعة الاسئلة اللى ماتفهمش منها هو عايز ايه ؟ ؟

مثلا سؤال :

لو انت ماشي في طريق غير ممهد وفيه مطبات تعمل ايه ؟

ترجع لورا وتغير طريقك ؟
تكمل وتمشي عليه براحة ؟
تدخل شارع جانبي عشان تتفادى الشارع المكسر ؟؟

طب المفروض انا ارد اقوله ايه ؟ ؟ وكلها اسئلة مستفزة تعتمد على كل واحد وتصرفه واكن الاجابات كلها صح ! طب ماممكن واحد يقولك هكمل فيه براحة وواحد يقولك هدخل شارع جانبي عشان اتفادى الشارع المكسر ؟ فين الصح ! ؟

المهم سقطت وقالي تعالى كمان 3 شهور قلت ماشي

رحت كمان تلت شهور وانا مذاكر بقى تمام التمام وقلت هنجح المرة دي ان شاء الله وبرضوا سقطت ! !

المهم سالت هنا وهنا قالولي فيه كتاب تبع المرور جيبه وذاكره وادخل هتنجح ! رحت اشتريت الكتاب وقعدت اذاكر بقى واحفظ وسبت مواد الكلية وبذاكر في كتاب المرور !

لحد معاد الامتحان رحت واقف بقى مستني وقدامي طابور ماشاء الله ! كل واحد يدخل خارج ساقط ! مافيش ولا واحد نجح ! ! وكل واحد يسقط ويطلع مضايق اقوله بص جيب الكتاب ده وذاكره وهتدخل تنجح ان شاء الله

لحد ماجيه الدور عليا <<< داخل بقى واثق من نفسي !

دخلت سقطت بنسبة اقل من اللى كنت بجبها قبل كدة ! ! قلي ده يبقى اسمه ايه ؟ ؟ ؟ طبعا بعيدا عن البهدلة والقرف والوقفة من 8 الصبح وفي الاخر تلاقي الامتحان الساعة 1 الظهر ! بصراحة قمة في قلة الادب وعدم الاحترام !

وفي الاخر كلمت واسطة وطلعت الرخصة وانا قاعد في مكتب وكيل النيابة !

**hazemhassan** · 13-03-2012 07:28 PM

والله يا جماعةانا عنيت من المرور بتاعنا السلام الله يحرقة ويكون الموظفين جواة عشان يموتوكلهم ونرتاح منهم
اربع مرات واسوق كويس جدااا ويسقطتنى لحد ما جبت واسطة والله قبل الناس كلها عملت الرخصة ومشيت وكان لسة الناس مانزلتش تمتحن فى البروفة
بس لو يعيدوالامتحانات يا اهلا وسهلا ميت فل ابسط حاجة ان الشوارع هتقل من البهايم اللى بتسوق
بس دة من رابع او خامس المستحيلات

**Sehsss** · 13-03-2012 07:38 PM

واسطة طبعا.. ههههههههه

**sakr_skoda** · 13-03-2012 08:58 PM

ههههههههههههههههه كل دا ومابتعرف توقع!!!!!!!!!!!

**graffittiii** · 13-03-2012 09:31 PM

معلش سؤال جانبي ؟؟!!
هو في حد بيمشي برخصة ؟؟؟!!!
سؤال تاني بقي ؟؟!!
هو في عربية عليها نمر ؟؟؟!!!

لو كانت الإجابة أيوه يبقي في سؤال تالت :
العربيات اللي برخص وعليها نمر دي موجودة ف مصر ؟؟؟!!!
.

**yoko** · 13-03-2012 09:35 PM

أنا طلعتها بواسطه عشان أول مره سقطت رخامة
العسكري وقفلي جوه الإمتحان وقالي يا تاخد الملف على الضيق يا تروح بيتكم وتيجي كمان شهر وانا كنت ب128 فطبعا سقطت
الضحك بقى إن كان بقالي 3 سنين بسوق برخصه رسمي في السعوديه وما أدراكم إمتحان السعوديه في الرخص عامل إزاي خصوصا إني لما إمتحنت كنت تحت السن (من حق الإبن الأكبر يطلع الرخصة من 17 سنه غير كده بيطلعها 19 أو 20 مش فاكر)
يعني كان بقالي 3 سنين بسوق وقبلها 5 سنين من غير رخصه!!!!

-

-

-

-

مشاهدة نتائج الإستطلاع: كيف قمت بأستخراج رخصة القيادة (بصدق) ؟

الموضوع: ‘إعادة أمتحانات جميع رخص القيادة قريباً ؟؟؟

LinkBack

أدوات الموضوع

عرض

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

سلسلة سلوكيات القيادة الأمنة - الحلقة السادسة (القيادة الليلية)

عند تهدئة سرعة السيارة أثناء القيادة دون توقف....وسؤال للماهرين في القيادة

هل القيادة الإفتراضية (Electronic games) تفيد فى القيادة الواقعية

الكلمات الدلالية لهذا الموضوع

المفضلات

المفضلات

ضوابط المشاركة