كماليات من usa

**Hobgoblin** · 13-03-2012 10:57 PM

الأعضاء الكرام

أنا عضو جديد معكم والحقيقة استفدت كتير قوي من المعلومات إلي في كل أقسام المنتدى ونفسي أقدم خدمة بسيطة للأعضاء

أنا مبدئياً مقيم في USA في ولاية لويزيانا فبالتالي شراء أي حاجة من USA هو شيء عادي لي...لكن أنا عارف إد اه هي صعبة انك تشتري من مصر مع وجود الشحن والجمارك بالإضافة إن فيه بعد مواقع مش بتقبل غير Credit Cards محلية.

أنا بعرض على أي حد محتاج أي كماليات أو قطع غيار من هنا اني أطلبهاله وأشحنهاله بالبريد العادي (USPS) إلي هو أرخص بديل.

طبعاً السؤال أنا مستفيد إيه؟ بصراحة ولا أي حاجة غير اني باكتسب خبرة الشراء ومعرفة الجديد في مجال السيارات وكمان الموتوسيكلات عشان أنا غاويه.

أكيد الموضوع مبني على الثقة...بس أنا مش هشتري حاجة غير لما اللي طالبها يحول الفلوس وأعتقد أسهل طريقة هي PayPal.

أنا مقدر تماماً وعارف إن فيه ناس كتير هتقول نصب ولكن أنا بردو كتبت الموضوع. اللي محتاجني في حاجة أنا تحت أمره وممكن كمان يشتري الحاجة بنفسه وتتشحن على عندي وأنا أبعثاله عشان يوفر الشحن الدولي. أو اساعد بأي طريقة زي ما تشوفوا. ولو سمحتو اللي مش حاسس إنه ممكن يثق في الموضوع دة يعتبر نفسه ما قرأهوش.

طبعاً ربنا عالم بالنوايا وأنا بس عايز اساعد.

اتمنى تقبلوني عضو معاكم هنا وزي ما قولت...أنا تحت أمركم

سلام

**Bonanza** · 14-03-2012 10:20 AM

مبادرة جميلة منك اخي الكريم

شوية تفاصيل كده

البريد العادي ده بيوصل في كام يوم
و بيتحاسب بالكيلو بردو ولا ايه نظامة
و تكلفتة كام

و اعذرني يا باشا
ايه وسيلة الاتصال بيك
و ايه اللي يخلينا مطمنين من التعامل معاك

و اعذرني مرة تانية

**msafa** · 14-03-2012 01:40 PM

PayPal

مش شغال في مصر للاسف

**Hobgoblin** · 14-03-2012 04:20 PM

المشاركة الأصلية كتبت بواسطة Bonanza

مبادرة جميلة منك اخي الكريم

شوية تفاصيل كده

البريد العادي ده بيوصل في كام يوم
و بيتحاسب بالكيلو بردو ولا ايه نظامة
و تكلفتة كام

و اعذرني يا باشا
ايه وسيلة الاتصال بيك
و ايه اللي يخلينا مطمنين من التعامل معاك

و اعذرني مرة تانية

Bonanza

البريد العادي حسب الظروف...قصدي حسب البريد في مصر. هنا بيقولو أسبوع تقريباً بس زي ما قولت المشكلة في مصر.

الحساب بيكون بالوزن طبعاً...أو بالحجم لو الحجم أكبر من الطبيعي...مثال لو هتشحن 2 كيلو قش هيبقى حجمهم كبير...ساعتها يحاسب بالحجم.

وسيلة الإتصال بي عن طريق الرسايل الخاصة أو على العام ...وكمان ممكن تكلمني على الموبايل لو تحب

0019856880576

بص يا سيدي...للأسف مفيش ضمانات. أنا بعامل ضميري وعارف إن ربنا شايفني وهيحاسبني..

أنا زي ما قولت بحاول اساعد وبس...وطبعاً لو حضرتك مش مرتاح أنا مش بالومك دة حقك.

وأنا تحت أمرك في أي مساعدة

**ahmedeihab** · 15-03-2012 12:38 PM

المشاركة الأصلية كتبت بواسطة gsoleiman

bonanza

البريد العادي حسب الظروف...قصدي حسب البريد في مصر. هنا بيقولو أسبوع تقريباً بس زي ما قولت المشكلة في مصر.

الحساب بيكون بالوزن طبعاً...أو بالحجم لو الحجم أكبر من الطبيعي...مثال لو هتشحن 2 كيلو قش هيبقى حجمهم كبير...ساعتها يحاسب بالحجم.

وسيلة الإتصال بي عن طريق الرسايل الخاصة أو على العام ...وكمان ممكن تكلمني على الموبايل لو تحب

0019856880576

بص يا سيدي...للأسف مفيش ضمانات. أنا بعامل ضميري وعارف إن ربنا شايفني وهيحاسبني..

أنا زي ما قولت بحاول اساعد وبس...وطبعاً لو حضرتك مش مرتاح أنا مش بالومك دة حقك.

وأنا تحت أمرك في أي مساعدة

شكرا لحضرتك الناس هنا كلها بتعرف تجيب من بره

اللى محتاج حاجه للهوندا يقول عليها علشان فيه شحنه جايه قريب
ادخل على قسم الهوندا و انت هتعرف كل حاجه
بس حاجات هونداااا بس
^_^

**Hobgoblin** · 15-03-2012 03:08 PM

المشاركة الأصلية كتبت بواسطة ahmedeihab

شكرا لحضرتك الناس هنا كلها بتعرف تجيب من بره

اللى محتاج حاجه للهوندا يقول عليها علشان فيه شحنه جايه قريب
ادخل على قسم الهوندا و انت هتعرف كل حاجه
بس حاجات هونداااا بس
^_^

العفو يا فندم

أنا كنت فاكر الشراء من مصر صعب شوية عشان كدة فتحت الموضوع دة.

على العموم أنا موجود لو حد محتاج حاجة من العبد لله.

وكفاية علي اني اتعرفت على ناس محترمين كدة في منتدى هايل بالشكل دة.

سلام

**samyyousef** · 15-03-2012 03:59 PM

السلام عليكم
عرض كريم من حضرتك........أتصور أن النقل عن طريق الكونتينرز أوفر ؟
فلو أن حضرتك تعرف واحد ممن يتعامل مع قطع الاستيراد في مصر سييسر الأمر ....بمعنى أن يكون الطلب من حضرتك و يكون التوصيل من خلال المتعاملين مع النقل البحري

**Hobgoblin** · 15-03-2012 04:51 PM

المشاركة الأصلية كتبت بواسطة samyyousef

السلام عليكم
عرض كريم من حضرتك........أتصور أن النقل عن طريق الكونتينرز أوفر ؟
فلو أن حضرتك تعرف واحد ممن يتعامل مع قطع الاستيراد في مصر سييسر الأمر ....بمعنى أن يكون الطلب من حضرتك و يكون التوصيل من خلال المتعاملين مع النقل البحري

وعليكم السلام

أكيد طبعاً ال-containers أوفر بكتير...والحقيقة هنا قطع الغيار موجودة بكل اشكالها...يعني فيه ما يعرف ب-junkyard أو scrapyard بيبقى فيها كل اللي نفسك فيه وبتروح تنقي من العربيات وتفك وتحاسب...حاجة جميلة قوي بصراحة.

أنا بس مشكلتي في الوقت لأني طبعاً عندي شغلي واكل كل وقتي...لكن أنا هحاول أشوف أماكن بتبيع إستيراد اونلاين وربنا يكرم.

واحنا حاضرين يا فندم لأي خدمة

سلام