تحذير هام - فودافون

**eng.m7md.ali** · 13-03-2012 06:24 PM

من اسبوعين كدة اتصل بيا رقم غريب على خطي الموبينيل
رديت وكان اللي بيكلمني بيقولي انه من شركة فودافون وانهم عاملين عروض تحويل الخطوط والكلام ده
من هنا لهنا لهنا الراجل عايز يقنعني اني اغير خطي بنفس الرقم من موبينيل لفودافون
لحد ما جاله حالة يأس اني مش عايز احول
المهم قالي خلاص نقدر نبعتلك خط من فودافون مجاناً عشان تجرب الشركة ولو عجبك تبقى تحول بعدين
ومن هنا لهنا لهنا بيحاول يقنعني ويقولي مجاناً وكدة لحد ما استسلمت
قالي هتصل بحضرتك تحدد معايا معاد اني اوصلهولك لحد البيت قولتله ماشي

النهاردة بقى كلمني تاني عشان ياخد العنوان قولتله انا مش في البيت دلوقتي قالي خلاص مفيش مشكلة تقدر تكلمني في اي وقت وهفوت عليك اديلك الخط قولتله ربنا يسهل
واحد صحبي شك في الرقم وقالي المفروض يتصلو من رقم بتاع الشركة نفسها مش خط فودافون عادي
قالي هات الرقم اديتهوله واتصل بيهم
رد عليه الاخ اياه ده فاصحبي عايز يعمل ناصح .. قاله ( ازيك يا اسلام )
رد الاخ وقاله انا مش اسلام
صاحبي قاله ( هو انت مش اسلام )
قاله لا مش انا الرقم غلط
صاحبي قاله ( طب انت اخوه )
قاله لا معرفش حد بالاسم ده
صاحبي قاله (هو ده رقم شركة ولا رقم خاص )
قاله لا ده رقم خاص يافندم ومليش اخوات اسمهم اسلام

يعني مطلعش تبع الشركة زي ما قالي

حبيت احذر من حاجة زي دي ليكون نصاب ولا حاجة البلد مش ناقصة وربنا يستر اهو عمال بيتصل بيا وانا مش برد عليه

**nabaster** · 13-03-2012 06:32 PM

ده واحد معاه مجموعة خطوط (غالبا عدد ضخم علشان يتصل عشوائي كده) عايز يأكتفها ويشغلها قبل فتره ميعنه

علشان يقدر ياخد التعويض بتاعها من الشركه

هوا مش فارق معاه يديك الخط ببلاش بس اهم حاجه الخط يشتغل ويستخدم علشان ياخد تعويضات الشركه

A.Yakout

**eng.m7md.ali** · 13-03-2012 07:19 PM

المشاركة الأصلية كتبت بواسطة nabaster

ده واحد معاه مجموعة خطوط (غالبا عدد ضخم علشان يتصل عشوائي كده) عايز يأكتفها ويشغلها قبل فتره ميعنه

علشان يقدر ياخد التعويض بتاعها من الشركه

هوا مش فارق معاه يديك الخط ببلاش بس اهم حاجه الخط يشتغل ويستخدم علشان ياخد تعويضات الشركه

a.yakout

هو غالبا كدة فعلا
بس ليه الاول كان بيعرض عليا خدمة تحويل الخط؟
مدام مش من الشركة يبقى ليه قال كدة؟

**bmya** · 13-03-2012 08:24 PM

انا برده من كام يوم رقم 0002 اتصل بيا رديت لقيت بنت بتقولي صباح الخير كذا كذا من موبينيل انا تنحت شويه كده وبعدين قلتلها بس انا فودافون هههههههههههه قالتلي ايوه يا فندم ما انا عارفه احنا لقينا ان حضرتك عميل مميز عندنا قلتلها عندكم مين حضرتك انا فودافون زي ابو تريكه كده قالتلي ايوه يا فندم بس حضرتك لقيناك بتكلم ارقام موبينيل كتير فقلنا نعرض على حضرتك لتحويل لموبينيل بنفس رقمك وفي عروض جامده تحب تعرفها قلتلها ماشي قعدت ترغي وانا اقولها اه تمام ايوه ايوه تمام وبعدين ها حضرتك تحب تحول قلتلها صراحه لاء :))

**SHNORY** · 13-03-2012 08:48 PM

بيتهيالي انها لعبه قذره علشان ياخد صور البطايق ويزور بيها اصوات في الانتخابات
السبب الوحيد اللي خلاني انزل انتخب في مجلس الشعب اني افتكرت ان احد الاحزاب اللي طلعت في الهوجه طلب مننا ارقام بطايقنا ونمضي عليها مع باقي البيانات

**Ahmed_Rahem** · 13-03-2012 08:58 PM

حصل معايا نفس الموقف، واحدة اتصلت وعرضت تحويل خطى الى موبينيل، قلتلها انتى من موبينيل وبتتصلى برقم فوادفون علشان يحول الخط رد وقالت اية، رديت ان دة اسلوب مش نظيف للدعاية وانى مش قابل اى حاجة منها وقفلت السكة.

**SHNORY** · 13-03-2012 09:13 PM

المشاركة الأصلية كتبت بواسطة dreamo

لا الله يكرمك ياريت حد يوضحلنا الحكايه دي

هو ينفع حد يصوت بدالك بصوره بطاقتك ؟!

عندنا في المنطقه .. الاخوان المسملين بتلم الانابيب الفاضيه مع البطايق وتجبهم مليانين من المخازن .. من باب مساعدة الاهالي

والله يا باشا هو مجرد راي
انا كنت سمعت من فتره حوالي سنتين كده
واحد كان مرشح نفسه في المجلس الموقر
راح اجر محل وباع خطوط مشحونه ب5 جنيه رصيد باعهم الواحد بجنيه
ولم صور بطايق الناس علشان ياخد بيهم اصوات

-

-

-

الموضوع: تحذير هام - فودافون

LinkBack

أدوات الموضوع

عرض

تحذير هام - فودافون - انشر الموضوع فى :

-

-

-

-

-

المواضيع المتشابهه

مشكلتين مع فودافون و تحذير مهم

الكلمات الدلالية لهذا الموضوع

المفضلات

المفضلات

ضوابط المشاركة