ايه انسب الطرق للحفاظ علي بطارية النوتبوك والموبايل

**ashouhdy** · 18-03-2012 12:17 PM

بالضبط كدة ... الشاحن و البطارية لا يلتقيان الا للشحن فقط

**SYD** · 18-03-2012 01:47 PM

دة كان رد ليا في احد المواضيع للسؤال عن بطارية للاب توب بردو

المشاركة الأصلية كتبت بواسطة SYD

نصيحة

ماتشتريش بطارية جديدة
البطارية الي ب300 جنيه دي بالتأكيد مش أصلية

البطارية الأصلية لا يمكن تحت اي حال من الأحوال تقل عن 600 جنيه بقول لن تقل يعني ممكن تزيد وتزيد بكتير كمان

احسن استعمال للبطارية
انك مبدئيا ماتستعملهاش غير للضرورة القصوي

يعني لو انت في البيت يبقي ماتركبهاش
لو انت في الشغل ماتركبهاش
لو انت في مكان فيه مصدر كهرباء جمبك ماتركبهاش

طب لما تفكها ، تفكها مشحونة ولا فاضية ؟؟؟؟؟؟!!!!

نص نص

بالظبط عند 40%

البطارية الليثيوم ليها عمر افتراضي يقاس بعدد مرات الشحن الكامل
الشحن الكامل
يعني ايه الشحن الكامل ؟؟
يعني تشحنها من 0% لحد 100%

بالتالي
احسن شحن يحافظ علي البطارية
لما تشحنها ابتداء من 15% ومعظم الكمبيوترات بتحذرك عند هذا المستوي طبقاً للPower Plan الموجودة في نظام التشغيل وتشحنها لحد مثلا 90% وتفصل الكهرباء

يستحسن ماتركبهاش غير للضرورة

ولما تكون فاصلها تماما ممكن كل شهر او 3 اسابيع تركبها شوية تخلص علي الشحن الموجود وترجع تشحنها للأخر لحد 100% وتفضيها لحد 10% او أقل وترجع تشحنها لحد مثلا 50% او 60% والأحسن زي ماقولنا لحد 40%

طب ليه هعمل كدة كل شهر او اقل ؟؟؟؟
عشان تنشطها من جديد ومتديهاش فرصة تخمل او تبوظ خلاياها

احتمال وارد جدا انك لما تركبها بعد فترة فصل طويلة انك تلاقيها خلصت شحن او وقفت الشحن عند 97% ودة امر طبيعي ووراد جدا
ماتقلقش
فضيها واشحنها كام مرة ورا بعض هتلاقيها ظبطت تاني ورجعت تملي لحد 100%
او ممكن لما تلقيها وقفت عند 97% تشيل الكابل شوية صغيرين وليكن 5 دقايق وارجع ركبه تاني لحد لما تشحن لحد 100% شيل وركب كذا مرة لحد لما تملي ل100%

انا شخصيا ماركبتش بطارية الكمبيوتر بتاعي غير مرات معدودة من حوالي سنة ونص والحمدلله بفضل الله البطارية بحالتها ويوم لما بركبها مش اقل من 3 ساعات شغل
بس بعد ايه ؟؟؟؟ بعد ماغيرت حوالي 3 كمبيوترات قبله وكل واحد بطاريته بتودع في حوالي 6 شهور

في ناس بتقول حفظ البطارية في كيس بلاستيك محكم الربط في فريزر الثلاجة
بس انا لا اميل لهذا الرأي

خليها دايما في شنطة الكمبيوتر ولكن بدون استخدام غير في الظروف القاسية جدا واعتقد ماحدش فينا بيشغل الكمبيوتر بتاعه ومفيش جمبه مصدر كهرباء

ومع كامل احترامي للDELL بس انا ماشوفتش منه كمبيوتر بطاريته بتعيش ابدا

تقبل مروري

والله المستعان
،
،

http://www.nilemotors.net/Nile/27608...post3874163297

**Karim_Monir** · 18-03-2012 02:45 PM

كلام هايل
وانا جايب توشيبا بورتجيي المفروض انها بتكنولجي الايكو لتوفير الطاقة وتقعد شغل من 6 الى 8 ساعات
وهي 6 خلايا بس

**dr.hazem** · 18-03-2012 03:30 PM

هو فعلا الاجهزة الحديثة كلها بتفصل البطارية اوتوماتيكي

ولو عايز تتأكد تعالى على علامة البطارية هيقولك 100% not charging
او يقولك fully charged not charging

فهو ريحك من موال انك تفصل وتشغل
لكن اللي بأكد عليه متستخدم الجهاز بشدة لو الجهاز بيشحن البطاريه فعليا

تحياتي